صحينا من النوم وعلى طول على الخيمه وأحلى فطور انا وعبسي وصاحبه بعدها ودعنا صاحب عبسي وجلسنا نتشاور كالعاده وعقدنا العزم على الذهاب لصفراء طبعا وقتها كان في المغرب اختبارات نهاية السنه فكان الوضع شوي ركود جلسنا في الصفراء وطلبنا قهوه نص نص تقليد لبعض الاعضاء الي راحوا هناك لأني كل خطوه اخطوها اتصور انها على آثار خطوات سابقه لمزعوط وبعدي راح يجي مزعوط يقوم بنفس الدور فلسفه مالها داعي نعود لصفراء غالب الجالسين من ربعنا وقصف عشوائي في كل الاتجاهات اختلط الحابل بالنابل كلاً يبي يتسيد الساحه والمنافسه عل اشدها الى درجة انك تتوقع تصيد واحد من المزاعيط طلعنا الخضراء الوضع هادي ومافي احد رجعنا لشقتنا ومسكت الخادمة شفي انا قربت على اسبوع والوضع الى الآن ماكاين والو وش السالفه احس ان فيه استقعاد لي شفي لي حل قالت ابشر اليوم راح تدعي لي تقولها ببتسامه غريبه وغامضه في نفس الوقت عدنان حس ان هالمره غير راح تكون اموره في السليم المهم انتظرنا الضيف السبشل على قول الخادمه وصل ضيف عبسي على الوقت هذا الضيف قد جاه اليوم الثالث ساعه ورا ساعه الفل كامل السبشل تبع الخادمه مابين دخلنا على الساعه 11 وقت حظر التجول هنا قلت مازال المسلسل النحس مستمر الخادمه تتصل على الضيف وينك الوقت تأخر ماتقدرين تدخلين الخادمه جلست تشرشح ضيفي وعصبت عليه هنا تدخلت قلت لها خليها تجي انا راح ادخلها بعد نقاش سريع وافقت لكن دون تحمل ادنى مسئوليه امام البواب وساكنين الاقامه على حد قولها اتصل الضيف مره ثانيه وكلمته واتفق معه عدنان اذا وصل عند مدخل الاقامه يتصل وراح يكون في انتظاره المهم لما وصل اتصل وطلعت له كان فيه سياره مرسيدس موديلها حديث واقفه عند مدخل العماره وفيها وحده جلس عدنان يناظر وهو مايدري هو ذا الي يناظره هو الي اتصل عليه ولا واحد ثاني عدنان طبعا مستبعد تماماً انها تكون الي اتصلت عليه شوي جلس ينتظر كبست بالنور مرتين اشاره وعدنان ماهو مستوعب الى الآن انه راح يكون ضيفيه الليله نزلت من السياره واتجهت لي ومازالت حالت التناحه مسيطره على عدنان الزنقه كانت ظلمه تقدم عدنان انتي .... ردت عليه ايه انا الي اتصلت عليك وقتها ماادري وش الي قدامي كوع ولا صاروخ لأن الزنقه كانت ظلمه قلت لها سيري معي لكن اذا دخلنا في بواب تبع الاقامه راح اتفاهم معاه اوكيه وافقت ودخلنا الاقامه وشافنا البواب ونظرات ماتبشر بخير لكن مشى بعدها ماتكلم قلت لها راح اتفاهم معه بعدين دخلنا الاقامه وشوفت الزين قمر 14 شي عجيب ثواني من الصمت مرت على عدنان وحس ان النحس ودعه الى الأبد مع اكتشاف ملامح هذا الضيف فعلاً لمتد فل أبشن ووضعه المادي ممتاز سياره وآيفون فور مطنوخ عبسي يناظر جاه غيره وده يشوت الي عنده هنا فهمت سر ابتسامت الخادمه .
