عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


قالوا زمان، أمثال شعبية مغربية .....

إضافة رد
جوهره
مزعوط ذهبي
المشاركات: 1,054
تاريخ التسجيل: Jan 2011
جوهره غير متواجد حالياً  
قديم 2011-08-04, 03:14 PM
  المشاركه #1
قالوا زمان، أمثال شعبية مغربية .....

* معرفة الرجال كنوز.

* يلى شفتيهم دورو علينا عرف حاجتهم فينا.

* اللي زرع الشوك تيحير فاحصادو.

* اطلع تاكل الباكور انزل شكون قالهالك.

* العمش فدار لعمى بعينيه.

* الحر بالغمزة و العبد بالدبزة.

* ما مور الشدة الا الفرج.

* اللي تيتسحر مع الدراري كيصبح فاطر.

* حاول على حميرك تحج عليه.

* اللي فاتك خليه لبناتك.

* الله ينجيك من المشتاق يلا فاق.

* دوز على الهرهوري و لا دوز على الساكوتي.

* السلطان بالتاج و كيحتاج.

* اللي عضو الحنش كيخاف من الحبل.

* خدم يا التاعس لناعس.

* اللي كيربي ولاد الناس بحال اللي كيدق الما فالمهراز.

* نوضوها تشطح دارتها بصح.

* اتاي لعشية خير من بقرة مشوية.

* حسابتني كرمة وفيها الكرموص سعا هي خربة و فيها الناموس.

* الي ما عندو هم كتولدو لو حمارتو.

* يد في الطبق و عين على من زهق.

* تعلمو يا الحجاما فروس ليتاما.

* بحال الي تيسعى بولدو على كتفو هو تيقول انت على الله و ولده تيقول الله يجيب.

* جبنا القرع ينوسنا عرى راسو و هوسنا.

* دابزو يا الفيران على خميرة الجيران.

* الزواج و الموت هم لا يفوت.

* المراة الحرة ما تاكل غير من يد زوجها.

* الراجل بدراعو ماشي بمتاعو.

* اللي حبك حبو و لقلبك زوجو و اللي جفاك جفيه و تعداه و دوزو.

* تهجالت لعناية و لا زواج الدل.

* خود بنت قرابة و لا تاخد بنت غرابة.

* يا الطامع في الزيادة رد بالك من النقصان.

* ابنادم دربو على حلقو ينسى اللي خلقو.

* يلا كان خوك عسل ما تلعقوش كلو.

* التربية في الصغر كالنقش على الحجر.

* العصى ما كتخلي من يعصى.

* ولد ولدك زوين ما تعدمشي اللي يبوسو.

* لهلا يورينا فولادنا ميخلعنا.

* ادعاوي بارشاوي.

* عيطت على ديالي جاني عيطت على ديال الناس مشى و خلاني.

* اللي كثرو همومو كثرو اعجوبو.

* يلا بغيتي اتوحش صاحبك سلفو.

* اللي درقك ابخيط درقو بحيط.

* تيدور الزرع حتى كيدور وكيرجع لعين الرحى.

* يلا امشا الزين كيبقاو حروفه ويلا امشا المال كيبقاو خروقه.

* الخير كيجلس والهم كيكمش.

* كيدق ويقول شكون.

* كيبيعو الارض ويضحكو على من شراها.

* الغربة كتلوح حتى لبلاد الشلوح.

* ما يحس بالمزود غير اللي واكل بيه.

* اللي دارها بيديه يفكها بسنيه.

* قالو اشخصك يا لعريان قالو الخاتم يا مولاي.

* ما بين اللقمة و الفم تيريد ويحكم.

* الضحك كيفصخ البيع.

* اللي حبك ما بنالك قصر واللي كرهك ما حفرلك قبر.

* اللي تيكون اناني تيبقى وحداني.

* اللي اربحتيه تاكله و الدين باش تخلصو ؟

* اللي ما جابتو المحبة ما تجيبو الحزارة.

* اللحية مكترفد اللحية غير لقبر.

* اليد اللي طعمتنا الحلال تيكونو ناسها قلال.

