افضل الخيارات اذا بسكن شهرين

السلام عليكم يعطيكم العافية

حجزت باذن الله للصيف لمدة شهرين ومفكر اثبتلي شقة في مكان واحد تكون هي مكان الاستقرار واتحرك منها بين مناطق المغرب المختلفة وارجع لها مرة ثانية، السؤال هو شلون احصل افضل شي باقل سعر؟ مع العلم بكل الاحوال راح اطلب الدفع يكون كل 3 او اربع ايام واذا جازلي الوضع وشفته تكانه بخليه كل اسبوع



وشاكر لكم مقدما

وعليكم السلام ورحمة الله وبركاته

ليش تحجز شقه لمدة شهرين وتدفع إيجار ثاني للشقق او الفنادق اللي بتسكن فيها فالمدن الأخرى.

كل مدينه تزورها اسكن فيها المده اللي تعجبك وخلاص.

مجرد رأي

__________________
لاتسمع كل ما يقال ولا تقول كل ما تسمع.

محد ماجرك شهرين بنطام دفع كل ثلاث ايام لانك في هالحاله بتخسر السعر الرخيص
شقه تاخذها بالشهرين ممكن تطلع يوميتها عليك ٣٠٠ او٤٠٠ درهم. لكن بنظام دفع كل ثلاث ايام بتصير دبل
اضافه الى ان المؤجر بالصيف اذا جاه عرض افضل سحب. عليك وقال لك اطلع
يعني يبيلك تحسبها صح

حجزي بالصيف وعلى حسب الي اشوفه راح يكون في قلة في العرض، واذا اخذت الشقة بسعر شهري ساعتها التكلفة ماراح تكون عالية بحيث تأثر علي اذا رحت يومين او ثلاث لمدينة ثانية

يعني قصدك الخيارات هي اما اخذها شهري واخسر ضمانة الاتفاق او اخذها يومي لكن بالمقابل اذا صارتلي مشاكل طلعت بدون خسائر، بحيث ان الاولى تكون مخاطرة عالية لكن سعر قليل والثانية تكون مخاطرة قليلة لكن بثمن مرتفع

عزيزي خذها نصيحه من اخوك

إذا ناوي تستقر في مدينه وحده على سبيل المثال كازا وتزور الاماكن القريبه منها مثل الرباط او المحمدية او ابوزنيقه وترجع في نفس اليوم لشقتك في كازا معقوله تستأجر شقه لمدة شهرين

او مثلاً تستقر في طنجه وتزور الاماكن اللي حول طنجه وترجع لشقتك في طنجه اوك .

أما انك تستأجر شقه في كازا وتدفع قيمة شهرين وتسافر لمراكش او اغادير تقضي فيهم ثلاثه او اربعة ايام او اكثر وتترك شقتك محجوزه ومدفوع ايجارها وتروح تستأجر في أماكن ثانيه معناها ماستفدت شي ولا وفرت بلعكس راح تطلع عليك اكثر من بيع السوق .

شوري عليك رتب امورك من الان واعرف وين تبي تروح وكل مدينه استأجر فيها المده اللي تعجبك .

ومثل ماتفضلت المغرب فالصيف كل شي عامر والاسعار مرتفعه جداً من سكن او إيجار سيارات وغيره .

انصحك تستخدم تطبيق Airbnb .

رحله سعيده وموفقه باذن الله.

__________________
لاتسمع كل ما يقال ولا تقول كل ما تسمع.

اسمحلي بس ليش تستأجر بمكان معين شهرين!!! ليش تبي تربط عمرك

لكل سفره هدف ماعرف وش اهدافك هل هو التعرف على مدينه ثم شراء عقار واستقرار او زواج فيا رحال خلك رحال متى ما اندبلت كبدك حرك لديرة ثانيه

انت مسافر شهرين الموضوع لو استقريت راح توفر 3 الاف ريال عاد وشهي هالثلاثه




أرسلت بواسطة iPhone بإستخدام مزاعيط المغرب

معاك والله لكن انا مابي ادخل في معمعة البحث عن سكن، مابي اجرب الشقة وتطلع زينة واروح يومين ارجع الاقيها محجوزة وتعال دورلك شقة ثانية، لو ماكان فيه زحمة ماكنت مضطر لهالشيء

ابد والله اخوك رحال درجة اولى ماحب اربط نفسي، لكن قال شحادك يالمسمار وقال المطرقة، وانا المسمار والزحمة هي المطرقة، مابي القى مكان زين ويروح علي ان طلعت منه

هههههههههههه
رحال مايتعلم من اغلاطه ياحبك للبهذله وعوار الراس يارحال بتعيد نفس الغلط اللي سويتها بكازا
رحال خلك عالفنادق المتوسطه وخذ شنطة ظهر وفر المغرب لين تقول بس وافتح غرفه اذا لقيت شي زين انت يبيلك اخونا (خالد الرياض) يدرسك شوي لانك سافرت اكثر من مزاعيط واجد ولي لحينك تحتاج معلومات