جلست معه وبدأت اسئله كثيره تدور في رآسي احس أنه في غموض ورا ذا الجمال حوار بسيط دار بينا الهدف الحصول على اجوبه عدنان يسئل ليش تأخرت الضيف انا كنت مشغول شوي طبعا جواله من يوم جلس ماوقف اتصالات خرب علينا الجو وش سالفت جوالك كل شوي متصل واحد الوضع ذا غير صحي ويأثر على جو عدنان وجو السهره شد عليه عدنان يقفل الموبايل ولا يحطه على الصامت الضيف اصر على عكس ذلك اكتشف عدنان ان الضيف شايف نفسه ومغرور وصدق من قال الزين مايكمل ومازال مسلسل الاتصالات مستمر قفلت مع عدنان واتخذ قرار حاسم بطرد الضيف استغرب من ردت فعل عدنان الضيف تدخل عبسي وقال خلاص خله يجلس الوقت مـتأخر وصعبه يطلع الحين بعد محاولات عبسي والطلبات وافقت طبعا عبسي مبسوط في الحالتين وافقت لكن من داخلي ودي اشوته برى الشقه كملنا السهر وسهرت مع نفسي زي ماصديقنا الا انا رحت الغرفه وانا احس ان النحس مازال مستمر وعبسي آخر طرب مندمج مع الضيوف ورقص وضحك فلها عبسي ذيك الليله فقلت مادام صاحبي عايش جوه خلينا نعديها على خير ذا الليله وقلت للخادمه اذا جاء وقت يمشون الضيوف قوميني من النوم و راح اتفاهم مع الصباح.
رحت الغرفه ونوم صحتني الخدامه قالت ضيفك يبي حسابه طلعت وانا ناوي شر بصراحه يوم شفته بعد ماصحصحت صار عندي صراع داخلي مره اقول عط ذا الزين حقه خله يمشي ومره اقول خلك قرم ولا تتهاون مع ذا الاشكال الي ماتستاهل جلست معه على طاولة المفاوضات حتى اثبت له انه مايستحق شي وانه مجرد اشغلنا وقروشنا بجواله قلت له انك شرفتنا وانا مشغول الان وضروري اطلع انهبل الضيف ابي حسابي ياعدنان وعلى طول جاه ردت فعل وبدأ يحس انه غلطان وهذا الي يبيه عدنان حتى يصحى من النرجسيه الي هو فيها عدنان يبي يصرفه بدأ الوضع يتأزم بين الطرفين ولا صار فيه مفاوضات الأمور بدأت تخرب وعصب عدنان وجاته ام العبيد صار شرس تدخلت الكابتن الخادمه و هدت العب وأخذتها على جنب وما أدري وش صار بينهم الى وقت كتابة التقرير وطلعت من عندنا مبوزه شبرين سئلت الخادمه قالت صافي حلينا المشكله طيب وش صار مارضت تقولي وقالت انا حليت المشكله بطريقتي حتى الخادمه ضاقت علينا وكلها من ضيف النحس الله لايرده .
عبسي طبعا نايم في العسل هو بالأساس كيس نوم طلع وش صار ياعدنان سمعت صراخكم واصل الغرفه ابد ماصار شي رح كمل نومك.
قررت اتصل على صاحبنا بفاس وقال انه راح ياخذ اجازه وراح يجي خلال يومين صحى عبسي وودع ضيفه بعدها طلعنا المرجان الفرع الي على طريق سلا
شرينا اغراضنا ورجعنا الشقه تغدينا طاجن بالخضار والنفسيات زفت لذلك مافي صور لطاجن الخدامه ضايقه على عدنان طلعنا بعدها لكافي فنيسيا وجلست انا وعبسي نبي نرجع المياه لمجاريها مع الخادمه رحنا شرينا لها هديه من سوق اسمه سوق قيس وسط زنقات بحي اكدال نبي نراضي الخادمه رجعنا الشقه وجلست مصارحه مع الخادمه وكلمتين وترضى وعطيناه الهديه ورضت علينا وطاح الحطب كأن مافيه شي صار وقلت لها خلاص لاعاد تجيبن لي ضيوف خلينا كذا احسن .
راح تقريبا اكثر من اسبوع ومازال عدنان ماهو مستوعب انه مر عليه اسبوع في الرباط يحس انه يوم مرعليه مرور الكرام بحلوه وبمره.
مر بقيت الاسبوع دون شي يستحق الذكر وصاحبنا الي في فاس ماجاء وقال تعال ياعدنان انت لفاس شاورت عبسي هاه تروح معي لفاس رفض الفكره قالي تبي تروح رح انا مرتاح هنا آخر راحه وماألومه صراحه ماشيه معه زي العسل فاأتصلت على صاحبنا بفاس واعتذرت منه وقالت له لابد لي عوده للمغرب.
مر بقيت الاسبوع مافي شي يستحق الذكر واتفقت انا وعبسي على السفر مره ثانيه بعد رأس السنه وحنا مازلنا في الرباط .
اخر يوم من اقامتنا في الرباط ضغط على عبسي اجيب ضيف علشان نحتفل بآخر يوم وبعد الحاح من عبسي وافقت واحتفلنا وكانت احلى سهره سهرناها ماادري شعور اننا راح نترك المكان كان له دور في الموضوع.