* خليني نبلع ريقي حتى نعرف عدوي من صديقي.

* اللي ربط حمارو مع الحمير كيتعلم الشهيق و النهيق و الخروج على الطريق.

* اللسان طويل و الدرع قصير.

* اش يقدك من الصلاة يا البايت بلا اعشى.

* الجمل ما كيشوفش حدبتو كيشوف غير حدبت خوه.

* ما ينفع غير الصحيح اما الراشي كايديه الريح.

* اللهم اعمش ولا اعمى.

* اللي شاف شي يقول الله يستر.

* مول البنات ما يبات هاني.

* ازرب تعطل.

* لو كان الخير فيا ما يتزوج راجلي عليا.

* كان راجلي واصبحت انعشقو.

* يعيى من يعطي وما يعيى من يشد.

* اللي حبابو عريانين عمرو ما يتكسى.

* ملي كطيح البقرة تيقواو السكاكن.

* اللي احشم فما ضرو الشيطان غرو.

* لو كان الخوخ يداوي لو كان داوى راسو.

* الله يجيب اللي يفهمنا ولا يعطنشاي.

* هاك ابوه رجليه جابوه.

* حتى يخلاق عاد نسميوه عبد الرزاق.

* الله يعطينا شي نقرة فين يغبر نحاسنا.

* حتى قط مكيهرب من دار العرس.

* الصنعة يلا ما غنات كتستر واقيلة كتزيد فلعمر.

* اشعند الميت ما يدير قدام غسالو.

* شحال ما طال الليل كيصبح النهار.

* جلسة احسن من وكلة.

* نقا على نقا ما تيورد شقا.

* الزيادة من راس لحمق.

* كول بشهوتك و لبس بشهوت الناس.

* قالو اشمتك قالو اعرفتك.

* شد تصيب ما اتحل.

* اللي احفر شي حفرة كيطيح فيها.

* اللي ما لقى الخير فركانو يكون الخير فلسانو.

* ما دير خير ما يطر باس.

* شطارت الكوزينة كتشري مدينة .

* حاسبني حساب عدوك و جلسني بلاصت خوك.

* دهن شواربك بالسمن و دوز على عدوك مصبن.

* اللي ماجي لعندك لا تمشي عنده.

* اللي اتخدمو طيعو و اللي اترهنو بيعو.

* كن اسبع و كولني.

* يلا شفتيها بسعدها عرفها مكملا من عندها.

* ما تشري حتى تقلب و ما تصاحب حتى تجرب.

* امدح صاحبك قدام الناس و لوح صحبك الراس فالراس.

* العراضة سنة و العاقل ما كيدنى.

* حج و حاجة و قضيان حاجة.

* يلا فاتك الكلام قول اسمعت ويلا فاتك الطعام قول اشبعت.

* كل غيبة كتزيد هيبة.

* عز الخيل مرابطها.

* اللي تيركب لحصان كل الناس اتوسعلو لمكان.

* العز والنصر والسكنة فلقصر.

* الموت بالردم ولا معاشرت لخدم.

* سوق النسا سوق مطيار يا الداخلو رد بالك يوريوك من الربح قنطار وياكلولك راس مالك.

* ديرها فالرجال وترجاها و ديرها فالنسا و لا تنساها.

* مراة المنحوس ما هية مطللقة ما هية عروس.

* حالتي حالت النافخ العافية على قلبو و الطيقان فجنبو.

* ملي تنحتاجك يا وجهي كيخبشوك لقطوط.


* الجوع و النوع و البكا بلا دموع.

* منحوس منحوس و لو على راسو فانوس

* عمرو ما احبى وملي احبى طاح فلبير.

* رضينا بالهم والهم ما رضا بينا درناه عند راسنا صبح عند رجلينا.

* الحنة حرشة و الحناية عمشة و العروسة فيها بو تفتاف.

* محيلي المكتوب وانا انتوب.

* حسدو العمى على عكازو.

* عاند ولا تحسد.

* السفيه ما كينطق غي بلي فيه.

* ودن صمة و الاخرى فيها الماء.

* اللي ما شاف من عين الغربال اعمى.

