عطوني رايكم السفر للمغرب بداية شهر سبتمبر

ناوي ارتب سفره إلى المغرب شهر سبتمبر المده 25 يوم.. من الشمال إلى الجنوب...
ادلو بدلوكم ي ساده..

حلوه سبتمبر تكون الدنيا هاديه وبدايه الدراسه ولو تخليها بنص سبتمبر احلى بعد
الترتيب عند الاخوان انا ماعرف بالمغرب الا مراكش ولو عطيتيني خمسه وعشرين يوم جلستها كلها بمراكش

توقيتك ممتاز ولكن ياعزيزي يعتمد على نوع السفرة :
إذا استكشاف فبداية من الشمال الى الجنوب وكل مدينة ترتاح فيها ريح فيها أكثر حتى لو كانت الزيارة غير شاملة لمعظم المدن .
وإذا استجمام فلاترهق نفسك بالمشاوير وتضيع وقتك، كل ساعة تضيع خسارة عليك .
أقصرها على مدينتين أو ثلاث ومخمخ .
وما أظن تجمع بين الثنتين .
الوقت كافي والتوقيت مناسب ، الله يهنيك ويوفقك .
وجهة نطر وكل واحد له طريقته ومادامه مرتاح فيها ينفذها لوكانت سيئة في نظر غيره لكن يكون وحداني .

عملية مرحبا من 5 يونيو الي 15 سبتمبر انا اشوف تخليها من منتصف سبتمبر وطالع يكون لمغاربه المهاجرين طلعو والديره صارت افضل وخياراتك كثير من كل شي


أرسلت بواسطة iPhone بإستخدام مزاعيط المغرب

شهري المفضل في المغرب
شهر تسعه الناس ترجع للروتين والدراسة وكل شي متوفر من سكن وسيارات والاسعار معقوله
وكذلك الجو يكون اخر الصيف

ولو تاخرها الى نص تسعه او اخر اسبوع في تسعه يكون افضل

تحياتي

انا ابي اسافر هالاسبوع هل تنصحوني اكمل الاجرائاتي

النملة
حاولت ارسل لك الرسايل عندي فل

هل مراكش تصلح في عز الصيف يعني الاسبوع الجاي
الحر توصل درجة الحرارة فوق ٤٠ ولا نشوف لنا احد مدن الشمال


Sent from my iPhone using مزاعيط المغرب

انا كنت فيها شهر 7/2022

صح حر ولاهوب الظهر بس احسن من غيرها

ارحب يالمغاتير امسح من الرسايل عندك عشان تقدر ترسل
حط في بالك شغله الصيف عندهم صح حر بس ماهو نفس صيفنا لواهيب تشق الوجه
صحيح حر لكن بالليل الجو لططططيف
اذا انت شخص ليلي مراكش حلوه حتى بالصيف وعندك المسابح بالنهار تاخذ طيرك وفيه فعاليات وميوزك والاغلب اوربيين داخل والدخله اتوقع ٥٠٠ درهم معى مشروبين

سافر يامعلم

اختيارك يدل على انك راعي سفر .

توقيتك هذا تجنبت فيه :
فتره العيد الميته+الموسم السياحي وذروته واللي تنتهي في نهاية شهر ثمانيه .

اذا كنت بتطلع بسبتمبر
انصحك تختار مراكش+وحده من هالمدينتين اما طنجه او اغادير
يعني سافر لمراكش وطنجه
او
مراكش واغادير

كل مدينه يكفيها خمس ايام