اتصلنا على ابو خليل المعرس على اساس انه يوصلنا المطار عبسي ماهو مقتنع بسالفة القطار يقول زي ماوصلنا هنا راح نرجع مانبي قطار ووافقت على كلامه واتصلنا على ابو خليل المعرس الي جابنا من كازا يوم وصولنا انه يكون عندنا الساعه 3 العصر رتبنا اغراضنا واخت لي كم صوره وداعيه لشقه
مدخل الشقه
الصاله
الخيمه
غرفة عبسي كيس النوم
غرفة عدنان
المطبخ الي شهد ابداعات عدنان
,هذي صورة الشنطه وقت المغادره واللحظات المؤلمه العزيزه علي قلبي الي راحت كم بلد ولا ارتاحت الا بديرت المزاعيط
وصل ابو خليل واتفقنا معه يوصلن المطار ب700 درهم اخذت شنطتي العزيزه على قلبي
وطلعنا معه بالسياره يوم ركبنا السياره طلب الحساب قلنا له وصلنا المطار وابشر بالحساب قال ابو خليل انا ماراح اوصلكم المطار انا مشغول لكن فيه واحد اعرفه من طرفي راح يوصلكم اتجهنا لصاحبه وحاسبنا ابو خليل وتوادعنا منه وطلعنا مع صاحبه في السياره وعلى المطار طبعا من يوم شفت صاحب ابو خليل فتح كبوت السياره عرفت ان الموضوع مايبشر بخير طلعنا معه على المطار وعلى الخط السريع بين الرباط وكازا تعطلت السياره عند محطة الأداء والوقت ماهو في صالحنا السواق اسمه احمد قال لنا انزلوا من السياره ودفوا السياره نزلنا ودفينا مسافه الين تقطعت قلوبنا اشتغلت السياره وانطلقنا متجهين للمطار شوي وتتعطل مره ثانيه ونفس الطريقه الاولى ندف لكن هالمره مااشتغلت طبعا حنا مستويه معنا يعني لومالحقنا على الرحله بنجلس في كازا وراح ندور على حجز بعد كم يوم المهم شوي ويوقف عندنا الدرك الملكي طلبنا منه يساعدنا لكن مافيه فايده راح وخلنا الوقت يمر والرحله قربت ابو حميد السواق قال راح اتصل على واحد ساكن بالمحمديه راح يوصلكم اتصل عليه مارد عليه حنا عرفنا وقتها ان ماعنده سالفه قلت لعبسي خلنا نأشر لأي سياره ونتجه للمطار وفعلاً وقف لنا واحد الله يجزاه خير واتفق مع ابو حميد السواق واعطاه حسابه واتجهنا للمطار وخلصنا امورنا من الجوازات والجمارك وكالعاده طلبوا الاكراميه .
طلعنا على رحلتنا عبر البوابه 32 والنفسيات في الحضيض الي درجت اني حسيتا ني مسافر لحالي انا وعبسي نكتفي بالنظرات لبعض مافي أي حوال دار بيني وبينه من يوم جلسنا ننتظر صعود الطائره الى وصولنا الرياض.
"خلص التقرير لكن هذي بداية رحله طويله اتوقعها مع هذا
البلد العزيز على قلبي واتمنى يكون فيه سفره قادمه ومدينه جديده واتقدم بالشكر لهذا
المنتدى الشامخ الي استفدت منه كثير وراح استفيد منه اكثر الايام القادمه وتعرفنا على
اناس كثر لا أملك لهم الا الدعاء والتوفيق .
والشكر موصول لكل من تابع ومر من هنا من الأعضاء وأنشاء الله انه نال على
رضاكم
والشكر موصول:Abu Ahmed (721): لأخونا سادورا حتى آخر ايامنا في الرباط كان متواصل معنا والكلام يعجز في شكر ابو راشد .
وانشاء الله نلتقي على دروب المحبه يالمزاعيط واذا حصل منا قصور او غلط فالعذر
والسموحه منكم.
ومبروكين الشهر الكريم مقدماً وانشاء الله ينعاد عليكم بالصحه والسلامه .
أخوكم ومحبكم مخاوي الشنطه]
2011-07-24, 11:31 PM
معلق بين سطور
تقريرك يابوي 
المواضيع المتشابهه للموضوع: يوميات مخاوي الشنطه بالرباط
العرض العادي
الدرهم المغربي مقابل عملات الخليج