قال انا عند ظنك قلت لا بالله = اختلف فيك ظني نوبه ونوبه
قال واللي سواتك يدمح الزله = قلت والغلطه اللي منك محسوبه
من يباني على الشده رفيق له = لا يقصر بماجوبي وماجوبه
الرفيق المهجن رفقته عله = لا بس ِ لي عباة الود مقلوبه
لو يجامل معي والكره مشتله =المحردب تشوف الناس حردوبه
الرجوله شجاعه والردى ذله = لا تحن الحصان الا من الكوبه
يارفيق يحد السيف ويسله =كل مااقفى رفيقه حش عرقوبه
رفقةٍ مالها مذهب ولا مله = يالله العفو والغفران والتوبه
للشاعر الكبير / سلطان بن وسام الهاجري
__________________
آحـــــــن للمغـرب وادور التفاكيـر
اليـوم جـــــاي وبعد يومين نـــاوي
زيـن التمشـي بيـن كـــازا واقاديـر
دارً على شـــــــمة هـواهـا شفـاوي
على المحيط الاطلسي جلسة عصير
تســوا حياة اهـــل الحكي والقهاوي