رد: وش الأشياء اللي ياخذها المسافر للمغرب .. من الرياض؟
هلا عزيزي مسافر,,,
والمعذرة على التأخير بالرد,,,
اذا انت راعي رز خذ معك خيشة ام 5 كيلو والبهارات حقتها من هنا,,,
واذا انت راعي قهوه وتمر كل يوم,,,برضو خذ معك,,,
أما سالفة الاجبان والمعلبات,,,تراها ماتسوى ومالها داعي أبدا ولا هي تفرق ذاك الزود,,
وايضا لاتنسى تاخذ معك أفياش,,,لان رأس مدخل الكهرباء عندهم دائري الشكل,,,
وللاسف لايوجد لديهم افياش بالمغرب للابتوب ابو ثلاث اسلاك,,,علشان كذا خذ معك فيش من هنا مدخله ثلاثي لسلك اللابتوب ومخرجة ثنائي دائري,,,
بخصوص رقم تسعه,,,ترى رابح زعيقي وعندهم ازمة من هالرقم وجايب لهم صداع وخوف!! فلا تذكرهم باللي كان يقض مضجعهم باهداف خرافية وهم صغار,,,
اما اخوياك اللي قالو لك ان الرز خمسة كيلو ب 600 ريال بالمغرب!!
هذا مع احترامي مو صاحين!! او انهم ذيك الليله مكثرين: (722): ولا يدرون
وين ربهم حاطهم فيه!!
اتذكر ان مرة اخذت رز بسمتي 2 كيلو من سوبر ماركت لابيفي بقيمة 75 درهم,,,
اما خمسة كيلو ب 600 ريال !! اسمحلي!!
ومع ذلك اقولك خذ الرز من هنا لانه افضل بالطعم,,,
أي إستفسار أنا حاظر,,,
تحياتي وأشواقي,,,