يوميات مخاوي الشنطه بالرباط

اليوم الثالث قررنا نتجه للعرجات نبي نجرب المشاوي والطواجن إلى هناك واتفقنا مع السائق الي استقبلنا في المطار في اليوم الثاني على اساس أنه يوصلنا اليوم الثالث للعرجات حضر عندنا الساعه تقريبا 3 العصر واتجهنا للعرجات ونفس النظام الأول الرجال مبسوط وشاقه الابتسامه وجهه قلت ضروري اعرف سالفة الرجال هو طبع فيه ولا في شي مبسوط منه بعد حوار قصير معه صار صاحبنا متزوج ولا مر على زواجه اسبوعين يعني بشهر العسل ونفسيته في العلالي هنا قلت له انت معزوم على حسابنا واذا تبينا بعد نسوق وانت ترتاح ماعندنا مشكله بصراحه الرجال ينحب وصار يتواصل معنا طوال ايام السكن حتى لو مابغينا منه شي يمر علينا ويجلس معنا وماقصر لكن جاب العيد آخر يوم المهم طلعنا معه الساعه 4 العصر واتجهنا للعرجات نبي نجرب المشاوي والطواجن المغربيه على الاصول طلعنا على طريق سلا وهذي مجموعة صور وحنا متجهين للعرجات
هذي صورة بداية الطريق للعرجات


وهذي صورة لغابة على طريق العرجات لكن نسيت اسمها



وصلنا العرجات حسيت وقتها ان ودي اشتري استراحه هناك مافيه غبار والدنيا تفتح النفس والهواء عليل

وتم التقاط صوره ارشاديه للعرجات وهذي صورتها



نزلنا محل هناك يعرفه صاحبنا ابو خليل المعرس وجلسنا وطلبنا ماندري وش الطلب لكن ابو خليل قال لنا راح اضبطكم بطلب تدعون لي اوكلنا له مهمة الطلب وجلسنا على احد الطاولات المكان كان هادئ مافي زحمه وصل طلبنا وهذي صورة الطلب وفيه توضيح لكل صوره

صوص سلطه حاره وزيتون




طاجن لحم بالبرقوق والزبيب راح تاكلون اصابعكم وراه




كفتت لحم غنم مذاقه خطييييير لايقاوم




كوتليت غنم نسميها عندنا ريش غنم




صوره جماعيه للأعزاء على بطني وبصراحه هالصوره تم التقاطها بعد طلوع الروح لأننا كنا ننتظر الطلب ورا الطلب ونظرات الغدر من قبل عبسي وابو خليل وعدنان مستقعد للشباب يبي صوره جماعيه كل هذا لعيونكم يالمزاعيط



اكلنا من النعمه وبصراحه من المرات القليله الي تحس فيها بطعم المشويات والطواجن مذاق بصراحه الى الان اتمنى ارجع وأمر على العرجات لانه بصراحه شغل مرتب عمار يالمغرب عمار واسعار خياليه.


بعدها توجهنا للشقه بعد الجوله الجميله مع ابو خليل وجلست انا وعبسي واتفقنا على ان تكون سهرتنا بدون ضيوف ونوعيات ابو قوسين ماش ماتنفع ونجلس نتذكر الايام الخوالي على راحتنا ونشوف وش نسوي قادم الايام
بصراحه وأنا اشوف الصور الخاصه بالتقرير ضايق صدري ودي بالرجعه والاستقرار هناك على طول لكن ماباليد حيله.