رحلتي للمغرب و مفاجآت مراكش (( مظاهرات 20 فبراير ))

Oscar · 2011-07-16T10:09:46+00:00

[CENTER][SIZE="6"][COLOR="Red"][CENTER][B]السلام عليكم مرحبا بيكم كاملين اول شي حبيت انوه لجميع المزاعيط هذا اول تقرير اكتبه في حياتي يعني من الحين لحد يلومني على اي خطأ املائي او اي معلومه ناقصه :p تفاصيل الرحله : الناقل : طيران الامارات ( مطار دبي ) المسار : دبي _كازا_ دبي التاريخ : 16/2/2011 والعوده 2/3/2011 المدن : المحمديه .. مراكش .. اكادير .. منتجع مازيكان في الجديده .. وفي الختام كازا :p الحلقه الاولى : (( السفر للمغرب )) فكرة السفر للمغرب بدت من شهر 11 من سنه 2010 بعد ما كلمني صاحبي بموضوع السفر للمغرب وانا كنت مستبعد الفكره نهائيا خصوصا اني كنت مشغوول في هذي الايام في الدوام وامور اخرى خاصه ... المهم .. قرر اثنين من اصحابي السفر للمغرب بنفس التاريخ الموضح اعلاه وانا كنت رافض الفكره وعلى اساس اني ما راح اطير معاهم ... مرت الايام وقرب موعد الرحله ولا زلت رافض الفكره بالرغم من اصرارهم تخيل عزيزي المزعوط قبل تاريخ السفره بـ 7 ايام اقتنعت وقررت اسافر معاهم ما ادري شو اللي صار بس فجأه حسيت اني متحمس وابي ارووح اغير جو عالاقل يعني ما كنت متوقع اني راح اكشنها في المغرب بس كنت ضايق وابي اغير جو احلى مافي الرحله انو الجماعه مرتبين كل شي وانا ماباقي لي غير اني احجز تذكره واجهز نفسي واخذ شنطتي وعالمطاااار مطــار دبي : توجهنا لمطار دبي الساعه 4 الفجر وكنا 3 اشخاص وانا اثنين من اصحابي علما بان موعد الرحله الساعه 8 و نص الصبح بتوقيت الامارات .. المطار فاضي تقريبا .. مافي اي زحمه عالكاونترات .. الحمد الله الى الآن الامور طيبه ... ختمنا الجوازات في الكاونتر المخصص ل مواطني الامارات و مواطني دول مجلس التعاون يعني ما تاخذ لك اكثر من دقيقه ولله الحمد .. مرين على السوق الحره في مطار دبي على اساس ناخذ عطور و دخان وعصير .. لكن صاحبي الفيلفسوف اللي ضيعنا وضعنا معاه قال العصير في المغرب موجود في كل مكان و ارخص من عصيرنا .. المهم .. خذت مجموعة عطور .. استعمال شخصي والباقي هدايا لـ اعزائنا في المغرب تريقنا في برغر كنغ :p وحان موعد السفر .. في الطياره .. (.....)من اللي حبهم قلبك اشكال و انواع طبعا كلكم عارفين ان الامارات فيها ناس مغاربه كثار منهم (......). والشباب .. و العوائل و رجال الاعمال وايضا سواح .. ولذلك الطياره كانت مليانه (.....)وبناس المغريب ..قعدنا في الكراسي اللي في النص والطياره تقريبا فيها 70 بالميه وباقي الكراسي فاضيه .. اقلعنا وجات المضيفه و الميزه في طيران الامارات تقدر تطلب اي نوع من انواع العصير وتجيبه لك المضيفه وتقدمه لك بكل رحابة صدر :p للي يفهم وبعد ما احتسينا العصير في حانة الطياره خذت لي حبتين من اللي يحبهم قلبك وابخها نووووومه عمييقه ... راح اكمل التقرير اذا اعجبتكم المقدمه وانا آسف جدا اذا بدر من اي قصوور خصوصا انو هذا اول تقرير لي في الشبكه العنكبوتيه فااااصل ونوااااصل وهذي اهداء مني للمزاعيط فقط : [url=https://www.youtube.com/watch?v=CHekNnySAfM]‪Bob Marley - Is this Love‬&rlm; - YouTube[/url][/B][/CENTER][/COLOR][/SIZE][/CENTER]

