استفسارات بسيطه ما قبل السفره

السلام عليكم ورحمة الله وبركاته
اول شي حاب اشكر كل الاخوان الي في المنتدى استفدت منكم كثير وبالاخص اخونا الكبير النمله والله يعطيكم الصحه

انا كانت الرحله المفروض الشهر ذا لاكن بعد قرائتي لبعض المواضيع وفي احد الاخوان جاوبني بموضوع المبلغ الي اخذه عشان كذا اجلتها

بنسبه للرحله انشاء الله راح تكون في اكتوبر تم الحجز عن طريق الخطوط السعوديه حصلتها ب ٢١٧٠ في عرض الي بيسافر يلحق عليه

استفساراتي مكتب اخونا الشمري كار هو نفسه الي نهاية رقمه 0530
الاستفسار الثاني المبلغ الي بطلع فيه ٤٠ الف من غير التذاكر وش رايكم ولا ازيد عليه المدة من ١٧ اكتوبر الى ١ نوفمبر ١٥ يوم من غير يوم العوده
بنسبه للسماعه في الروز قاردن كلمت الاستقبال تقول ٢٠٠ درهم هل ٢٠٠ في اليوم ولا طول الاقامه عشان لو طول الاقامه اشتريلي سماعات ارخص
بنسبه للمطار لازم يكون عندي حجز سكن لاني ناوي اروح لمكان الاقامه الروز او النخيل وهناك اشوف واحجز
اخر استفسار وش وضع الحكايم هناك هل ما اعدي الا ادفع ولا كيف ذا اكثر شي مقروشني هو والقياده بحد ذاتها

واستفسار بسيط كلمت مكتب صوفوي كار قالي المبلغ 5250 درهم القدوم ١٧ اكتوبر ٥ الصباح العودة ١ نوفمبر التسليم ١٠ الصباح مو كأن المبلغ عالي مره

ياهلا ومرحبا ويشرفني والله كلامك الطيب
بخصوص السماعه باليوم يعني الافضل تجيب السماعه اذا تقدر ووليزر صغير واذا مالقيت اللمبه اللي تدور المهم شي يمشي الحال
وبخصوص الرقم اللي ذكرت نعم هو الشمري كار
وببخصوص السكن اذا تبي اوليفر غرفتين ب١٥٠٠ كلمني خاص واخلي خويي يحجزلك قبل لا تجي وترا اذا وصلت تقل الخيارات الزينه ١٥٠٠ سهر استديو بالنخيل ولا الروز
وانت حر والمطار مرات يسال قوله الروز وبس مايطلب حجز ولاشي
وهناك حسب وضعك هل يستحق تدفع ٢٠٠ درهم تنهي اي شي واذا مو غلطان كلمه عادي وهم لينين تقدر تاخذ وتعطي معاهم

ارحب ياالنمله والله ماقصرت
اذا ممكن كيف الوضع في اكتوبر زحمه ودي اشوف بنفسي السكن ناوي على الروز او النخيل بس خوفك يقولون فل

اكتوبر عالمي جو حلو مافيه زحمه
لكن المنتجعات للاسف الخيارات الزينه طول السنه محجوزه انا اذا رحت بدون حجز مسبق ما القى شي زينه حتى لو الديره فاضيه لازم اخلي خويي يمسكلي سكن تبي تسمع شوري احجز خمس ايام بالروز استديو المطور عقبها اختار تعب جاي منهد حيلك هل انت فاضي تفتر عالمنتجعات

لاهنت تقدر تعطيني رقم خويك وماتقصر

دزيته لك بالخاص

رحم الله والديك ماقصرت

مساكم الله بالخير اختيارك للوقت ممتاز والروز خيار جميل جدا خصوصا اغلب الخدمات عندك حتى شيشه إذا تبي موجوده بالمقهى ومابعد كلام ونصايح اخوي النمله كلام استمتع الله يحفضك وسجل عندك مكان اسمه روف توب جميل جدا لاونج على كوفي حلوه الجلسه فيه قبل السهره


أرسلت بواسطة iPhone بإستخدام مزاعيط المغرب