فزعتكم في سكن اغادير

سلام حبايبنا
حنا تقريبا خمس شباب رايحين نهاية ديسمبر وبنزور اقادير
ابحث عن سكن هناك وودي لو في شي بالمارينا
سامع عن اطلس مارينا وعن كم فندق هناك بس ماني عارف القى رقم احد ثقه هناك وماعندي مانع حتى لو كنا في اكثر من جناح بس اهم شي ناخذ راحتنا
اتذكر زمان كانو يحجزون عن طريق المؤيد بس كمان هو مو عارف اوصله
بليز الي يعرف لايبخل علينا

عليكم السلام
ماعاد فيه شي اسمه اطلس مارينا الفندق قفل له خمس سنوات اللي موجود حاليا هي شقق الملاك
بما ان عددكم ٥ أنصحكم تسكنون بفله واقترح عليكم اول ماتوصلون تاخذون فندق يوم واحد تريحون فيه وتبحثون عن المكان المناسب لكم افضل من الحجز وتحويل المبلغ الان
واغلب السماسره اللي في اكادير أنا ما اثق فيهم الصراحه تعاملت مع اكثر مع شخص وما انصح فيهم ابد

ابحث عن موقع ايربي اند بي راح تحصل خيارات كثيره وتفاهم مع المالك مباشره أفضلك

هذا بالنسبه للفلل

الفنادق فيه عندك سويت كبير في فندق صحارى يكون غرفتين وتقدر تخلي الغرفتين اللي برى كونكت معاه اعتقد قيمته حول 7 الاف درهم في اليوم


فيه عندك فندق قريت هوليدي غرفتين وصاله وأسعاره مناسبه من 2000 إلى 2700 في اليوم وهو كذلك خيار مناسب

عددكم هذا حق مراكش تاخذون فله فاخره وتحطون السماعه عند حمام السباحه والطلي معلق والشوي على هالاجواء الزينه وشيشه والعصافير حولكم والليل تجيبون دي جي عندكم وتخلونه ودق ورقص ومافيه مانع كسرت روتين تروحون ثلاث ايام اغادير تاخذون ٦ غرف في صحارى كل واحد له غرفه والغرفه الاخيره تخلونه للتجمع والهيصه والرقص او واحد فيكم ياخذ سويت والباقين كل واحد غرفه والتجمع بسويت خويكم وعقبها ترجعون لمراكش كم يوم وعقبها عالمطار كذا تكون السفره عاااالميه

اتفق معك وعطاكم الخبره العمده العدد هذا ماينفع له اكادير ابد واي مكان أصلا بتتقروشون فيه

خلك على مراكش مثل ماقالك ذيبان