تجاربكم مع الشقق في مراكش عن طريق Airbnb

السلام عليكم ورحمة الله وبركاته

أسعد الله أوقاتكم بكل خير

الأخوة اللي جربوا Airbnb في مراكش، نحتاج مشاركاتكم وتقييمكم للتطبيق والشقق كذلك
من ناحية الأمان والأصوات العالية هل واجهتم مشاكل فيها ولالا
فيه شقق كثيرة بالتطبيق جدًا جميلة وأسعار أجمل بعد،

سفرتي قريبه و وحداني ياليت اللي سبق وحجز عن طريق هذا التطبيق يفيدنا

واذا احد عنده شقة ممتازة بالتطبيق ياليت يزودنا فيها

هدا تطبيق في شقق اسعار زوينة اثمنة مناسبة ولكن ممنوع فيها موسقى وضيوف يعني ماراح تاخد راحتكم فيها انا ما انصحى شباب فيها

والله شف انا كذا مره تجي في بالي اني احجز منه واروح اسئل صاحب الشقه وبقولي مسموح ضيوف والدنيا هانيه ومن ذا الكلام بس الي يعيب airbnb انك اذا دفعت خلاص راحت عليك و مايمديك تشوف الشقه قبل وماتقدر تضمن كلام صاحب الشقه يمكن يصير عكس كلامه او تحصل مشاكل مو نفس فنادق اقادير ومنتجعات مراكش الراحه النفسيه بتكون سالب صفر على الشمال مع انه اسعار airbnb زي اللوز

أنا جربت البرنامج السكن في الرباط
اصحاب الشقق مايقرون يعطون الضيف معلومات غير صحيحه
لأنه راح يؤثر على عليهم في البرنامج
أنا اول مره استخدمه والميزه الأخرى تقدر تكلم صاحب الشقه بالنسبه للضيوف او التدخين
البعض منهم يرفض لكن في المقابل فيه شقق عادي وامان بعد الله وسلامتك

الله يعطيكم العافية جميعًا على ردودكم

اجل نتوكل على الله ونحجز كم يوم ونشوف الوضع

نوافيكم بالأخبار بعد الرجعة ان شاء الله

محدثكم من الروز حاليًا
هذه تجربتي مع شقق Airbnb لمدة ثلاث ايام

تم حجزها عن طريق التطبيق وتم الإتفاق مع المالك بالنسبة لدخول الضيوف( بطريقة غير مباشرة )،وماكان لديه مانع لكن أكد علي بخصوص الصوت ولا بد يكون الوضع هادي

اول يوم مر بسلام والدنيا هانيه
ثاني يوم لعلي زودت الجرعة من ناحية الصوت ومادريت الا عجوز اسبانية تطق الباب وتلعلع جعلها المغص، بلغوا الحارس وجانا وسبب لنا قروشة وتواصل معي راعي الشقة وكأنه يلمح ع الطردة ههههههههه
مشى الموضوع سهالات واليوم الثالث كان الوضع ع الصامت ههههههه وبعدها طلعت واخذت عفشي وع الروز

هذا اللي حصل مع بالضبط وتجربتي الشخصية

الأهم اذا انت جوك هادي وماتعلي ع الصوت ف امورك تمام والدنيا هانيه وبتاخذ راحتك، صح بتشوف نظرات من السكان غريبه لكن طز فيهم

الحمدلله على السلامه

فعلا إذا كان جارك اجنبي الصوت مهم عندهم
لكن لو كان من ربعنا ماعندك مشكله والبرنامج
ممتاز صحيح واجهني صعوبه بالتسجيل كان لهم
شروط حتى يكمل الحجز صورت الحوار او الرخصه
وصوره سلفي لك وبعد ماسألت الناس الي عندهم
خبره قالو فعلا يطلب منك كل هذي حتى يتحقق
من هويتك ويتم الحجز وسلامتكم