القائمه السوداء الاشخاص و الفنادق و المرافق السكنيه و المكاتب السياحيه التي يحظر التعامل معها في المغرب

الحذر من وحده اسمها عتيقه تأجر سيارات في مراكش

العبداني · 2011-08-20T10:51:02+00:00

[SIZE="6"][SIZE="5"]اولا اشكر الإداره على أتاحتها الفرصه على وضع اسماء الناس السيئين لكي لايقع الناس الأبرياء في فخهم وشباكهم وخصوصا اللي اول مره يروحون المغرب وراح ادخل فالموضوع............... وحده اسمها عتيقه كانت قبل أوكي وبعد ماشبعت طغت على الناس وصلت فيها لدرجة انها تهددهم بالبوليس الدرك وهذا الموقف صار معي اتفقت أنا وياها من الكويت على برادو 2010 الشكل الجديد او لاندكروزر 2010 بسعر 1000 درهم باليوم ونبي ناخذ السياره لمدة 3 ايام وبعدين نفكر نمدد او لأ قالت واخا وكان من ظمن الإتفاق إنه ياخذنا من المطار ويودينا مراكش قالت اوكي وقالت كلها موجوده والشكل الجديد وأسلوبها طيب وزي العسل وبعد ماوصلت مطار كازا اتصلت عليها وقالت ربع ساعه ويكون السايق عندكم ونجلس ساعتين ونص محد جانا واتصل عليها قالت السايق عمل حادث فالطريق على البرادو الجديد ودزيت لكم سايق ثاني على برادو جديد زي اللي صارله الحادثه قلت لها واخا ترا حنا تعبانين وسهرانين وانتي طولتي علينا قالت نص ساعه ويجيكم السايق وننطر ساعه يالله جانا ويوم طلعنا من المطار وناقل البرادو قديم ولا هو ضمن الإتفاق وانا اتصل عليها قلت هذا ماهو البرادو الجديد وين اتفاقنا قالت كان فيه بس سوا حادث قلت لها طيب اللاندكروزر اللي قلتي عنه وينه قالت موجود بس أنتو تعالو ويصير خير قلت أوكي وصلنا وتلفا اللاند قديم وقلت أنا غبي اللي تعاملت معها وانا أدق عليها قلت خلاص ما نبغي سياره ولا شي والسايق بنعطيه اجار يوم وخلاص مع العلم انه ماجلس معنا الا 3 ساعات وهي تقول مهب كيفكم ولازم تجون الحين توقعون العقد وتدفعون 50 فالميه لمدة خمس ايام وتغير أسلوبها وقامت ترفع صوتها وهددتنا بالشرطه وقالت اذا ما دفعتوا راح اشتكي عليكم وقلت لها حنا ماوقعنا على عقد ولا على شي وهذا ماكان اتفاقنا وانا صافي ما أبغاها وطيبا مني راح أعطيكم حساب يوم كامل وهي ترد علي وتقول أنتو يالخليجين شباب نصابين ومش محترمين وتسكر التلفون بوجهي وانا انصدم صدمه وافكر وأقول هذي قلت ادبها علينا وطولت صوتها وحنا على حق وهي على غلط اجل لو حنا موقعين عقد وش كان بتسوي فينا الظاهر انها طايحه في شباب يسكتون لها ويخافون منها وقلت في خاطري مهب أنا اللي أخاف من وحده او تطول صوتها علي ياعيب الشوم على الرجاجيل اللي يسكتون وانا اتصل عليها وأقولها اسمعي ياعتيقه أنا دابا رايح للدرك ونشوف من اللي ياخذ حقه تعالي دابا وهي تخربط بالكلام وخافت وسكرت التلفون وانا اروح للمخفر وانتظرها اكثر من نص ساعه ما جأت المهم قلت حق السايق يا خي هذي عتيقه عارفه انها غلطانه ومآلها اي حق علينا وانا اللي معاي الحق وحنا ماشي حواله باش تضحك علينا صافي قالي والله ياخي انك كبرت بعيني وقليل من الشباب اللي يعمل زيك لأنك ماخفت منها وهي والله دايم تعمل مشاكل مع الخليجيين وللأسف اكثرهم يخاف منها ويعطيها فلوس ويقول ياعمي ما نبغا مشاكل إحنا جايين نستانس مو جايين عشان نسوي مشاكل وهذا اللي خلاها تتمادا معكم فالكلام وتطول صوتها عليكم على بالها أنكم زي الشباب اللي قبلكم خافوا منها وعطوها فلوس ولكن هي انصدمت من كلامك. وردة فعلك فقالت هذا ماهو من صيداتي ما اقدر انصب عليه**المهم السايق قال والله ماتنزلون عيب علي انزلكم وامشي وأنار دامنة راحو تعطوني حساب يوم كامل راح اجلس معكم الى بكره واذا كلمتني راح اقولها الشباب انطروك في مبنى الدرك وانتي ماجيتي وبعدين نزلو منيروخذو طاكسي وراحو المهم خليناه معنا طول السفوح واعترف لنا انها إنسانه طماعه وأنها كذبت علينا لما قالت السياره عملت حادث فالطريق وأنها ما بلغته الا بعد ما وصلنا بساعه ونص. وقالت مشي عليهم الكذبه ولكن أنتو كشفتو كذبها ونصبها وراح تحسب حساب للناس بعد ماعملتو معاها الحركه المهم تم معنا السايق طول السفوح وكان الاتفاق بينا وبينه فقط من غير اي احد ثاني وكان نعم الرجل محترم وطيب وينصحنا دايم ويقول هذا غلط وهذا صح واذا بغينا نشتري شي او نطلب من المطعم او اي مكان كان هو اللي يتفاهم معهم لأنه يقول اذا عرفو أنكم خليجيين راح يرفعون السعر وفعلا قضينا احلا اسبوع في مراكش / / المهم أنا أنا حبيت انبهكم من عتيقه لا تتعاملون معها وارجو أخذ الموضوع بعين الإعتبار حتى لايقع شبابنا في شباكها وهذا والله على ما اقول شهيد ( أخوكم / العبداني )**[/SIZE][/SIZE]

مزعوط من المزاعيط

مزعوط مميز

المشاركات: 329

تاريخ التسجيل: Aug 2011

الدولة: بين السماء والنجوم

2011-08-20, 03:46 PM

المشاركه #8

رد: الحذر من وحده اسمها عتيقه تأجر سيارات في مراكش

بيض الله وجهك يا غالي
اي بالله يا شباب اللي يشوف مثل العينات هذي يبلغنا عنها
علشان ما ننخدع فيها ..
وبصراحه يا شباب حنا اللي فتحنا لمثل هالعينات الباب علينا
يعني لو كل شخص سوى مثل ما سوا العبداني واخوياه صدقني يتلاشون

__________________

تنبيه:
مــال الرفيق إلا رٍفــيــقه ليــا أعـتاز..
تحذير:
أمـا نفع ولا بــلاش الصـــــ...ـــداقـه؟؟

المواضيع المتشابهه للموضوع: الحذر من وحده اسمها عتيقه تأجر سيارات في مراكش
الموضوع	آخر مشاركة
الحذر كل الحذر من سائق مراكش يدعى زهير	2024-10-09 01:30 AM
الحذر من مكاتب تأجير سيارات مطار كازا	2021-10-09 05:38 PM
فلل مراكش خطر محدق.... ديرو بالكم الحذر ثم الحذر	2013-07-15 06:54 PM
الحذر من شغاله اسمها فاطيما بالرباط اكدال زنقة درعا	2013-03-05 09:33 AM