البنوك فـي المغـرب
اذا قدر الله عليك ياصاحبي وسكنت لمدة طويلـه في المغـرب ..فحاول ماتكثر احتكاك مع البنوك المغربية
والسبب لانهم مثل المنشار طالع ماكل ناازل ماااكل .. اي حساب بتفتحها في المغرب بيكون عليه رسوم مرات تتخصم كل شهر ومره تتخصم كل ثلاث شهـور والحساب اكثر من نوع حساب توفير وحساب ثاني..
التوفيـر هذا ماتقدر تحول منه فلوس او يستقبل فلوس من برررا
اما حساب الثاني وهو رسومه اكثر فهو اللي مفروض انك تفتح منه
سلبيــات البنك المغـربي
-طبعا طريقة البنوك توقف برا عند باب البنك الى ان يفتحلك سكورتي تدخل !!
تحس انك حرامي مش عميل .. حاول دايم تمشي وقت فيه البنك فاضي ..
- مهما كان حسابك فعليك رسووم
- عند فتح حساب لايمكن اغلاق الحساب الا من نفس الفرع البنك اللي فتحت منه !!
- تجيك رسوم اضافيه وعند الاستفسار يقولك انت بطاقة البنك الشعبي وسحبة مرتين من بنك الوفا والرسوم عليك انت ..
- اذا حسابك صار صفر يستكملون اجرائات الخصم وتصير مديون ومديون ومديون لمدة سنه ونص بعدين يعينون محامي يرفع قضيه عليك وبعدين يحكم القاضي وبعدين يحطونك مطلوب في المطار ونقاط التفتيش وانت داخل المغرب او طالع يمسكونك ويقولون لك مانطلقك الا في كومسيريا ( الشرطه ) وهناك تكتشف ان عليك مديونية رسووم حساب + مصاريف تقاااضي ) وتدفع غصب عنك
- اذا سكرت الحساب ماتكتفي بكلمة تسكر الحساب !! لان بعد شهر تمر البنك بالصدفه وتقوله حسابي تسكر ويقولك لا ماتسكر وتقوله انت قلتلي انه تسكر !! يقولك ارا الورقه ؟ تقول شمن ورقه !! يقولك ورقة من عندنا انو صافي تشد الحساب ومانساليك والو !! اذا ماعندكش ادا مساكرتيش الحساب !! طبعا هذي حركاتهم في 90% من البنوك لان تقييم مدير البنك باغلاقات وفتح الحسابات في الفررع ..
ايجابيات
- اذا بتشتري سياره شقه تاخذ معك شيك مصدق فقط ويخصمون منك ..
- بعض التطبيقات الحكومية تقبل بطاقة مغربية فقط للدفع!
في الاخير رسالة شكر للبنوك السعوديه واللي بعضها يرسلك بطايق الصراف والفيزا للمغرب ! وتحديث البيانات اصبح الكتروني واللي جرب غيرهم يحس بقيمتهم بصراحه .. واكيد هالشي مو طيب منهم من مؤسسة النقد ضاغطا عليهم
وعلى قولة المغاربه مـا كيحسـب غيــر الــمزلـــوط
التعديل الأخير تم بواسطة ابوسلمان الثاني ; 2023-09-14 الساعة 07:57 AM
2023-09-14, 07:47 AM
المواضيع المتشابهه للموضوع: تبي تعرف المغرب تصلح للعيش او لا؟ تجــــــربــــتــــي في العيــش في المغـــرب
العرض العادي
الدرهم المغربي مقابل عملات الخليج