السحب باستخدام البطاقة

السلام عليكم
احد المواضيع الي الاحظها متكررة هي سؤال الناس عن سعر الصرف باستمرار والى الان ما فهمت السبب
كذلك بعض الناس ياخذ معاه كاش ويحول ويسترن يونيون ويفتح حساب في بنوك مغربية ويودع فيها

انا عن نفسي اخذ معاي 3 بطاقات كلها كويتية ولكن من بنوك مختلفة، وارتبها بهالطريقة
حساب رقم 1 هو حسابي الاساسي
حساب رقم 2 حساب احول فيه اجمالي المبلغ الي اصرفه اسبوعيا من حساب رقم 1
حساب رقم 3 احول له مبلغ يومي من حساب رقم 2

اول حسابين بطاقاتهم في السيفتي بوكس ولا اطلعهم ولا استخدمهم نهائيا لكن ماخذهم من باب الاحتياط، حساب رقم 3 هو الي اشيل بطاقته معاي بكل مكان واستخدمها سواء للدفع في المطاعم وغيره او للسحب النقدي، وعمليات التحويل كلها تتم عن طريق الابلكيشن الخاص في كل بنك وطبعا جميع التحويلات بين الحسابات مجانية ولا عليها رسوم.

ودي اعرف شنو عيب الطريقة الي استخدمها؟ وليش الناس تهتم بموضوع سعر الصرف؟ وشنو استفيد من موضوع التحويل عن طريق ويسترن يونيون والايداع في بنك مغربي مقابل الطريقة الي انا استخدمها؟

وشكرا