هيلب تايلاند

إذا مصمم على سالفة بتايا أنصحك اول ما تنزل المطار روح بتايا على طول كلها ساعتين بالسياره خذ يومين بعدين روح بوكيت و بعدين ارجع بانكوك آخر يومين. فيه باص من المطار إلى بتايا مباشرة بس أنا أنصحك تأخذ تكسي ب١٥٠٠ بات لنه في العيد زحمة عشان عيد الماي و بروضو لا تنسى انه الجو عندهم مو بس حار إلا جهنم بتقعد تعرق لين تنشف لدرجة انك تتمنى انك قعدت في السعودية. سفرتي لتايلند كانت في الصيف كانت من اخس السفرات الي سافرتها.

لا بالعكس قد جيت بانكوك قبل جلست ٣ ايام وطلعت الصين جيتها بديسمبر كان الجو بارد والصدق الديره حلوه لكن انطباع غير مكتمل لاني ماشفت الا بانكوك


Sent from my iPhone using مزاعيط المغرب

رشح لي ديره غير اذربيجان والدول العربيه


Sent from my iPhone using مزاعيط المغرب

تايلاند بلد استوائي وتنقسم الفصول عندهم :
من شهر فبراير الي نهاية مايو
يكون الطقس حر وهذه الفترة يكون هناك ملايين الاوربيين ومن نهاية مايو الي بداية شهر عشرة يكون موسم الأمطار واحيانا تكون امطار قوية وفيضانات وأنا من محبي هذه الأجواء ومن شهر عشرة الي نهاية واحد هذا الشتاء ويكون الجو حلو وبرد عموما بكل الأحوال أنت بيكون خروجك من بعد العصر إلي اخر الليل وبهذا الوقت تكون الأجواء حلوه وتايلند بلد جميل جدا ان أردت تسوق بها افخم الأسواق والمولات وان أردت ترفيه ومرح هي جنة المرح والسعاده والناس طيبين وكل حد بحاله

بانكوك كبيرة جدا أنا أجي تايلند من 20 سنه
ويفترض أكون خبير فيها وحتى الآن كل مره اكتشف
شي جديد ببانكوك

لا خلا ولا عدم عز الله انه تايلند دريم لاند لكن لاهنت ابيك ترشح لي منتجعات ببتايا و بوكت
+ فيه اماكن ببوكت وبتايا اشوف مقاطع لها بالييوتوب شي خيال
اذا تعرف اماكن حلوه ببتايا و بوكت طبيعه شلالات شواطئ تهّول ذمرنا و لاتبخل علينا بالله



ولله يسعدك


Sent from my iPhone using مزاعيط المغرب

حيّاك الله أخي العزيز
أنا بعطيك رأي ولك الخيار وهو ما دام رحلتك قصيرة
حدود العشر أيام وهي استجمام وراحة فالأفضل
تحجز دايركت الي بوكيت والطيران كثير اللي يروح
من الخليج الي بوكيت مباشرة شيك علي سكاي سكنر
واللي يناسبك احجز فيه… السكن أنا عندي أماكني السرية وما
احب بصراحة أعطيهم حد لأني اسكن مع غربيين وما اخالط عرب
وخليجيين إلا بالشوارع عموما بعطيك فنادق حلوة بيوكيت من حسابي
ببوكينج وأنا احيانا اسكنه وهي قريبه من السنتر وكل شي برجولك
وفي بتايا اسكن أي فندق علي البيش رود او إذا بغيت منتجعات
شوف شمال بتايا عند أخوانا الروس.
فنادق بوكيت
Days Inn by Wyndham Patong Beach Phuket - SHA Extra Plus، شاطيء باتونغ – أحدث أسعار 2024
C & N Resort and Spa - SHA Extra Plus، شاطيء باتونغ – أحدث أسعار 2024
R-Mar Resort and Spa - SHA Plus، شاطيء باتونغ – أحدث أسعار 2024
Lokal Phuket "Former K-Hotel" - SHA Extra Plus، شاطيء باتونغ – أحدث أسعار 2024
https://www.booking.com/Share-zS8n8Pa

شوف حجم الغرف والأرخص فيهم خلال فترتك احجز فيه
بوكيت جنة ومريحه نفسيا والرحلات إذا تريد تروح لها
أحجزها من الفندق او من الأكشاك برا

كفييت ووفيت يالامير الف شكر ياغالي


Sent from my iPhone using مزاعيط المغرب

تأمر امر اخوي الغالى
تايلند والله أجمل بلد ومريح جدا
بغيته سياحه وان بغيته تجاره أو مغامره
كل شي بخاطرك تحصله وأنا اعتبره وطني الثاني
اهم شي تكون إنسان محترم تحترم الناس وعاداتهم وتقاليدهم ودينهم
وتبتعد عن المشاكل لان بعض ربعنا وخصوصا صغار بالعمر
للأسف يسون مشاكل وضايعين بأنواع الكيف
وتايلند كل شي مفتوح ومسموح ومهم تعمل لنفسك كنترول

المهم إذا رحت بوكيت انتبه من أي شخص
عربي يعرض عليك خدمات ولا تعطيه وجه
آخر زيارة لي أشوف يمني للأسف شخص قذر
يعرض رحلات سياحية وزيارة مطعم اسمه المحيط
علي شباب خليجيين واكثر اللي يروح معه سعوديين بصراحه شخص قذر وكثير منهم ينقل أحقاده معه وين ما يروح .. تايلند ما تحتاج خبير ولا مرشد ولا حد يدلك كل شي واضح وإذًا علي الأكل المطاعم الهندية والعالمية في كل شارع وفيه مطعم اسمه الكويت احلي مطعم ونظيف
اليمني اسمه علاء المنصري ويوهم الناس انه سعودي.