حفظ البيانات؟ هل نسيت كلمة المرور؟ تسجيل عضوية جديدة

رحله اقتصادية لمدينة الاسكندرية

رافا · 2023-04-11T22:42:39+00:00

السلام عليكم ورحمة الله وبركاته ومبارك عليكم العشر الاواخر والله يتقبل منكم ومنا صالح الاعمال. الحمدلله وبعد . الحجز على العربية للطيران مصر الدمام الاسكندرية الدمام رحله مباشرة بدون توقف . السكن في فندق رومانس الاسكندرية 4 نجوم على شارع الجيش مقابل البحر لمدة ثلاث ليالي مع وجبة السحور بعد التوجه إلى مطار الملك فهد رحمة الله عليه. اخذت بطاقة صعود الطائرة وتوجهت لمكتب الش للصرافة وكان سعر الصرف عندهم الريال = 8.45 جنيه . كان في جيبي 800 ريال صرفت 700 ريال ب 5920 جنيه وخليت المية عشان الفيزا ( التأشيره السياحيه ) وصلنا بحفظ الله ورعايته لمطار برج العرب بعد 3 ساعات طيران . قبل الجوازات فيه مكتبين لاستخراج الفيزا وسعرها ب 25 دولار او مية ريال . قبل الجوازات قابلتني موظفة للخدمات المستعجلة وسألتني اذا ارغب في انهاء اجراءات السفر بسرعه وبدون الوقوف فالطابور تاخذ 600 جنيه مقابل هذي الخدمه ، قلت لها بسم الله هذي 600 جنيه وتوكلنا على الله. الاجراءات ما اخذت 5 دقايق الا وانا فالصاله الخارجية . فيه شركة اتصالات وحيده فالمطار اخذت منهم شريحة نت واتصال 11GB ب 185 جنيه مايعادل 21 ريال تقريباً . طبعاً خدمة اوبر متوفرة فالمطار لكن قبل ماطلع من المطار كلمني واحد من شركة سياحية مختصة بأمور السيارات وتأجير السيارات ، عرض علي التوصيل للفندق ب 600 جنيه وانا عارف انه غالي لكن وافقت وتوجهنا للفندق المذكور. اجمل ترحيب من الاستقبال وعملت شك ان وتمت ترقية غرفتي من مطله جزئياً على البحر بغرفة لها اطلالة كاملة ومباشرة على البحر الأبيض المتوسط. وصولي للفندق كان متأخر شوي لان رحلتي أصلًا وصلت لمطار الاسكندرية الساعه 10 ليلًا. فضلت اني ماطلع من الفندق واقضي الليله فيه ومن بكرا اتجول . الفندق فيه خيمه رمضانية فالدور 11 على الروف او السطح يقدمون فيه اكل ومشروبات وشيشة. وعندهم لاونج فالطابق الثاني مغلق بعد نفس الشي يقدم قهاوي وشيشه لكنه مغلق يعني دافي . السحور من الساعه 12 الليل إلى الساعه 3 الفجر فالطابق الأرضي. الاكل عندهم بوفيه كبير جداً وغني بكميه كبيره من مختلف الاطعمه بالاضافه لوجود طباخ او تشيف تقدر تطلب منه اطباق جانبيه سريعة التحضير. بصراحه بالنسبه للفندق يستحق أربع نجوم واكثر من حيث المعامله الحسنه واللطافه من جميع العاملين بدون استثناء من أمن واستقبال وإدارة بالاضافه للموقع المميز والنظافه (والسعر )كل شي 100% . بعد السحور تروشت و صليت الفجر ونمت وصحيت قبل الظهر بشوي انتظرت دخول وقت الصلاة وصليت الظهر والعصر . نزلت للوبي وحاولت اطلب تكسي اوبر لكن ماضبط معاي الموضع فيه شي غلط ياعندي ياعندهم ؟ يقول لي السائق على مسافة 4 دقائق وبعد شوي يقول باقي دقيقتين ويرجع يقول باقي 5 دقائق. بعد نص ساعه قلت خلني اقطع الشارع واشوف لي اي تكسي يوصلني والوجهه كانت قلعتة قايتباي التاريخيه قريت عنها وشفت مقاطع فيديو تحكي عنها وعن تاريخها المهم قابلت واحد على الرصيف فالجهه المقابله للفندق وسألته كيف اروح للقلعه انا عارف انها في آخر الكورنيش لكن السيارات اللي تمر من جنبي أكثرها مكروباص. اذا مر باص قل له بحري وهو يوديك والله شوي ويمر باص قلت له بحري باسطه وقال تفضل ركبت والباص فيه يمكن عشر اشخاص وصلني قريب من القلعه لانه في منطقة ممنوع تدخلها السيارات تنزل وتكمل مشي تقريباً 300 او 400 متر . حساب الباص 4 جنيهات يعني نص ريال . بعد ماتمشيت فالقلعة وشفت الباعه المتجولين واصحاب البسطات يبيعون منتجات وشغلات يدويه . فيه ناس تأجر قوارب والقوارب هذي مافيها مكينه تركب ويجدف صاحب القارب . لفه حول القلعه ب 100 جنيه واذا تبي لفه اكبر بحيث يمكنك مشاهدة إسكندرية من عرض البحر ب 150 جنيه . بعدها رجعت للفندق وفي طريقي كانت موجودة مكتبة الاسكندرية قلت بدخل اشوفها لكن صاحب التكسي اللي رجعني من القلعه قال مقفله الان طبعاً التكسي اللي لونه اصفر واسود اخذتها ب 50 جنيه . كملت للفندق وارتحت الى وقت الفطور وبعد الفطور والصلاه توجهت لمنطقه قريبه اسمها محطة الرمل او الازريطه فيها شارع مشهور تجاري اسمه شارع سعد زغلول وشارع صفيه زغلول. قضيت ثلاث ساعات تمشيه وجلست خلالها في مقهى طلبت قهوه مضبوطه وواحد شيشه مع اني ما اشيش بس ودي اعيش الجو مع الموجودين وكان فيه مباره طبعاً ماني حق كوره بس الجماعه يتفرجون ويشجعون عشان اللاعب المصري محمد صلاح . رجعت للفندق والخطه اني اليوم الثاني اروح مدينة رشيد يسمونها مدينة المليون نخله وتبعد عن إسكندرية تقريبا ساعه بالسيارة 65 كيلومتر لكن اليوم الثاني شاورت نفسي وشفت انها راح تكون رحله متعبه وماعندي وقت كافي فاستقريت على ان يكون البرنامج حول الفندق وحواليه خصوصًا وموقع الفندق قريب من جسر ستانلي وحوله كل شي من مطاعم ومقاهي وبقالات . اليوم رجعت بالسلامه والحمدلله. بالنسبه للمبلغ اللي تم صرفه في هذي الرحله القصيره اللطيفه كما يلي : تذكرة الطيران ب 790 ريال ذهابًا وايابا مباشر. 700 ريال مايعادل 5920 جنيه مصري مصروف جيب . فيزا ب 100 ريال الفندق ثلاث ليالي شاملة وجبة السحور ب 375 ريال سعودي يعني الليله ب 125 ريال المجموع كامل من وإلى بأقل من 2000 ريال ورجعت للمطار وفي جيبي 1200 جنيه . وهذا الرابط للفندق لمن احب الاطلاع [url=https://youtu.be/nk5lbJcsB54]أقوى حلقات "بنت اسكندرية"مع الإعلامية هوبى فؤاد ولقاء ا. ياسر سروروجولة فى فندق رومانس - YouTube[/url] تحياتي للجميع وارجو تجدوا ماهو مفيد وكل عام وانتم طيبين.

سعودي هاوي

مزعوط نشيط

المشاركات: 53

تاريخ التسجيل: Nov 2021

2023-04-12, 07:55 AM

المشاركه #2

الحمد لله على السلامة ولا تعبت

أرسلت بواسطة iPhone بإستخدام مزاعيط المغرب

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

الانتقال السريع

المواضيع المتشابهه للموضوع: رحله اقتصادية لمدينة الاسكندرية
الموضوع	آخر مشاركة
حرب اقتصادية بين المغرب والولايات الـمتحدة	2011-10-07 06:31 AM
المغرب أصبح يتموقع كقوة اقتصادية ناشئة	2011-09-18 03:13 PM
تطوان: نحو إنارة عمومية اقتصادية ومحافظة على البيئة	2010-12-17 02:50 PM

الساعة الآن 06:28 AM

جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط

Ads Management Version 3.0.1 by Saeed Al-Atwi

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

رحله اقتصادية لمدينة الاسكندرية

روابط سريعه