Oscar

رحلتي للمغرب و مفاجآت مراكش (( مظاهرات 20 فبراير ))

المشاركات: 2,547

تاريخ التسجيل: Jul 2010

الدولة: marrakech

العمر: 39

2011-07-16, 03:58 PM

المشاركه #8

رد: رحلتي للمغرب و مفاجآت مراكش (( مظاهرات 20 فبراير ))

part 3 :

الوصول الى المحمديه :

كنا ناويين نقضي اول 3 ايام في المحمديه وبالفعل رحنا
الى هذي المنطقه المشهووره بحرها وجوها الواعر بالصيف
وفكرة المحمديه هي من اقتراح احد الاخوان اللي ما قدر يسافر
معانا لضروفه الخاصه ..

وصلنا المحمديه واخذنا شاليه عالبحر في مجمع اسمه القلعه المنصوريه على ما اذكر
وهذي صورة من البلكونه :

مطل عالبحر :

طبعا وصلنا في يوم المولد النبوي للرسول صلى الله عليه وسلم وفي المغرب كان كل شي ساد بهذي المناسبه لمدة 3 ايام اعتقد او اكثر .. حتى العصاير اللي في مرجان سادين ..

تخيلوا يا جماعه لقينا العصير الروسي اللي خبركم .. ب 600 درهم مغربي
طبعا سوق سودا ..!! ما رضينا نشتريه وقزرنا اول ليلتين بدون عصير

.. ما رحنا مكان في المحمديه غير الماكدو
والمرجان والجو كان بااااااااااااااارد جدا درجة الحراره تووصل بالليل 4 درجات فقط وتخف تدريجيا . يعني تحس كانك في الاسكيمو

بصراحه انا ما عجبتني المحمديه خصوصا انو رايحين لها في الشتا
انصح المزاعيط بزيارتها في الصيف .. البحر عندهم واااعر و جوها بالصيف احلى واحلى

ملاحظتي عن المحمديه :

مافي كثير خدماااات .. مثل الصرف .. دخنا السبع دوخات لين ما لقينا صراف
كلهم سادين ..
ثانيا ... مافيها سهرات حلوه ..

احلى ما فيها البحر .. والجو بالصيف .. واكبر غلط انك تروح بالشتا مثل
ما سوينا ..

وبعد كل هذا عملنا اجتماع مغلق وقررنا نروح على مراكش ...!

وراح اكمل لكم بعدين .. الاكشن الحقيقي بدا في مراكش
خصوصا انو اول يوم لنا فيها كان في يوم مظاهرات 20 فبراير

__________________
i am a very private person, yet i am an open book
if you dont ask... i won't tell

التعديل الأخير تم بواسطة saadora ; 2011-07-16 الساعة 04:02 PM

المواضيع المتشابهه للموضوع: رحلتي للمغرب و مفاجآت مراكش (( مظاهرات 20 فبراير ))
الموضوع	آخر مشاركة
رحلتي للمغرب مراكش واكادير قبل سبوعين????????????????????✌????	2024-12-28 02:58 AM
تقرير رحلتي للمغرب ( 10 – 15 فبراير 2013م )	2023-06-06 02:03 AM
رحلتي للمغرب ( مراكش - اغادير )	2016-07-02 09:29 PM
رحلتي للمغرب كازا+ مراكش	2014-11-13 08:50 AM
تغطيه احداث مظاهرات 20 فبراير تحديث مستمر!!!!!!!!!!!	2011-03-11 12:23 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

رحلتي للمغرب و مفاجآت مراكش (( مظاهرات 20 فبراير ))

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)