أستجار سيارة معا سايق للرحلات بين المدن

السلام عليكم
كم تكلف أستجار سيارة معا سايق للرحلات بين المدن المغربية في اليومية ؟
افضل شركات من حيث تجاربكم؟
شنو الي علي وعليه؟؟
نوع سياره عادية اقتصادية لشخصين بالكثير.
من الرباط او مراكش.
شكرا لكم

عليكم السلام حياك الله
السيارات تختلف تبدا من ٢٥٠ السيارات الصغيرة
والتوسان ب ٣٥٠ وممكن تزيد او تنقص

والسايق عاده يوميته من ٢٥٠ درهم الى ٣٠٠ درهم
واذا انت بتتنقل في المناطق هذه بتدفع له السكن

مالك وماعليه تسجله في عقد الايجار كسايق وامورك طيبه باذن الله

عليكم السلام نفس ماقال هواجيس واذا تبي سواق امين كلمني خاص

....

بالتوفيق

عليكم السلام
انا من رئى الشخص يسوق بنفسه بدل تكاليف سائق
السياقه فى طنجه الرباط مراكش مافيها اى مشكلة طالما التزم السائق بأنظمه المرور وخرائط قوقل توصلك الى اى مكان حتى المطاعم والمقاهى

تحياتي لكم
اكثر لا يخوف الناس من استأجار السيارة هو كلام الناس عن شرطة المرور أو رجال الأمن عامة
يحاول يخالفك لو أنت ماشي صح !
أن زرت المغرب قبل فترة كازا,الرباط,طنجة أخذت قطار البراق ولا فكرت أخذ سيارة رغم أن عندي حب للطبيعة و الجلسات وتوي مستخدم السيارة في البانيا كوسوفا , الجبل الأسود بسيارة وحدة وكأنت تججربة ممتعة
هل التعقيد فعلا يخليك ما تستخدم السيارة بالمغرب؟ لا ما أتوقع توصل
بصراحة كنت اراقب الوضع بالطريق ما شفت نقاط تفتيش بكثرة ولا أحد موقفه البوليس .
دائما وبكل بلد لا تأخذ كل ما تسمعه أن ححقيقة البلد , جرب السيارة لو يومين ثلاث

والله كلامك صحيح أنا بالبداية كنت أفكر أستأجر سيارة وألغيت الفكرة بعد ماقريت عن اللي ذكرته
بس لو تفكر فيها عشان الواحد يعرف يختار وسيلة النقل لازم يحدد هدفه من الرحله اذا هو راعي سهر ومايطلع الا مشوار واحد باليوم غير السهرة أقول حرام يستاجر سيارة عشان مشوار باليوم يا خذله سواق لأنه حتى لو مستأجر وقت السهرة ماراح تسوق وتضطر تروح وترجع بتكسي
بأوربا مثلا أستأجر سيارة وألف فيها أكثر من دولة لأن هدف السفرة الاساسي لابد فيه من استأجار سيارة

فيه مثل معروف ( الانسان عدو مايجهل )
وهذا شئ طبيعي دامك ماجربت وماتعرف الانظمة

لكن اللي حبيت اضيفه هي تعتمد على الشخص نفسه
اذا انت تمشي ملغم فلازم تكون حذر لانك بتكون معرض للابتزاز
فلازم الواحد يرتب اموره وينتبه لنفسه

واضيف نقطه مهمه نظام المغرب الشرطة غير مصرحه بتفتيش سيارتك ابداً !!
يحق له طلب انك تنزل قزاز سيارتك علشان يشوف من معك ويفحص على البيانات بشكل عام او يعطيك مخالفه اذا ارتكبت مخالفه

واذا طلب مبلغ تقدر ترفض بكل سهوله واطلب يحرر لك مخالفه ورقية اي مخالفه رسميه وتكون المخالفه مسجله باستماره خاصه بنوع المخالفه وموضحه ايضاً بقيمة المخالفه

يعني اذا بيتفلسف عليك حجز السياره او قيمة المخالفه توصل الف درهم او اي من هالكلام خليه يوثقها بورقه رسميه انت كذا حشرته في زاويه

وسبق صار لي نفس هالموقف سابقاً وفي الاخير تركني وارسل عسكري ثاني علشان يخارج عمره

اما التفتيش لا يحق له ابداً
واللي يحق له بتفتيشك هم الدرك الملكي

فاذا وقفك شرطي وطلب يفتشك اطلب انه يستدعي وكيل الملك اللي هو الدرك الملكي فهذا بيدخل في موضوع طويل عريض ويسبب له وجع راس وبيعرف انك فاهم في الانظمه وفي الاخير بتمشي وتعدي الموضوع بسهالات لكن المهم والاهم تكون ضابط عمرك ووازن نفسك