الكاش والميزانية

بالنسبه لي اوزع مبالغي كالتالي:- ١- اخذ معي كاش وهو الجزء الاكبر من ميزانيه السفره المبلغ معي بالريال واودعه اول ماوصل المطار عن طريق فتح حساب بنكي والحصول على بطاقة الوفاء كاش .. ٢- نسبه من مبلغ ميزانيه السفر اودعه في بطاقة الراجحي للسفر سفر بلس .. ٣-نسبه من ميزانية السفره في بطاقة السفر الخاصة بالسعودي للاستثمار.
٤- واخيرا حاول تصرف 1000 درهم كاش تكون معك لانك راح تحتاج كاش يكون معك تحسبا لاي موقف ممكن يصادفك ..

بالنسبه لبطاقات السفر ضروري تضيفها على جوالك في ابل باي من السعوديه

٥- مبلغ الطواري لازم يكون عندك حساب مفصول عن الحسابات اللي فوق ويكون مخصص فقط للطواري وبطاقته تكون بشنطة السفر ماتكون شايلها معك دايم.

نظامي استخدم بطاقة الوفاء كاش بعمليات الشبكة من مطاعم وحجوزات واستخدمها كذلك للسحب النقدي بدون رسوم من صرافات الوفاء او كاش بنك المنتشره في جميع مدن المغرب … …كل يومين تقريبا او عند الحاجه اسحب المبلغ اللي احتاجه من بطاقة الوفاء واخليه معي وذلك لتخليص امور السكن والامور الاخرى.

بطاقات السفر بمكانك استخدامها بالتعامل بالشبكة في المطاعم ومحطات البانزين واي مشتريات اخرى .. وممكن استخدامها كذلك بالفنادق والمنتجعات ..

الهدف من توزيع المبلغ على اكثر من بطاقة علشان لاتتوهق وتكون هاني في رحلتك ولا تشيل هم.

أنا مرة كنت في مصر واحتجت زيادة فلوس وارسلت واتس لواحد يحول في حسابي وحول في نفس اليوم بدون مايسألني وينك فيه ولا عسى ماشر .
المسألة سهلة لاتزملون من الزنقات بقوة فالحبال المنقذة متوفرة بسهولة لكن تبي التعامل الصادق والثقة .
كلامي هذا عند الضرورة أما تسافر مفرط وتقول مايقصرون معي فأعتقد غير منطقي أبدا .