* غرزة زايدة فيا و هم لعرى فايت فيا.

* القرع بفلوسو ارى ديك الراس نبوسو.

* ادفع ما في الجيب يجيب الله ما في الغيب
__________________




الشكر لكل من الزين المسرار و الوافي
رد مع اقتباس
saadora
مزعوط خبير
المشاركات: 6,206
تاريخ التسجيل: Dec 2010
الدولة: الجبيل
saadora غير متواجد حالياً  
قديم 2011-08-04, 03:36 PM
  المشاركه #2
رد: قالوا زمان، أمثال شعبية مغربية .....

شكراً جوهره :0069:
رد مع اقتباس
جوهره
مزعوط ذهبي
المشاركات: 1,054
تاريخ التسجيل: Jan 2011
جوهره غير متواجد حالياً  
قديم 2011-08-04, 03:41 PM
  المشاركه #3
رد: قالوا زمان، أمثال شعبية مغربية .....

اقتباس:
المشاركة الأصلية كتبت بواسطة saadora مشاهدة المشاركة
شكراً جوهره :0069:
العفو يا بوراشد
__________________




الشكر لكل من الزين المسرار و الوافي
رد مع اقتباس
بنت فاس

قالوا زمان، أمثال شعبية مغربية .....

المشاركات: 2,608
تاريخ التسجيل: Jan 2011
الدولة: italiya
بنت فاس غير متواجد حالياً  
قديم 2011-08-04, 04:11 PM
  المشاركه #4
رد: قالوا زمان، أمثال شعبية مغربية .....

يعد المثل الشعبي المغربي دخيرة مهمة تعكس داكرة ثراثية تنحدر من ثقافة تركها لنا أجدادنا,تحمل معاني كثيرة منها ما هو مضحك وما هو حكمة وموعضة.لدا نخصص لكم في هدا الموقع "قالو زمان"مجموعة من الأمثال لنعود بكم الى ثراثنا الزاخر,واضعين بين أيديكم موسوعة من العديد من الأمثال الشعبية المصنفة تحت:أمثال التربية, أمثال الحب, أمثال الخير و الاجر, أمثال الذكاء و حكمة العقل, أمثال الزواج, أمثال الصداقة, أمثال القدر, أمثال زوجة الابن و الحماة, أمثال سوء الحظ و النحس, أمثال شعبية, أمثال عبد الرحمان المجدوب, أمثال عن الرجل, أمثال عن المرأة, أمثال مشهورة, أمثال مضحكة.
__________________
رد مع اقتباس
جوهره
مزعوط ذهبي
المشاركات: 1,054
تاريخ التسجيل: Jan 2011
جوهره غير متواجد حالياً  
قديم 2011-08-04, 04:29 PM
  المشاركه #5
رد: قالوا زمان، أمثال شعبية مغربية .....

اقتباس:
المشاركة الأصلية كتبت بواسطة souad مشاهدة المشاركة
يعد المثل الشعبي المغربي دخيرة مهمة تعكس داكرة ثراثية تنحدر من ثقافة تركها لنا أجدادنا,تحمل معاني كثيرة منها ما هو مضحك وما هو حكمة وموعضة.لدا نخصص لكم في هدا الموقع "قالو زمان"مجموعة من الأمثال لنعود بكم الى ثراثنا الزاخر,واضعين بين أيديكم موسوعة من العديد من الأمثال الشعبية المصنفة تحت:أمثال التربية, أمثال الحب, أمثال الخير و الاجر, أمثال الذكاء و حكمة العقل, أمثال الزواج, أمثال الصداقة, أمثال القدر, أمثال زوجة الابن و الحماة, أمثال سوء الحظ و النحس, أمثال شعبية, أمثال عبد الرحمان المجدوب, أمثال عن الرجل, أمثال عن المرأة, أمثال مشهورة, أمثال مضحكة.
شكرا يا للا سعاد
__________________




الشكر لكل من الزين المسرار و الوافي
رد مع اقتباس
بنت فاس

قالوا زمان، أمثال شعبية مغربية .....

المشاركات: 2,608
تاريخ التسجيل: Jan 2011
الدولة: italiya
بنت فاس غير متواجد حالياً  
قديم 2011-08-04, 05:11 PM
  المشاركه #6
رد: قالوا زمان، أمثال شعبية مغربية .....

هبيل تزوج هبيلة وتهنات القبيلة
الحمار مخبي ووذنيه برّا
السفيه تينطق غير باللي فيه
الغربال قال للشبكة عينيك كبار
السوس ما يلعبش الا في الخشب النقي
من حبه ربه واختاره جاب له رزقه على باب دراه
ما تيجي المصايب الا من الحبايب
السلطان مع هيبته ينشتم في غيبته
سلاح الضعيف الشكية
سكتنا له دخل بحماره

__________________
رد مع اقتباس
بيضاوية مديراش
مزعوط خبير
المشاركات: 3,025
تاريخ التسجيل: Jun 2011
الدولة: كازا بلانكا
بيضاوية مديراش غير متواجد حالياً  
قديم 2011-08-04, 06:33 PM
  المشاركه #7
رد: قالوا زمان، أمثال شعبية مغربية .....

وقالو زمان لي ما عرفك خسرك

شكرا زين : (150):
__________________
إنـي ابتليت بـأربع مـا سُلِّطوا.... إلا لشـدّة شقوتـي وعنـائي

ابليس والدنيا ونفسي والهوى...كيف الخلاص وكلهم أعدائي

بمـعية الرحــمن ونــهج حبيبـه ... أبــلغ بـإذن الله رجـــائي "
رد مع اقتباس
محمد الشمري
مزعوط جديد
المشاركات: 29
تاريخ التسجيل: Apr 2011
محمد الشمري غير متواجد حالياً  
قديم 2011-08-14, 10:27 AM
  المشاركه #8
رد: قالوا زمان، أمثال شعبية مغربية .....

الله الله روعه مشكوره يا الغلا
__________________



حــآرس محشش خخخخخخخ






لــست ُ مُجبــــراً أن يفهــم الأخـــرون مـن أنا

فمـن يمتـلك مؤهـلآت

•» العقــل والقلـب والـــروح «•

ســأكـون أمـامة كالكتـاب المفتــوح
رد مع اقتباس
ابن مراكش
مزعوط فضي
المشاركات: 807
تاريخ التسجيل: Apr 2011
ابن مراكش غير متواجد حالياً  
قديم 2011-08-21, 01:26 AM
  المشاركه #9
رد: قالوا زمان، أمثال شعبية مغربية .....

جوهره

امثال ولها عندنا مردفات ولاكن على حسب الهجة

على سبي المثال لي ما عرفك خسرك

عندنا نقول الي مايعرفك ما يثمنك

على العموم امثال جميلة وتشكرين على مجهودك لطرحها هنا في المنتدى الغالي
رد مع اقتباس
حنون المغرب
مزعوط خبير
المشاركات: 4,725
تاريخ التسجيل: Aug 2010
الدولة: كازا -الزرقطونى
حنون المغرب غير متواجد حالياً  
قديم 2011-09-04, 02:43 PM
  المشاركه #10
رد: قالوا زمان، أمثال شعبية مغربية .....

شكرالك على الموضوع
رد مع اقتباس
إضافة رد


الذين يشاهدون محتوى الموضوع الآن : 2 ( الأعضاء 0 والزوار 2)
 
أدوات الموضوع
انواع عرض الموضوع

الانتقال السريع

المواضيع المتشابهه للموضوع: قالوا زمان، أمثال شعبية مغربية .....
الموضوع آخر مشاركة
حكم و أمثال مغربية شعبية 2016-12-31 05:23 AM
أمثال + جمل مغربية طريفه 2016-05-29 08:33 PM
قالوا سحارة........قالوا مكايناش الخدمه..راه يبيع الما ^^ 2015-04-12 01:25 AM
أمثال شعبية مغربية مع شرح لمعانيها 2011-09-18 07:21 PM
امتال شعبية مغربية 2011-06-16 01:15 PM


الساعة الآن 05:55 PM