ليه ربعنا تغيرو ولا جيلي يبي ينقرض

قبل عشرين سنه 15 سنه طبعا بعض المرات الواحد يشتاق لربعه اذا كان بديره مختلفه ويرحب بالكثير والله ياجماعة الخير كان فيه منتدى اسمه المسافرون العرب قسم السياحه للمغرب كان فيه ترابط عجيب وماكان احد يحاول ينصح عشان بس يشتم الثاني بعد ظهور التطبيقات سناب وتك توك طلعو علينا من بني جلدتنا اقامو بالمغرب وحبو يقومون بعملية سمسره وهذا لاخلاف عليه انا بنفسي كنت وسيط قبل كورونا بل كان عندي وكالة عقاريه لكن تخلصت من الموضوع لاسباب خاصه فيني الشاهد الي يقومون بالسمسره صارت بينهم هوشات وضحكو المغاربه علينا وين راحت ايام التكاتف والسنغ والعلوم ليه النميمه حتى بين السياح انفسهم على فلان او فلان ترى الحياه قصيره ماتستاهل انك تحط حرة خلافاتك العائليه بالناس
مجرد بوح
ويارفيق الدرب ابوح كفكف الدمع السفوح وانتخل خلا نصوح

امر مخزي للاسف بدل التكاتف صاروا العالم طمعانين في اللي في جيبك
هذا الوضع اللي صاير والقادم اعظم والله المستعان

ماتغير شي بس بانت الاقنعه المزيفه صرت تعرف حبيبك من عدوك ماعاد احد يحتاج احد وتعرف اللي كل همه نفسه والمنافق والكذاب والحرامي صارو الناس اكثر حذر من بعض ونفس ماقال هواجيس القادم ادهى وامر بيجينا وقت نصير نفس الاجانب محد يثق بالثاني

تغيرو لأن زمن الرفاه الاقتصادي والاجتماعي وبحبوحة الأرزاق بدأت تتقلص في كل دول الخليج وانتهت في بعضها وأصبح الحصول على المال صعب جدا لذلك من أجل الحصول على المال ظهور هولاء طبيعي
وممكن تشوف اسوأ من هولاء لو استمرت الأوضاع بالرجوع للخلف

كل طياره فل ههههههه الجيل القديم خلاص اندبس بالقروض اللي نصها راح على سوريا ونصها راح عالمغرب طبعا سوريا كانت مدمره الشباب قريبه وفريخات الشام ماديات جدا ولعابات وتو العالم مافتحت عالمغرب وشغالين تحديات والخبول رش بالفلوس ولاخلصت فلوسه مايرحمونه السوريين يشيلونه من كراعينه ويحذفونه برا واللي بعدو.
الجيل هذا فرش مايعرف سوريا زين يروح يحذف فلوسه بالمغرب ويرجع انطر عليهم يفلسون شوف عاد اللي عقبهم يمكن يتوجهون لروسيا

المسآله مجرد قل دبرة في الجيل الحالي
جيل مطفوق ولاعنده مسؤوليه ولا يعرف يحسب لجوه ولا جو الي معه
الواحد منهم اذا سافر يتبيح من كل شي حتى أن بعضهم ممكن يتبرى من خويه عشان طير

وهذا الشي الي خلى الكل سواء مقيمين هناك أو اولاد البلد نفسه تطمع بالسايح لأن نسبة الدلوخ كثير مع إحترامي للجميع

رأي الابتعاد عن السماسرة الخليجين وغيرهم الا اذا كنت موجود وعينك ميزانك ….. والبرامج متوفره وموثوقه بجميع الحجوزات وارخص من الربع وغيرهم

اصلا لين تحتاج سمسار اذا كل شي واضح ومتوفر
ومافيها هذا ولد بلدي ما رح ينصب علي لا حبيبي
ولد بلدك هو اللي افتح عينك زين لما تتعامل معاه
والله انا مريح نفسي اذا ما حصلت الشقه اللي ابيها بالموقع
اللي ابيه بالسعر اللي ابيه اخذ لي غرفه في فندق والسلام عليكم
ولا يجي سمسار ابن ستين في سبعين يسرقني بحجه الأمان او اليوم يسمح بالضيوف وبكره لا