عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


تجارب الاعضاء في المغرب اكتب تجربتك سواء سكن من فنادق , منتجعات , شقق ..ومواصلات كشركات تاجير سيارات..خطوط طيران

تبي تعرف المغرب تصلح للعيش او لا؟ تجــــــربــــتــــي في العيــش في المغـــرب

إضافة رد
 الصورة الرمزية ابوسلمان الثاني
ابوسلمان الثاني
مزعوط مبتدء
المشاركات: 47
تاريخ التسجيل: Jun 2021
ابوسلمان الثاني غير متواجد حالياً  
قديم 2023-03-14, 09:14 AM
  المشاركه #1
تبي تعرف المغرب تصلح للعيش او لا؟ تجــــــربــــتــــي في العيــش في المغـــرب

اليوم بتكلم لكم بكل حيادية عن المغـرب .. سلبيـات وايجابيـات بكل تجـرد

المغـرب تزوهـا اسبـوع او اسبـوعيـن او شهـر شهريـن ... تختلـف لما تجلس فيهـا ثلاث شهـور وفوق ..!
طبعـا السكـن في المغـرب جربـت الاثنيـن .. الشقـه والفيلا .. وبنبدا بالشقـه من تجارب ولاهي مقياس

ايجابيـات الشقـه ..

1- البقالات ومحلات حولك وحواليك يعني متا مابغيت شي خطوتين وترجـع سواء جزار خضار بقال وهذو ثلاثه هم اهم شي لك في الاستعمال اليومي
2- احساس الامن .. بالشقه ماتستاحش او تخاف .. لان حولك جيراان لو صارخت صرختين العماره كلها جااات واللي جنب العماره بيجون واي احد مار في الشارع بيجي
3- بالنسبه للاعياد ومناسبات .. خاصه ذبح خروف .. بيكـون في معـاونـه من الجيـران وتحـس انكم عايلـه واحـده
4- وقت السفر خارج المغـرب .. توصـي جارك يخلـي عينـه عليهـا
5- اذا جبت اغراض مثل تلفزيون او دولاب او سلندر غاز او او .. لاتشيـل هم ستين واحـد واقـف يبي يساعدك في الشيل

سلبيات الشقه :
1- انت السعودي يعني مفروض انت تدفع اكثر في غسيل الدروج وصباغة الدروج وتصليح الباب وفاتورة لمبة الدروج وتصلحيح جرس العماره وتلقا الناس يطنشون يبون منك انت تفزع بما انك انت الساااعودي
2- يشبكون من كهرباء طبلونك ههههه يعني الظاهر عندهم سرقتك حلال .. المهم لاتستغربها تكون لمبات الدرج مشبوكا بسلك من طبلونك ! او محلات اللي لاصقه بالعماره واحد شبك سلك من طبلونك .. الافضل دايم طفي طبلون الشقه وتتاكد قرص طبلون يدور او لا
3- جارك الفوق حمامه خربان وتسبب تشقق صباغه عندك .. لاتتوقع انه بيصلح عشانك .. او حتا نص بالنص .. الواقع يقول المليان يكب على الخاوي .. يعني الله يعينك انت السااعودي مالو ماعندوووش ( ههههه ) فانت بتتحمل التصليح لان انت المتضرر ..
4- مشاكـل تحدث احيـان لمـا تسلم واجـد على الجنس الناعم في الدروج او الاصانصيـر .. فالافضـل احشـم نفسكـ وابعـد عن اجواء العماره اللي انت ساكـن فيها والخير واجد بعيـد
5- صعوبة انك تخليها لولد عمك اصدقائك وانت غير موجود ... ماتدري وش بيصير وقتها
6- كلن يدري من جاك ومن طلع منك حتا لو تزورك اختك شكو فيك


باقي للموضوع تكملـه في الامور الثانيه ان شاء الله

اتلاااااااااااااااااااااح


التعديل الأخير تم بواسطة ابوسلمان الثاني ; 2023-03-14 الساعة 09:18 AM
رد مع اقتباس
لاجئ سياحي
مزعوط نشيط
المشاركات: 119
تاريخ التسجيل: Oct 2011
لاجئ سياحي غير متواجد حالياً  
قديم 2023-03-14, 09:46 AM
  المشاركه #2
ابو سلمان .. يعطيك الصحة
موضوع جميل واسلوب الطرح اجمل

متابع معك
__________________
قال تعالى

((الزَّانِي لا يَنكِحُ إلَّا زَانِيَةً أَوْ مُشْرِكَةً وَالزَّانِيَةُ لا يَنكِحُهَا إِلاّ زَانٍ أَوْ مُشْرِكٌ وَحُرِّمَ ذَلِكَ عَلَى الْمُؤْمِنِينَ ))

[النور:3]
رد مع اقتباس
mnbv
مزعوط نشيط
المشاركات: 71
تاريخ التسجيل: Nov 2017
mnbv غير متواجد حالياً  
قديم 2023-03-14, 11:22 AM
  المشاركه #3
تبي تعرف المغرب تصلح للعيش او لا؟ تجــــــربــــتــــي في العيــش في المغـــرب

في انتظارك ابوسلمان
طرح جميل وموضوع رائع.
رد مع اقتباس
 الصورة الرمزية ابوسلمان الثاني
ابوسلمان الثاني
مزعوط مبتدء
المشاركات: 47
تاريخ التسجيل: Jun 2021
ابوسلمان الثاني غير متواجد حالياً  
قديم 2023-03-14, 12:23 PM
  المشاركه #4
السكن في فيلا وبعد تجربة سبع شهور

ايجابيات الفيلا

1- تطلع من الكراج وتدخل من الكراج لامن شاف ولا من دري
2- تقدر تسافر وتخلي المفتاح لعيال عمك اصحابك ماحد له دخل فيهم
3- ليالي الباربكيو ممتعه كل ليله واغلب العام الحديقه ممتعه تكون
4- مسبح وحتى لو كان سته متر في اربعه له جوووو غير طبيعي وراح تستمتع واللي معاك راح ياخذون راحتهم باللبس وبكل شي
5- كاميرات تحط في الحوش مثل ماتبي تراقب كلشي
6- اصحاب الفيلات بالمغرب طبقه متعلمه تقريبا ويعتبرون نفسم هاي كلاص مامنهم مشاكل
7- استمتاع الضيوف بالفيلا والحياه تكون ممتعه وفرررري ويحبون يجلسون اسبوع اسبوعين
8- سيارتك في كراج قمة الامان ماتخاف لاتكسير زجاج لاحكات ولا عساس يجمركك يوميا تسافر وترجع وهي موقفه بالامان



سلبيات الفيلا

1- ضروري من العساس لان دايم في احساس بالخوف سواء بالليل او بالنهار
2- ضروري من الشغاله لان دورين وقبو يبيلهم شغل تنظيف دايم
3- مشكله في اسطوانة الغاز تدور احد يشيل معك
4- اذا شريت اثاث لازم تتفق مع اللي ينقل العفش يجيب معه كم واحد يشيلون معه
5- المقدم كل اسبوع اسبوعين واقف عند باب البيت ويألف عليك هذا مشتكي وهذا مشتكي ! صار مصروف شهري هذا المقدم حتى تغير لمبة الشارع بيجي يقولك خليتهم يحطون لك احسن لمبه ماتحتاج لمبات في حوشك لمبة شارع تكفي ههههههه
6- بعض الجيران يستخدمون كلاب وازعاج ! لحالك وانت سعودي تشتكي ماتبي مشاكل .. ماتبي تفتح عليك ابواب مسكره
7- لاجيت تبيع حتتوهق .. الشرايين قليل مو مثل الشقه تتصرف في نفس اليوم .. ممكن تاخذ معك سنه سنتين
8- الطمع من الطيور وخاصه اذا حسو انك بالفيلا لوحدك .. تتطلعيتهم احيان صعبه وخاصه مع وجود شنطة ملابسهم
9- عند سفر بالك كامل معها اذا مافي حارس


ولنا رجعه وعلى قولة المغاربه دور دور وترجع للمقدور

التعديل الأخير تم بواسطة ابوسلمان الثاني ; 2023-03-14 الساعة 12:26 PM
رد مع اقتباس
 الصورة الرمزية ابوسلمان الثاني
ابوسلمان الثاني
مزعوط مبتدء
المشاركات: 47
تاريخ التسجيل: Jun 2021
ابوسلمان الثاني غير متواجد حالياً  
قديم 2023-03-17, 07:32 AM
  المشاركه #5
المستشفيــــات

اذا الله قدر عليك تعيش في المغرب ياصاحبي .. الحياة جميله .. لكن لاتخلو من المنغصات !!
وبما انك في المغرب فالمرض بيكون على حسب وضعك ! كيف يعني ؟
اذا عشت حياه صحيه مثل واحد محامي سعودي قابلته .. يقوم الساعه خمس الفجر .. يلبس لكن مايصلي هههه وياخذ شوز نايكي وكاب على راسه .. ومعاه كلب حقه .. جيرمن شيبرد .. عز الله انه انظف وارتب من اشكال تشوفها .. المهم وبعدين اضبط ساعتك معاه قبل ست صباح تلقاه طالع .. سواء صيف او شتاء ... لازم يمشي .. مالايقل عن ساعه الى ساعتين !! ولحاله !! احيان قليله الى نااادره يكون معاه الوجه الحسن ... يرجع الفيلا . ( اسم فيلا على اسم بنته في السعوديه هههه ) يلقى الفطور جاهز بيض بلدي عسل بلدي خبز بلدي زيت بلدي جبن بلدي بلدي بلدي كلشي بلدي ههههههه

بعد الفطور يمشي السوق .. يشتري الحاجه اللي جات اليوم خضروات او فواكه .. حتى الدجاج مافي امل يشتري مثلج .. يشتريه حي ويذبحونه نفس اليوم ويتاكل نفس اليوم .. عارف اوقات حقين السمك متا يجيبون سمكهم وعارف اوقات الجزارين متى يذبحون بقرهم ههههه

الغداء ساعه وحده الظهر ونفس الشي اشياء مطبوخه بالبيت !! نادر ياكل في المطاعم !!
تبدا سهرته ساعه 4 العصر ويقفل بيبانه ست او سبع وينام !!

هذا النمط صحي وراعيه مايمرض لانه عايش على حاجات اورجانيك وفررريش

نيجي للي مثلنا للأسف .. ورغم ان الاكل المغربي من انظف الاكل في العالم ! لكن احيان مشاوي على الطرق السريعه لاتخلو من حاجات قديمه وحتى احنا ناكل حلزووون !!! معدتك اربعين سنه ماكلت حلزووون وفجاه داخل فيه شرق وغرررب !!! بالنسبه لهم هم معدتهم متعوده لكن احنا الخليجيين معداتنا حساسه من الاشياء هذي !

المهم بعد هالمقدمه نيجي للمستشفيات في المغرب اذا مرضت !

