|
رد: ابسافر بمبلغ كبير احوله يورو ولا دولار من السعوديه؟
اقتباس:
معلومه يمكن تكون غايبه عنك .. أكبر مبلغ تقدر تطلع فيه عادي من السعوديه هو 60 الف ريال .. الي يزود عن هالمبلغ لازم تاخذ ورقه عليها تحصلها بالجمارك .. ونصيحتي إذا المبلغ اكبر من كذا خذ الورقه عليه عشان ماتدخل بسين وجيم .. ــــــــــــــــــــــ وبالنسبه للمغرب ماتقدر تخرج من المغرب بمبلغ مايعادل 100الف درهم عمله صعبه و أعلى مبلغ من العمله المغربيه ممكن تطلع به معاك هو (1000درهم مغربى).. واذا تبى نصيحه خذ فلوسك كاش سعودى ولكن لاتزيد عن الحد الأعلى الى هو 60 الف ريال وفى المغرب حول الجزء الى تشوف انك تبى تصرفه مباشره من ريال الى درهم وافتح حساب فى بنك الوفا (وفاء بنك)واصرف على كيفك لأنه صعبه شايل فلوسك معك فى كل مكان .. اوحول من السعوديه قبل ماتسافر بيوم عن طريق الوسترن .. او سبيد كاش الى يعجبك ... بأسمك تستلمها فى المغرب قيمة الحواله على المبلغ كامل (75ريال )وبالنسبه للأخ الى يسفسر عن طريقة الأسترون تفضل هذه الصور تغنى عن السؤال https://www.mza3et.com/up/uploads/im...a458a8f9fd.jpg https://www.mza3et.com/up/uploads/im...2f9bd21dee.jpg |
رد: ابسافر بمبلغ كبير احوله يورو ولا دولار من السعوديه؟
حياك الله يا غالي
بخصوص استفسارك الاخوة عطوك عدة اقتراحات وانت اختار ما تراه مناسبا لك انا انصحك بححاجتين 1- تحول فلوسك من السعودية للمغرب بالويسترن حتى ما تدخل بعراقيل الاجراءات وتكون محط الانظار ويمكن تكون مستهدف من ضعاف النفوس 2- بعد الوصول للمغرب على خير تودعهم ببطاقة فلوسي من بنك وفاء وقمية فتح الحساب 100 درهم وتكون حليت مشكلتك من التعقيدات والمشاكل وتحياتي لك |
رد: ابسافر بمبلغ كبير احوله يورو ولا دولار من السعوديه؟
وزع فلوسك على حسبين يصير معك صرافتين والعمليه الوحدة يخصم عليك 25 او35 واذا سحبت اسحب مبلغ يكفيك يومين وكذا تصير فلوسك في الامان وما يضرك لوخصمو على كل عمليه 25 او35 اهم شي تكون فلوسك في امان وهذي طريقتي انا والشباب دايمن:Abu Ahmed (772):
|
رد: ابسافر بمبلغ كبير احوله يورو ولا دولار من السعوديه؟
في نقاط ودي اعلق عليها
1- البنوك ما ياخذون على السحب خارج السعودية الا عمولة على حسب البنك وبعض البنوك ما ياخذون شي ويعتبرونها خدمة للعميل خارج السعودية بنك سامبا ياخذ 35 ريال على كل عملية سحب نقدي من وفا بنك والعميل الذهبي ما يخذون عليه بنك الجزيرة ما ياخذ عمولة ابدا على اي عميل .. 2- بطاقة فلوسي حلوة لكن مشكلتها سقف الايداع20 الف درهم فقط فما تصلح لميزانية رحلة عاليه لأنك منت بفاضي كل شوي تروح تودع مبلغ وقدره ولازم تلحق البنك قبل ما يسكر بعد 3- تحويل المبلغ عن طريق ويسترن يونيون حلوة الفكرة ، لكن وجود معك مبلغ السفرة والذي عادة يكون كبير ممكن يعرضها للسرقة خاصة اذا كنت ساكن بفلل والا شقق ما يتوفر فيها سيفتي بوكس ويخليك عرضة لموقف محرج جدا لا سمح الله . 4- انا رايي انك تاخذ معك فلوس السكن + مصروف أول يومين + ايجار السيارة ان وجد وكلها تكون بالدولار لسهولة حملها وتحولها أول ما توصل بالمطار بعدين اسحب من الصراف ( وفا بنك ) كل ما احتجت كحد أعلى يومي 8000 درهم تطلع بالكثير عليك ( 3800 ريال ) مع العمولة احسن من انك تشيل الكاش كله و يضيع او ينسرق 5- اذا كان عندك حسابين افضل طبعا عشان لو لا سمح الله ضاعت البطاقة تكون الثانية احتياط بمكان أمن وتقدر من النت تحول المبالغ اللي بالاولى للثانية 6- لا تنسى ارقام البنوك بالسعودية تحتفظ فيها بالجوال وبورقة خارجية خاصة اذا كان عندك فيزا عشان لو ضاعت تقدر تتصل وتلغيها فورا بدلا من تضييع الوقت بالبحث عنها 7- اكبر مبلغ تقدر تدخل فيه الى المغرب هو ما يعادل 100 الف درهم من عملة ثانية او الف درهم مغربي |
رد: ابسافر بمبلغ كبير احوله يورو ولا دولار من السعوديه؟
شف فيه حل انك تفتح حساب عادي في اي بنك في المغرب
وتخلي احد من اخوانك او شخص تثق فيه يحولك المبلغ على الحساب و انتهى الموضوع يعني خذ معك حق اسبوع بس و الباقي يحولها لك و ريح مخك |
رد: ابسافر بمبلغ كبير احوله يورو ولا دولار من السعوديه؟
لا هنتو يا شباب على هالردود الطيبه التي وان دلت, دلت على طيب واصالة معدن كل منكم :thumbs_up: :thumbs_up: :thumbs_up: لكم مني جزيل الشكر على ماقدمتموه لي من الوقت و الاراء الطيبه :Abu Ahmed (772): |
| الساعة الآن 06:02 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط