تجربتي مع مكتب وردة لتأجير السيارات ( اسم على مسمى ) + الموقف الي حصل معاي

السلام عليكم ورحمة الله وبركاتة
من لا يشكر الناس لا يشكر الله
بداية من هذا المنتدى الاعضاء والقائمين الى الاخت وردة
اتواصلت معهم عن طريق الارقام الموجودة في هذا الرابط
https://www.mza3et.com/morocco45444.html (مكتب وردة لتأجير السيارات في المغرب - خدمة 5 نجوم)

وكان على الرد اخت وردة
اخذت منهم الاسعار اعطيتهم المدة وبمجرد ما اكدت حجزي رجعت على طول اكدت معهم الحجز وعلى طول ارسلتلي مستند تأكيد الحجر وارسلتلي رقم الشخص الي بيكون بانتظاري في المطار اول ما وصلت لقيته راسلي واتس اب شخص اسمه عثمان واستلمت منه السيارة توسان جديد ماشاءالله 2024 وصورت السيارة فيديو وعطاني الاوراق واتوكلت على الله الى اكادير الحبيبة بكل سلاسة وحب

بعد كم يوم من الرحلة كنت موقف سيارتي في شارع عام ونازل اتعشى وانا راجع اشوف صدمة في شنطة السيارة والبويه طالعه صرت مشككك في انها سيارتي واجي للعساس اقوله شفت الي صدمها واساسا مافي احد يقدر يوقف وراي من الربشه بحطها بأي احد وقالي هذي احتمال ان احد كان بيحاول يفتح الشنطة الا والله عيني في مكان الدفشات الا فعلا اساسا مافي اي اثار حكة صدام او شي متحرك او اي شي يقول انها سيارة وبعد تحرياتي اتوقعت احتمال انه احد حاول يفتح الشنطة بالعتله الحديد لان مكان الصدمة بالضبط مكان القفل في الوسط وكذا مكان حولها وعلى طول صورتها وارسلتها للاخت وردة واعطيتها العلم ابي اشوف وش الاجراء الي المفروض يصير وردت علي
(ياخوي الامور بخير ومافي مشكلة الله يوفقك ويبعد عنك كل شر)
بردت خاطري والله ( الله يسهل جميع امورها ) والله وللآن والى كتابة الموضوع ما علمتها اني جيت عن طريق المنتدى
والحمدلله اليوم سلمت السيارة في المطار بكل سلاسة وحب وبدون اي كلام عن موضوع الصدمة الى الاخ عثمان واتوكلت على الله

وهذا اقل شي اقدر اسويه معهم ومعكم شكر وعرفان من هذا المنبر العظيم
تحياتي

ماشاء الله عليك كانت رحله موفقه

ماشاء الله حتى الصدمه بيصلحونها على حسابهم

وفقهم الله