اقتباس:
المشاركة الأصلية كتبت بواسطة ابو الفراسة
هلا بحبايبنا الغالين
اول شي موضوعي موجه للي ما يعرف الديرة زين او اول مرة يسافر المغرب ولا يهونون الباقين المخضرمين أكيد فيه ناس اعلم وافهم مني ولهم خبرة تحياتي لهم و للجميع .
بناخذ المغرب ديرة ديرة
نجي لكازا كازا ديرة حلوة وقريبة من المطار وفيها خيارات كثيرة من ناحية السكن والاكل والكافيات والاسعار والتنوع العرقي من عرب من شلوح من صحراوى من ريافه من جبالة يعني بالعربي مثل الرياض كلن ساكنها من جميع المغاربة وجميع الاشكال بتمر عليك خاصة في الوجيه بتشوف شي من كل حدب وصوب وهي الأفضل من ناحية الاشكال اما النفسيات الله يعينك انت وحظك ويعيبها زحمتها وقلقها والهمجية اللي فيها وكثرة الشحاذين والا هي ديرة حلوة وحية للي يحسن التصرف .
نجي لطنجة ديرة حلوة ومرتبة واسعارها هي الأفضل ولا صداع ولا قلق شرطة او غيره وفيها مولات حلوة وتمشياتها حلوة والناس هناك كلن في حالة ام الاكل لك عليه في طنجة لاكن النفسيات ما عليها والوجيه تفتح النفس والسهرات ماهي ذاك الزود لاكن اللي ماهو حريص على السهر كثير وجه طنجة ولا تشاور والمدن اللي حول طنجة افضلهم تطوان تستحق الزيارة ومارتيل قريبة للي يبي بحر اما الفنيدق والمضيق تمرها مرور الكرام ما فيها ما يستحق الزيارة وشفشاون حلوة تروح لها في يومك وتمر اقشور وعندك وادي لو يستحق الزيارة والمناطق اللي حول خميس انجرة مناظر تسعد الخاطر .
نجي لمراكش إذا جوك سهر وفقده ادعس لها والاكل في مراكش طيب وفيها خيارات اما السكن استغلال والصيد استغلال الاستغلال واغلبهم حقات اسفي وقلعة السراغنة وبني ملال وخريبكة والمناطق اللي حولها وفيها وجيه الصراحة لاكنهم استغلاليات والسهرات أسعار فلكية واستهبال اما الأماكن اللي حولها عندك اوكيمدن وستي فاطمة واوريكا وحدها يوم وانت راجع والاكل هناك ما فيه الا طواجن والا مشاوي ام غيره اطلب ربك وفي الصيف الديرة حر وما تنبغى واغلب أهل مراكش يصيفون في اكادير والجديدة .
نجي لاكادير الديرة حلوة والجو حلو على مدار السنة والناس هناك طيبين وفيها سهرات حلوة وانا اشوف ان السهر فيها مقارب لمراكش ان ما كان الأفضل لا استغلال ولا خربطة والنفسيات هناك اشوفها من افضل النفسيات في المغرب والاكل يوجد مطاعم لا باس بها لاكن ليست بالكثيرة والسكان رخيص خاصة الشفق والاسعار بشكل عام فيها ممتازة لاكن ما يعيب الديرة لا يوجد فيها خيارات كثيرة من ناحية التمشية ولا طبيعة للأسف والا كان رشحتها افضل ديرة في المغرب .
نجي للرباط ديرة فخمة ومرتبة لاكنها مملة ومتشددين في الأنظمة والاسعار تعتبر عالية فيها من ناحية السكن واللي مصمل على الرباط أنا اشوف انه يسكن في القنيطرة قريبة منها وارخص بالضعف وماهي شينة .
نجي لمكناس الديرة حلوة ومرتبة وناسها كويسين ورخيصه لاكن اللي جوه سهر ما تصلح له .
نجي لفاس ديرة ما يمنع انك تزورها فيها عبق تاريخي لاكن لاتطول فيها فيهم من طبع اهل كازا وبعض الهمجية .
نجي لإفران حدها يوم تروح تشوف الثلج وترجع ما فيها الا مناظر الثلج هي اللي تستاهل وانتبه تروح بسيارة في اوقات الثلج كلها زحاليق وحوادث ما يخلو شارع ما فيه حادث إذا صامل اسكن فيها واطلع على رجليك والا شف لك تكسي يوصلك خاصة وقت الثلج .
نجي لمناطق الشرق خاصة وجدة ونواحيها تصلح لاهل المقانيص غيره ما اشوفها تستاهل العنوة .
نجي للناظور والحسيمة بوجهة نظري ما فيها شي يستحق الزيارة وتعامل اهلها فيهم جلافة.
نجي لمناطق اللي حول بني ملال وخنيفرة للي لمكان طبيعة لا باس بها ما يمنع تزورها وانت ماشي خاصة مناطق الجبال اللي حولها ماهو المدن .
نجي لأسفي والصويرة وسطات وبرشيد وتافراوت وتارودانت وخريبكة وقلعة السراغنة وتيزنيت وكلميم وطانطان والراشيدية وجرسيف وتازة وتاونات و اماكن كثيرة اشوف ان ما فيها شي مغير عنوة على الفاضي .
نجي للجديدة الصيد فيها وافر لاكن الديرة ما فيها شي .
نجي لورزازات ما يمنع انك تزورها اهلها طيبين والجنوب بشكل عام الاوادم نفسياتهم زينة لاكن ما فيها شي .
نجي للسعيدية ما يمنع تزورها خاصة في الصيف لاكن لا تطول فيها اما في الشتاء ما انصح فيها .
نجي لدمنات وازيلال تصلح للي ساكن في مراكش يشقر عليها خاصة وقت الربيع والشتاء.
نجي لمناطق الشرق بوعرفة وفجيج اهل مناطق الشرق طيبين لاكن ارضهم قفر وخلا ما فيها شي .
نجي للمناطق اللي شمال مكناس لين توصل طنجة خاصة نواحي عين دريج والسد من أجمل ما رأت عيني في المغرب خاصة وقت الشتاء والربيع وتصلح لأهل المكاشيت.
نجي للسواحل عندك ايمي ودار وتغازوت نواحي اكادير والسعيدية شواطئها لا باس بها وبشكل عام شواطئ الأطلسي اجمل من شواطئ البحر المتوسط .
وسامحوني على الإطالة واي استفسار حاضر .
بيض الله وجهك
معلومات منوعه ومفيدة
يستطيع الواحد ان ياخذ فكرة ولو بسيطة عن تلك المدن
حتى يبني عليها خطة سفره حسب اهتمامته
شكراً لك