الخاص .. الداخل مفقود والطالع مولود ... اول شي دخول على اختصاصي 200 ريال عكس مصر !!
هذا دكتور بيرسلك تعمل تحاليل 500 ريااال مع مركز تحاليل معين !! فتخيل انت مريض ومتكسر
وماسك سرى للدكتور .. على مايجي طويل العمر وبعد ماتشوفه يرسلك تحاليل ... تروح تنزل في درووج العماره وانت مريض وتركب تاااكسي وانت مريض وتروح للمختبر وانت مريض وتستنا دورك وانت مريض وبعدين ياخذون تحاليلك وانت مريض وبعدين تستنا ساعتين او ثلاثه او عشان يعطونك النتايج وبعدين تركب تاكسي وانت مريض وتروح عمارة وتطلع دروووج وتشوف الدكتور عشان يشوف تحاليل وبعدين يعطيك ادويه وتنزل مره ثانيه وتركب تاكسي وتروحون تدورون صيدليات اللي مناوبه بالليل وهي معدوده ( الله يعز السعوديه الدواء والنهدي 24 ساااااعه مفتوحين ) وهناك تدفع مايقارب 300 ريال ادويه وبالاخير احسب تقريبا كل مرضا لك بألف رياااال اقل شي اذا تسمم او لوز او الام في الصدر !

بالنسبه لمستشفيات المخزن ( الحكوميه ) فهي بكل بساطة طوابير الذل !! الناس طايحه واللي شايل ابوه واللي جار امه وصراخ ومهاوش !! رحت بالليل ثلاث مرااات !! من ادخل مستشفى محمد الخامس من الباب ياجماعه وقسم بالله الدم في الارض !! شمكاره ودمان وعادي تشوف واحد يده مشرررطه !!! يسالونه في المستشفى من شررررط يدك !! مايجاوب سكراااان !! يقول صاحبه تذكر الحب وشرط يده !!

واحد جالس ف الارض والدمان تنزف منه !! ولا واحد معطيه وجه !!

شايب وولده يكسر الباب يقووول دخلو ابوي !! ممرضات يقولون ماعندنا مكان ! جاه طبيب وقال ابوك فيه الموت وبلا ماتخليه عندنا اديه داره يرتاح تايدي مول الامانه امانتو !!!

السكورتي السكورتي السكورتي اللي عند الباب هو السر !! اللي يعطيه فلوس حيدخل عند الدكتور ويتعالج واللي جاي يستنا علاج الحكومه ... خله منطق يستنا علاج الحكومه !!

اما بالنسبه للنساء الحوامل فحدث ولاحرج ... مره مشيت مع شغاله بنتها تولد وكلموها ...
انا لاشغل ولا مشغله ... قلتلها اروح معاك .. ركبنا سياره ورحت انا وياها ومعنا بنت اختها عمره 11 سنه حقت مشاوير البقاله تصلح وتجيب شاحن او ماء اذا بغيت .. المهم وصلنا دخلت لقينا البنت ورجلها يستنون يدخلون قسم الولاده .. والبنت تصااارخ !! بوووولد بووولد والرجل يطق الباب يدخلونها !
تصدقون مافتح الباب لين عطاتهم 100 درهم !!

طيب بالنسبه لي انا ومن واقع تجربه .. المستشفيات الحكوميه لنا كخليجين افضل .. من دخلت الباب عط 100 درهم سكورتي 100 درهم دكتور وبتسبق نااااس هذي كلها في الفحص والعلاج !! لكن التحاليل والادويه عليك

اه بالنسبه للي عندهم تامين طبي من عيالهم وعايشين بالمغرب ... ببساطه بله واشرب مويته !!
مستشفيات وكلينيك كلها فاتورتها فرنسيه !! مايعرفون يكتبون عربي ولا انجليزي !!
التامين هنا يشترط عربي او انجليزي !! حاولو كم واحد ولا في فايده معقده

بالنسبه للامراض اللي طويله ... رسالة شكر للسفارة السعوديه في المغرب .. جيب تقارير طبيه للسفاره وبتتكفل في علاجك ( تسجل مديونيه عند الداخليه ) .. واحيان يتم دفعها من مصروفات السفاره


وعلى قولة المغاربة اللي بغا يطلب ... يطلب غير الصحـــه

التعديل الأخير تم بواسطة ابوسلمان الثاني ; 2023-03-17 الساعة 07:36 AM
رد مع اقتباس
ذكريات
مزعوط جديد
المشاركات: 6
تاريخ التسجيل: Mar 2023
ذكريات غير متواجد حالياً  
قديم 2023-03-20, 01:29 AM
  المشاركه #6
تسلم ايديك يا كبير

نصائح ذهبية
رد مع اقتباس
 الصورة الرمزية حبي
حبي
مزعوط مميز
المشاركات: 323
تاريخ التسجيل: Nov 2021
حبي متواجد حالياً  
قديم 2023-03-20, 03:34 AM
  المشاركه #7
متفق معاك في اغلب النقاط باستثناء
1 رسوم سانديك شامله النظافه والحراسه ماتتعدى ٣٠٠ درهم فالشهر واذا اخل سوى بنظافه تصور وتكلم مدير السنديك واذا ماتجاوب اقطع عنه اجرة السانديك ..وقدم شكوى للمقاطعه .
٢ محد يقدر ويتجراء ان يشبك معاك من طبلونك للكهرباء اولا لو اكتشفتها شركه والعداد غير مشترك تدفع غرامه .
عدادك ومفتاحك يكون معاك
ولو لاحظت شي تقدم شكوى لشركة الكهرباء .
٣ اذا واقع عليك ضرر من جارك تكلم السانديك هو يعاين ويتصرف .

قانون فرنسي ماهوسيبه الا اذا انت راضي .
رد مع اقتباس
 الصورة الرمزية ابوسلمان الثاني
ابوسلمان الثاني
مزعوط مبتدء
المشاركات: 47
تاريخ التسجيل: Jun 2021
ابوسلمان الثاني غير متواجد حالياً  
قديم 2023-03-21, 01:12 PM
  المشاركه #8
اقتباس:
المشاركة الأصلية كتبت بواسطة حبي مشاهدة المشاركة

قانون فرنسي ماهوسيبه الا اذا انت راضي .
قانون والفرنسي والتطبيق صومالي ..!
رد مع اقتباس
 الصورة الرمزية ابوسلمان الثاني
ابوسلمان الثاني
مزعوط مبتدء
المشاركات: 47
تاريخ التسجيل: Jun 2021
ابوسلمان الثاني غير متواجد حالياً  
قديم 2023-03-21, 01:35 PM
  المشاركه #9
السياره في المغرب

طبعا التنقل في المغرب بين المدن في الطريق العاديه متعه من اكبر المتع
خضاار وجباال وتمر عليك ناس اشكال وانواع وتقدر عند كل قريه تمر تاخذ
برتقال او موز او حمص او فشار او شاي او اللي تبي ولا ينغصها الا رجال الدرك الملكي
فالطريق العاديه بين المدن متعتهم ولعبتهم وفاااااااضينلك يعني ممكن يوقفك ولاسويت
شي انت لكن انتظر يشوف الاوراق ويقلب ويحوس وعاااد بعد نص ساعه يتجرا ويضحكلك
ويقولك دور معنا !! بالاخير اذا انت بالوضع السليم ماراح تعطي لكن المشكله العطله اللي
بيسويها لك !!! قاعده في المغرب ( خل اعصــابك في ثلاجـــه )

السفر في طريق سيار متعته مافي تفتيش ! سرعه معروفه 120 واذا تجاوزت السرعه
وقفوك ... يعني ماراح يوقفونك في طريق سيار الا اذا عندك مخالفه

السفر في ستيام او قطارات العاديه ... راح تقتل المتعه ! روائح حتغلبك !

