تكفا ترى تكفا تهزّ الرجاجيل

الوافي

مزعوط مميز

المشاركات: 407

تاريخ التسجيل: Jun 2011

الدولة: بـــريـــدة

2011-07-21, 01:10 PM

المشاركه #1

تكفا ترى تكفا تهزّ الرجاجيل

تكفا ترى تكفا تهزّ الرجاجيل

لولا صروف الوقت ماقلت تكفا!!

بيت مشهور من أكثر القصائد التي كثر اللغط حولها وتداولها بعض الشعراء في بعض قصائدهم
ونسبوها لهم والحقيقة تقال إنها للشاعر العذب : محمد الدحيمي الشهري المعروف بـ (أخو تكفى) ..
إليك القصيدة بمحتوى البيت السابق.

اما لطمنا العيل والا الطم العيل

مادام شب النار مندوب الاطفا

من ذاق حر القايله يعشق الليل

ومن شب ضوه ليلة البرد يدفـا

امسيت في جيلٍ ولاهوب ذالجيل

واصبحت والا ديرتي شبه منفـا

واللي حما بيته بطيـرن ابابيـل

ماجيت ادور كل من صد وقفا

ولاجيت ابشحذ يانما دلّه وهيل

جيتك وجرح الظلم غاديه يشفا

جيتك بكلمه كنها صعقة الويل

ان قلت تكفا لاتهـاون بتكفـا

تكفا تراها كلمةٍ تقطم الحيـل

لابالله الا تنسف الحيـل نسفـا

تكفا ترا تكفا لها هدرة السيـل

في صدر حرٍ ينتف الطيب نتفـا

تكفا ترا تكفا لها تسّرج الخيـل

ان كان لك في مجمع الخيل عسفا

تكفا تراني من قرومٍ مشاكيـل

حماية الساقه بسيـفٍ وشلفـا

تكفا وتكفا ماتسـاق لمهابيـل

تكفا تخلّي القرم لاشٍ وهطفـا

تكفا ترى تكفا تهزّ الرجاجيـل

لولا صروف الوقت ماقلت تكفا

نقلها لكم الوافي

__________________

الآدمـي تـكـشـف مع الوقــت خافيه
ويبين لك طـيـب الرجـل من خماله
لا طـالـت الـخــوه ظهــر كل ما فيه
وعـرفـت دقــه وقــتـها من جــلاله
أما طــلـع خــويـك الـلـي تــخـاويه
والا سـمـحــت وقــلـت مالي وماله

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: تكفا ترى تكفا تهزّ الرجاجيل
الموضوع	آخر مشاركة
عنه ماقاام ولا سواا لي شي ~ شوف الرجاجيل وش يسوون	2012-04-02 06:53 AM

الساعة الآن 03:51 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

تكفا ترى تكفا تهزّ الرجاجيل

روابط سريعه