أفضل طريقة بديلة لحمل الكاش والصرف

بالنسبه لي اوزع مبالغي كالتالي:- ١- اخذ معي كاش يمثل مانسبته 50% من ميزانيه السفره المبلغ معي بالريال واودعه اول ماوصل المطار في بطاقة الوفاء كاش .. ٢- مبلغ 20% من ميزانيه السفر في بطاقة الراجحي للسفر سفر بلس .. ٣-مبلغ يمثل 20% من ميزانية السفره في بطاقة السفر الخاصة بالسعودي للاستثمار.
٤- واخيرا مبلغ كاش 10% يكون معاي لانك راح تحتاج كاش يكون معك..

بالنسبه لبطاقات السفر ضروري تضيفها على جوالك في ابل باي .

٥- مبلغ الطواري لازم يكون عندك حساب مفصول عن الحسابات اللي فوق ويكون مخصص فقط للطواري وبطاقته تكون بشنطة السفر ماتكون شايلها معك دايم.

نظامي استخدم بطاقة الوفاء كاش سوا بعمليات الشبكة او السحب النقدي من صرافات كاش بنك… …كل يومين تقريبا او عند الحاجه اسحب مبلغ كاش من بطاقة الوفاء واخليه معي وذلك لتخليص امور السكن والامور الاخرى.

بطاقات السفر بمكانك استخدامها بالتعامل بالشبكة في المطاعم ومحطات البانزين واي مشتريات اخرى .. وممكن استخدامها كذلك بالفنادق والمنتجعات ..

الهدف من توزيع المبلغ على اكثر من بطاقة علشان لاتتوهق وتكون هاني في رحلتك ولا تشيل هم.