بالنسبه لنا كسعوديين او خليجيين ومقيمين مدد طويله نفضل السياره وهنا ننقسم

ايجار سياره لمدد طووويله

1- حتشتري راحة راسك لان سياره مااشتغلت خربت بتروح تقطها على المحل
2- الكراء ميزته اي حادث للسياره اتصل على محل كراء ويجي يتفاهم هو والتامين !
3- في كل عقود تامين شامل 5% الى 20% من قيمة سياره تصليح ! يعني اذا عدمت سياره قيمتها 150 الف ريال .. حتدفع بين 7500 الى 30000 ريال .. اعتقد اتفاق ممتاز خاصه انك عدمت سياره
4- للاسف مهما كنت زبون وتتعامل معه بالشهور !! المغاربه ماعندهم ثقافة يكسب الزبون
لان بمجرد تسافر اسبوع اسبوعين وترجع نص الصيف للمغرب بتلقى السعر ارتفع ! تقوله افاا يافلان انا زبونك واتعامل معك طوول السنه ! لا مايفهم ولاتدخل راسه ودايم يفكر بالمغربي ( لو جبر ماحسن مني كان مابقاش معايا ) !!
5- اغلب سيارات كراء اهلها سياح .. فالبوليس يعتبرهم صيدات
6- ماتشيل همها وانت برا المغرب !

كل سفره من تسلم السياره او تسستنا استلامها تحس وقت ضااايع على الفاضي !

شراء سياره ...

1- دلع نفسك بسيارتك وعيش وتغير وتبدل من داخل زي ماتبي
2- عند وجود اي حادث ! انت الغلطان على طوول .. اول شي يجي التامين .. ويحط نسبة الخطا ! بعدين يقولونلك روح سعر التصليحات .. وجيب فاتوره .. بعدين يطلع الخبير يشوف الصدمه .. بعدين اللي بيقوله الخبير بيمشون عليه !! حتا لو تصليح اغلى من كلام الخبير !! هذا الواقع !
يخيرونك تصلح في ورشه او من عندهم وتوديها على طول او تصلحها من ورشه من عندك لكن بيقولون لك استنا الشيك يجي والقطع اللي بدلتها احيان يجي الخبير يصور ! مثلا كتبت تبديل بيبان وانت سمكرتها بس !! يبون يصورون الباب المفكوك والباب المركب ! وبالاخير تختلف بين شركه وشركه ..
3- تدفع ضريبه كل سنه للسياره شهر واحد
4- اليد العامله في تصليح وصيانه الوكاله رخيصه جدا ... يعني بي ام صيانة 10 الاف 350 ريال
5- اي وقت بتجي صيف او عيد او مناسبات .. سيارتك تستناك !


بالاخير .. في المغرب لاتحتاج سياره كشخه .. عشان يعرفون من انت

مجرد انك خليجـي لو معك بيكانتو ... امورك في السليـــم

وعلى قولة المغـاربه ... سواعدا كتطيحلهم فلوس بحال الشتــا
رد مع اقتباس
 الصورة الرمزية عبدالعزيز ك
عبدالعزيز ك
مزعوط قدير
المشاركات: 217
تاريخ التسجيل: Sep 2019
الدولة: الرياض
عبدالعزيز ك متواجد حالياً  
قديم 2023-03-27, 03:00 PM
  المشاركه #10
ما شاء الله عليك ابو سلمان موسوعة تبي تعرف المغرب تصلح للعيش او لا؟ تجــــــربــــتــــي في العيــش في المغـــرب

Sent from my SM-N981B using مزاعيط المغرب mobile app
رد مع اقتباس
إضافة رد

الكلمات الدلالية (Tags)
المغرب


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع

المواضيع المتشابهه للموضوع: تبي تعرف المغرب تصلح للعيش او لا؟ تجــــــربــــتــــي في العيــش في المغـــرب
الموضوع آخر مشاركة
الاخوة الكرام هل المغرب تصلح لعمل مشاريع تجارية خدمية مثل البرمجة والترجمة ومراكز الاتصال .. 2022-01-30 01:31 AM
تعرف على المغرب الحبيب.. 2013-01-03 12:09 AM
تعرف على المغرب 2011-10-15 01:01 AM
الفهري: الإصلاح سيتيح للشعب فرصة للعيش بكرامة 2011-03-11 07:26 AM


الساعة الآن 11:02 PM