الحذر من التعامل مع هذا اليخص

اسمه هشام يستقبلك عند.باب المطار ويعرض عليك كراء السيارة
والله ثم والله انه نصاب وسارق وكذاب
سمسار خبيث ويدعي انه صاحب الشركة
الشركة التي يشتغل فيها اسمها
بيست كار

وش عمل لك بالضبط
كم رقم جواله

كثير لي يستقبلونك عن باب المطار ومواقف سيارات عشان ايجار سيارة

هذول بعضهم جلاب زباين للمكاتب ويعطيه المكتب عمولته الوسطاء في المغرب عاديه عندهم في موقف طاكسيات او باصات حتى بعض الفنادق فالمدينة القديمة او الشقق المفروشه .. الخ فكل مكان حتى فالاسواق لاتعطيهم وجه .روح لمقصدك نيشان على قولتهم .

بعضهم يستعين فيهم ويعطيه ٥٠ او ١٠٠ وبعضهم
نصابين .
انت خلك فطريقك ولاتجاوبه ولاعرض اكتفي ب شكرا بعصبية واتركه صفه .

تجاهل اي شخص يحاول يكلمك وانت طالع من المطار !
اول نصيحه مني لاي شخص رايح المغرب
ماعدا رجل الامن فقط .. هذا كل ماسولف معاك سولف معاه واضحكله

العدد الحين للناس هذي اصبح اقل .. بعد منع دخول غير المسافرين للمطار .. قبل كانو يلحقونك لين باب السياره يحاول فيك واذا ماضبطت يشوفون من جاء ياخذك رجال او مراه ولهم طرق ثانيه

ايضا العيال الصغار يبقون تابعينك تابعينك لين باب لسياره واول ماتحط شنطه يهجم يشيلها لك ..

هذا مافي معاه حل صراحه الا انك تسكت وتكمل تسولف مع خويك ..

وتركب سياره ولاتفتح الدريشا وتسوي نفسك تدور المحفظه ونفس الوقت خويك راعي السياره

يبدا يحرك السياره .. تبي تعطي عشرين درهم عط ماتبي تعطي ابتسم من ورا الدريشه المسكره وامش ههههههههه

اما انك تتهاوش معاه على الشنطه ولا لا لاتشيل مافي فايده ..

مره شايل كيسه بس !! تخيلو جاي المغرب مامعي ولا شنطه

وشايل كيسة عطر فيها ومكياج من السوق الحره

وانا نازل للقطار ويجي واحد يقول ماشي قطار كازا !!

قلت لا قطار فرنسا !!

قال نعاونك !!! والله عصبت تعاوني في الكيسه !! قلتله كييييييييييييس

مافيه والو !!! صراحه عصبني ههههههههه

الصدق دايم سافهم اذكر مره وحده عطيته قبل سبع سنوات كنت انتظر واحد ومضيعه وجاء وقال شفه هذاك قلت شكرا
ماخلاني نشب لي الين وصلت عنده وركبت سياره وشال الشنطه غصب عني ماشاورني
المهم دورت اقل مامعي لقيت عشرين درهم خذها وهو زعلان شكل يبي ميه او ميتين وقتها قلت ان الغلطان اللي عطيتك

هذي مشكله في المغرب ومصر

احيان لاتعطي افضل من انك تعطي قليل !! ولاتلومه في ناس من ربعنا معودينهم 100 وفوووق

شخص ماتعرفه لا تتعامل معه رح للمكاتب المعتمدة والأشخاص المعلنين في المنتدى والإخوان عندهم هنا تجارب سابقة استفد منها

لا تتعامل مع أي شخص في الشارع مالم تجده جالس داخل مكتب عليه لوحة رسمية من الدولة
وشغلة السمسرة في أي مجال معروفة من زمان حتى في بلدنا تعتمد على اللف والدوران واحيانا النصب الا من رحم الله

لا تردون لكن بعضهم بلزق فيك اخي اخي اخي قوله صاحبي جايني شكرا ماحتاج شي واللي يشيلون الشنطه انا اخليهم واركب واخليهم يولون