|
اقتباس:
هلا الله اكدال … والله ياخوك ترانزيت جدة هم حتى لو رحلتك طويله في المغرب .. شغله صدقني خصوصا اتكلم عن الخطوط السعوديه يعني مثلا اخر رحلتين دوليه وقفت في جدة ترانزيت منهم رحله للمغرب ياخي مطار جده مع انه جديد لكن ادارته متخلفه حرام مطار بالحجم ادارة فيه عشوائيه ومطار كئيب مساحات كبيره غير مستغله والشي اللي يجلطك انهم يجبرونك تستلم عفشك في جدة وتشحنه بنفسك خصوصا في رحلات العودة .. يعني تخيل اخر رحله العودة من كازا طارت طيارة الرياض وانا على السير انتظر عفشي علشان اشحنه مره ثانيه للرياض مع اني حاط الفرق بين الرحلتين ساعتين وراكب بزنس ومابلغوني قبلها اني راح استلم العفش في جدة انا ومعي مجموعه كبيره جدا من الشباب والعوائل اللي رايح المدينه واللي رايح الدمام. |
اقتباس:
هلا ولله سهم اتوقع كلها نفس التوقيت الساعه ٢ الظهر |
الخطوط السعوديه افضل توقيت وصول ومغادرة من المغرب
اقتباس:
هلا ولله عبدالعزيز .. علشان كذا اذا خلاص مبيت النيه ماراح تداوم يوم الخميس اطلع الاربعاء في الليل ترانزيت جدة وصولك كازا الساعه٧ الصبح يوم الخميس ماراح يضيع عليك . رحله العوده رحله مباشره يوم الخميس ٩ اللليل من كازا توصل الرياض الفجر وباقي عندك يومين كامله قبل الدوام اشوفها مناسبه جدا. وما انصح ابد انك توصل من المطار وتداوم على طول. |
الخطوط السعوديه افضل توقيت وصول ومغادرة من المغرب
اقتباس:
هلا اخوي دارك مون صدقت ::: اضف على ذلك تغيير البوابات يخلونك تدوخ الى ان تصل للبوابة المقصوده والارتباك وقل الخبرة في التنظيم … الحقيقة ادارة المطار فاشله في الاداء .. اضافة الى العمره مفتوحه على مدار السنه … المغادره حكايه يعني امسك سر في التفتيش قبل الصعود للطيارة ويمكن تفوتك رحلة المغادرة اذا كنت جاي برحلة من مكان آخر . وزي ماقلت بالقدوم تاخذ عفشك وتفتيش وعلى الرحلة الداخلية !!!! الخوف لايمنع الموت ولكنه يمنع الحياة. |
اقتباس:
اي والله معاناة مطار جدة .. المصيبه ان اغلب الرحلات الدوليه الحين صارت توقف في مطار جدة يعني المعناة فيك فيك .. الله يسرع بشركة طيران الرياض ونفتك من هالبربسة. |
اقتباس:
صدقت معاناه (المسافرين المواصلين خاصة) مع مطار جده اصبحت مشكله مؤرقة للجميع ان شاء الله تنحل …. بس لو تدقق تجد رحله او رحلتين تطلع من الرياض دايركت دون توقف بأي منطقة حاول تحجز عليها . الخوف لايمنع الموت ولكنه يمنع الحياة. |
الرحله المباشره من الرياض افضل . الطيار يكتم الدعسه وانت معزز مكرم على الكرسي . انا ما اثق في مطار جده ابدا . ممكن بالغلط يطفون لمبات المطار ولا كفر الطياره يدخل فيه مسمار ويسون له رقعه المانيه[emoji23]
أرسلت بواسطة iPhone بإستخدام مزاعيط المغرب |
فيه رحلة توقيتها الساعه ٢ ونصف الصباح
رحت عليها مرتين عن طريق جدة لكن اتوقع يجدولونها وقت الشتاء احرص عليها دائما لان وصولها لكازا ممتاز الساعه ٨ الصباح لكن الي يبي يطلع عليها من الرياض الساعه ١٠ مساء او اقل على شان تلحق عليها هذا والله اعلى واعلم |
اقتباس:
إذا شحنت الشنطه من كازا ترانزيت في جدة وبعدها الرياض ووضحت للموظف إستلام الشنطه في الوجهه النهائيه تستلم الشنطه في الرياض يعني توصل جده فقط عليك تختم دخول وتتجه مباشره لبوابه الصعود للرحلة الداخليه المتوجهه للرياض أما إذا كان عندك ترانزيت في جدة طويل استلم الشنطه ويوجد مكان مخصص لرحلات الترانزيت ضع شنطتك وهم يفتشونها واطلع مباشره للصاله الداخليه طبعاً غالباً إذا كان وقت الترانزيت ساعتين وأقل إحتمال كبير ما يتم شحن الشنطة تتأخر في جدة للتفتيش وبعدها يتم شحن الشنطة على الرحلة الي بعدها في هذة الحالة عند الوصول للرياض تنتظر شنطتك ولا وصلت تصلح شكوى خدمات الأمتعة وتأخذ رقم وتتطلع وأول ما توصل شنطتك بيتواصلون معاك وتستلم العفش طبعا لا تنسى تسوي مطالبه في موقع الخطوط السعودية عبر جودة الخدمه وتقدم شكوى في جودة الخدمة بيجيك رقم مطالبة وبعدها سيتم تعويضك بمبلغ تقريباً 200 ريال وإذا ما تم تعويضك خلال 15 يوم ترفع شكوى على هيئة الطيران المدني وسيتم الحل مباشرة ويتم تعويضك من واقع تجارب سابقة صارت معي مرتين وتحياتي للجميع |
اقتباس:
مو مشكله الرحلات الدايكرت من الرياض معروف رحلتين في الاسبوع .. مشكلتها كلها تقلع نفس التوقيت ٢ الظهر وتوصل المغرب الساعه ٨ مساءا … مشكلتنا في التوقيت فقط |
| الساعة الآن 01:39 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط