الاستشاره مطلوبه

السلام عليكم
اسعد الله اوقاتكم بكل خير

باذن الله اني مسافر المغرب 24/08 لمدة ما يقارب 14 يوما 8 تمشيه و 6 أيام مقناص مرتب اموره وجاهزه
في مراكش
المهم ي طوال العمار ابي رايكم في مدة التمشيه وش المدن اللي تنصحون فيها
رحلتي الى كازا مباشره .. فكرة اجلس فيها يومين واطلع بعدها طنجه ثم اغادير بعدين مراكش
التنقل طيران بين المدن
وش تنصحوني بسكن فندق او منتجع يكون سمح الشقق ما افضلها

ملاحظه ماحب السهر ولاقهوته

هذا علمي وعفاكم

تقول مقناص وين؟
نصيحه بعد مقناصك ركز على مدينه وحده واستأجر سياره وخذ رخصتك معاك والامور طيبه ،،المغرب كبير وعشان تفتر فيه يبيلك شهرين او ثلاثه ترى
لو قلنا مقناصك بتارودانت بعد المقناص روح اغادير وريح فيها وتقدر تروح يوم تتمشى بمراكش وترجع اغادير

مرحبا ياهلا بيك عندنا بالمغرب بالنسبة لسكن في مراكش منتجعات َفي أكادير سكن فندق مزيان وفي طنجة شقق جنب بحر

Sent from my INE-LX1r using مزاعيط المغرب mobile app

المقناص في مراكش ان شاء الله مرتب السكن وكل شي يخص المقناص

الكللم قبل المقناص ب اسبوع بكون بالمغرب
فا ابي مدينتين اتمشى فييها قبل المقناص

بارك الله فيك شاكر ومقدر ل اقتراحك

وعليكم السلام ورحمة الله وبركاته

صبحك الله بالخير أخوي….

المده قصيره والمسافه بين المدن متباعده حتى لو كان التنقل بين المدن بالطائره راح يضيع عليك من وقتك الكثير

شوري عليك تنزل كازا ثلاثة أيام واليوم الرابع تتوجه اغادير تجلس فيها ثلاثة ايام واليوم الرابع تتوجه لمراكش.

استأجر سيارة من المطار أفضل لك

ولو دخلت على تقاريري راح تستفيد منها بإذن الله ببعض المعلومات عن إيجار السيارة والشقق.

رحله سعيده وموفقه باذن الله.

__________________
لاتسمع كل ما يقال ولا تقول كل ما تسمع.

لاهنت اخوي رافا على ردك
استفدت من تقريرك الاكثر من رائع
شورك طيب وانت طيب

على راسي ياغالي

__________________
لاتسمع كل ما يقال ولا تقول كل ما تسمع.

شوف في الوقت الحالي رووح طنجة فقط فقط ..

بعد ما تخلص طنجه ارجع لمراكش وكمل مقناصك..

ليش قلت طنجة؟
اجمل مافي المغرب شماله ..اذا معك سياره بتنبسط كثير والله

خلي سكنك في طنجه وكل يوم اطلع تمشى وارجع
عندك:
تطوان والمضيق والفنيدق ومارتيل والشاون واصيله
وكل هالمدن تفرها في يومين او ثلاثه اذا معك سياره


{{المهم يكون معك سياره سواء سقتها او معك سواق}}

كازا والرباط واغادير ماانصحك فيها والله ابد.

طنجة وماحولها يكفيها من خمس ايام الى اسبوع

لما تروح طنجة وترجع لكازا او اغادير راح تحس بالفرق

اهل المغرب عندهم مثل مشهوور يقول:
اذا بغيت الجمال روح للشمال

عاصمة الشمال هي طنجة وحولها مدن صغيره تبعد مسافة من ساعه حتى ساعتين

وسلامة قلبك

توي راجع من المغرب
اشوف اغلب النصائح الي تفضلو فيها الشباب جيدة

نصيحتي قبل تبدا المقناص اذهب لمراكش وشوف الجو...انا مالي في المقناص بس الجو مولع
في مراكش ويمكن من بدري يخليك تكنسل فكرة المقناص...

انا ايضا من الناس الي اسافر المغرب ومالي في السهر....
اذا بتاخد باقتراح الذهاب لشمال ......سافر من كازا بالسيارة لطنجة ...راح تستمتع في الطريق بالمناظر والخضرة.....تقريبا 6 ساعات.....لا تجلس في طنجة لانها زحمة.....اذهب من طنجة لمنطة اسمها عين الحصن ....ساعة تغدى فيها لحم مشوي ...في مطاعمها ....بعدها وجة بوصلتك اما لمارتيل ....او الفنيدق....كلاهم مدن ساحلية الجو فيها معتدل.......شيفشاون مدينة جبلية ممتازة لكنها ساخنة فب الصيف....ما انصح تضيح وقتك بزيارة كل مدن الشمال الا لو كنسلت مراكش....

الاقتراح الثاني خلك في مدن قريبة من مراكش عشان لاترهق نفسك قبل المقناص...
الجديدة ...الصويرة ....كلها مدن ساحلية تبعد في حدود ساعتين ونصف او ثلاثة من مراكش....
لو فكرت تذهب للجديدة والصويرة....اجلس يومين في كازا ...بعدها ساعة ونصف توصلك الجديدة ....بهدها ساعتين توصلك الصويرة.....تقدر من الصويرة تكمل لاغادير....لكن اغادير مدينة سياحية ....نفس زحمة طنجة وكازا....