اسعد الله صباحكم/مساكم يامزاعيط بكل خير
بصراحة طحت على هذا الموقع بالصدفه اللي كانت خير من الف ميعاد????
توقعت المنتديات انقرضت ولكن باقي هذا الصرح الشامخ اللي ندمت اني ماعرفته من زمان
طبعاً من باب رد الجميل لنملة ولايهونون الباقي على المعلومات اللي استفدت منها واحياء قسم التقارير وهذي اول مشاركة ونقول بسم الله
مدة الرحلة: ٧ ايام و٦ ليالي بالضبط????
طبعاً جاي لحالي وعلى وجهي واول مره مراكش
الاستقبال من مطار كازا عن طريق سواق ثقة من اهل كازا وكان خوي الرحلة كاملة
بعد ماوصلت مسكت خط مباشرة لمراكش
شريحتي فعلت التجوال ٧ ايام لاني خفت اتخوزق برسايل البنك
المبلغ اعتمدت احول على نفسي ويسترن يونيون اما اللاونجات وحتى حجز الطاولات ابل باي برق وD360
طبعا اول مره اجي مراكش نصحني السواق بمنتجع اسمه سكره يبدو لي انه كان فيه صولات وجولات للخليجيين ولكنه بوقتي شبه مهجور واحسن مافيه خطه مافيه تفاتيش
اخذت فلة غرفتين ب٢٠٠٠ مع الشغالة
تصميمها كلاسيكي وبصراحة صدمني انها نظيفه ولكن تشطيبها مو فاخر
نظامي بصراحة كان حجز طاولة كاش ٢٥٠٠ مدة السفره كلها (عنز بدو طاحت بمريس????)
لان قلت لهم ترى بحجز حق ٦ ايام وضبطوني بطاولة موقعها كويس
بعد الكاش افتر بالفلة ثم نوم وهلمجرا. اصحي ٨ اتعشى مدري غداء اللي تسمونه بعدها قهوه بمجمع كريستيانو او اي مكان لاونج او غيره وفرفره ثم للكاش
الطيور بداية السهره يفلمون بالمبالغ بس على هونك يالامير وبيجونك اخر السهره ويقولون كم حدك????
وشوفة عينكم هذا كان جدولي ال ٦ الليالي الليلة الاخيره رحت كازا اخذت استديو استعداد للمغادرة.
التكلفة لاني لحالي كانت مرتفعة علي صراحة لو معي خوي كان اخف لكن عموما اهم شيء الوناسه????وافكر ثاني مره اجي لحالي عقب ماجسيت النبض يعني
صار لي موقف مع بنك D360 وقلت انبهكم سحبت مبلغ ٨٠٠٠ درهم من الصرافة اللي عند 555 وحجزوها علي وماطلع المبلغ ورفعت شكوى قالوا اصبر ٣٠ يوم????.
ف لو برجع ثاني مره بعتمد تحويل ويسترن مصروف يومين وهكذا اامن لي واضمن لان الصرافات شوفة عينكم تمقلبت ولو ماعندي كاش طوارئ رحت فيها.
وسلامتكم واي سؤال حاضرين.
2025-07-01, 01:11 AM
المواضيع المتشابهه للموضوع: مراكش مدة ٧ ليالي
العرض العادي
الدرهم المغربي مقابل عملات الخليج