بطاقة بنك D360 الافضل بلا منازع

السلام عليكم ويالله حي الربع

بالنسبة للموضوع الصرف بالبطاقة لقيت لكم افضل صرف بحكم اني جربت كل البنوك والبطاقات والكاش وويستر وموني جرام طبعا البنك هاذا جديد ورقمي ومالها فروع تحمل التطبيق وتسجل فيه وتمسك سرا لين يجي رقمك هاذي المشكلة طبعا انا ما جاني السرا الا بعد اربع شهور تقريبا بس يستاهل وما يضر الواحد انه يسجل ومتى ما جاك السرا يجيك طبعا البنك كل خدماته مجانيه التحويل والسحب وسعر الصرف فيه افضل من جميع البنوك عندنا مقارنة بكذا بطاقة احملها ومجربها ومنها :

بطاقة السفر من السعودي للاستثمار
بطاقة سفر بلس من الراجحي
بطاقة عملات بنك البلاد
بطاقة سجنتشر يورباي
بطاقة اس تي سي باي
ومقارنة مع التحويل من بنك البلاد او اس تي سي باي عن طريق ويستر هو الافضل
ومقارنة بالتحويل من موني جرام عن طريق يورباي هو الافضل برضه
ومقارنة بالسحب كاش بالبطاقة سعر الصرف افضل من المغرب حيث ان البطاقة عطتني سعر صرف اعلى من اللي جايب كاش معه ويبغى يحول كان سعر تحويل الكاش 2.60 وسعر صرف البطاقة 2.64 للسحب كاش والحساب بالشبكة كان 2.66 .

وبالنسبة للسحب الكاش بنك وفاء يسحب الى 8000 درهم ورسوم السحب 35 درهم للسحبة الواحدة اما بنك D360 اللي هو مصدر البطاقة ما ياخذ اي رسوم نهائي لاكن اي بنك تبي تسحب منه ياخذ رسوم وملاحظة مهمة اذا جيت تسحب من بنك وفاء او بعض البنوك يعطيك خيار السحب مع التحويل او بدون التحويل ف اختر سحب بدون تحويل لانك اذا اخترت مع اتمام التحويل بيصير البنك اللي انت ساحب منه هو اللي يحسب لك سعر صرفه هو اما من بدون اتمام التحويل فبنكك الاصلي اللي اهو مصدر البطاقة بيعطيك سعر صرفه هو وهاذا الافضل .

انا استخدم البلاد واحول لنفسي واخذها كاش برسوم 11 ريال للعملية من الويسترون ومعي بطاقة تمكين احاسب فيها مطاعم وكافيهات بدون رسوم وبدون عموله


اما بنك D360 هو فترة تجريبية حالياً بدون رسوم او عمولة

__________________
‏هلا بالصمت دام الصمت ما يجرح مشاعرنا.

هلا بك وحياك الله اخوي مشعل الويستر في البلاد عندي من سنين وممتاز في الصرف والتحويل من ويستر مقارنة بالبنوك الثانية لاكن غريبة الرسوم عندك 11 ريال الا اذا عندك خصم والا شي انا من يوم عرفته والرسوم 23 ريال مع الضريبة وكان قبل الضريبة 20 ريال وبالنسبة لبطاقة تمكين كانت عندي بطاقة تمكين سجنتشر بلس وكان عليها عرض مجانية مدى الحياة و ممتازة حتى في سعر الصرف لاكني لغيتها بسبة اني ما عاد ابي اي بطاقة ائتمانية لأن في خيارات افضل ولا ترتبط برسوم تأخير سداد وعمولات وقلق وفيه خيار افضل لل يبي بطاقة ائتمانية و تشحنها انت بكيفك بدون قلق البنوك والارتباط معهم وتعطيك نفس المميزات عندك بطاقة سجنتشر يورباي البلاستيكية ورسومها 345 في السنة والبطاقة الائتمانية اللي من البنك انا اشوف ان اهم فايدة فيها انك تقدر تستاجر سيارة فيها اما غيره ولا بريال عن واقع تجربة اكثر من بطاقة ومشكلة البطاقات مسبقة الدفع اغلبها ما تقدر تستاجر فيها سيارة الا اذا صادفت اما فيه بطاقتين مضمونة عن تجربة هي بطاقة سجنتشر اس تي سي باي ويورباي وهاذا برسوم لاكن بدون دوخة البطاقات الائتمانية تحياتي لك .

البطايق هذي سالفتها سالفه مافي افضل من الكاش انا طبعي من نظام الشياب بالتسعينات اخذ كامل مبلغ السفرة كاش واحافظ عليه زي عيوني وبكل سفراتي الحمد لله الكاش لاضاع مني والا انسرق ، اعرف وين احفظ الكاش واموري سالكه ، طريقتي هذي تنفع للانسان الحريص جداً،

الصرافه طلعتها بس ماجربتها في المغرب بس عند استفسار كم بتسحب لي فوق العشرين الف سعودي


Sent om my iPhone using مزاعيط المغرب

حلوه البطاقه بعرضها المجاني للسحب الكاش والعمليات الدوليه
وطبعا واكيد بعد فترة بيغيرونه بكن مايمنع تطلعها وتستفيد
انا صراحه كنت شاك انهم بيعوضون المجانيه هذي بسعر الصرف
لكن الشيخ ابوالفراسه الله يطول بعمره ويعطيه العافيه متاكد من هذا الشي
فبنستخدمها للكاش وللعمليات علماً ان حدها الشهري 20 الف وتتصفر اول كل شهر ميلادي

تصحيح طلعت الD360 بنك رقمي وليس محفظة الكترونيه بمعنى ان الحد الشهري ليس 20 الف فقط وانما مفتوح زيه زي اي حساب بنكي اخر وهذي معلومه متاكد منها

الله ينور عليك هذا الي كنت خايف منه ماتقدر تسحب في الشهر الا عشرين الف مشكور


Sent om my iPhone using مزاعيط المغرب

هلا بك اخوي شباط هي فعلا فرصة ان الواحد يقدم على البطاقة وماهو خاسر شي ودايم الاولين يفوزون ما تدري يمكن اللي سجل في البنك واخذ البطاقة مع الاولين تستمر معه المميزات المجانية انا كم خدمة سجلت فيها او بطاقة او حاجة فيها عرض غالبا استمر معي مثل بطاقة سفر بلس انا مطلعها وقت العرض المجاني مدى الحياة و هاذا بنك كما تفضلت في ردك الثاني ماهو مثل المحافظ الرقمية اللي لها حد شهري تحياتي لك .

هلا بك يالغالي والله ما ادري كم بالضبط حدها الائتماني الشهري بالضبط بس تراها بنك ماهو محفظة رقمية يعني اتوقع الحد الشهري اكثر من 20 الف .