هل موظفي السفارة السعوديه بالمغرب نيام

هلا عزيزي يوسف,,,

موضوعك مهم وجدا حساس,,,

وانا سبق وكان لي موقف مع السفارة السعودية بالرباط انا وطيب الذكر شعبولا كيماوي,,

من واقع تجربة ولمدة اسبوع رايح جاي على السفارة,,,للاسف ماحولك احد ماعدا

السفير الدكتور / محمد البشر : (486):

الله يجزاه خير وقف معنا وقفت رجال وماقصر,,,ولو احد غيره كان تشوفنا متبهذلين

الى يومك!

السفارة للاسف اغلب اللي فيها ناس داجين ويبون الفلة والوناسة,,,لدرجة ان واحد منهم

نشب لنا وصار يجينا الفلة ويسهر معنا ويشرب وياكل!!

وبالاخير والله مانفعنا ولا بريال!!!

وانا اقولك مو نيام,,,الا ساحبين الشفاط وانواع المشاخر!!!

ووسع صدرك,,,واذا انت مرة مهتم بهالموضوع,,,,

اول ماتوصل للمغرب,,,وسكنت مثلا بفندق او منتجع سواء بكازا او مراكش او اغادير او

اي مدينة تكون فيها,,,أرسل لهم بالفاكس صورة من جوازك,,,وصورة من الصفحة اللي

فيها ختم الدخول,,,وتكتب ورقة فيها انك تبي تسجيل دخول البلد بالسفارة,,,

وتاخذ ورقة الارسال وتحفظها عندك وخلاص,,,

طبعا اغلب الفنادق والمنتجعات عندهم فاكسات وراح يرسلون لك الاوراق,,,

وان شاء الله انك ماتحتاج السفارة بشيء ولاتنحد لهم,,,

سفرة موفقة,,,

تحياتي وأشواقي,,,

__________________
تابعونا: (456):...


تقرير سفرتنا الى المغرب 2011 (( اللمّبي & العربي باطمة & مصطي & بوقوس ))...3000 صورة !!!

تم انزال الحلقة الثالثة : الصفحة 22

الله لا يحدنا عليهم ورح استانس ومايجيك الى الزين ان شاالله وشرهتك على الي عمرة مرهم

يارجال وسع صدرك انا مرتين راجعت سفارتنا في جاكرتا والرباط عشان تسجيل الجواز ونفس المشكله يقولك الموظف انتظر ندور نموذج تسجيل الجواز , عب النموذج هذا من غير النفسيه الخايسه عند الأمن انتظر قبل ما تدخل نسجل جوازك واسمك في نموذج المراجعين
انا ابغى افهم وش الميزه الي بستفيد منها اذا سجلت جوازي يعني لو ضاع وانا ما سجلته في السفاره نفس الاجراء لو سجلته اهم شي احفظ رقم جوازك عشان لما يخاطبوا المطار يعرفوا ان جوازك تم دخوله في الجهاز(قدوم)

سفاره مين والناس نايمين: (748):

كما قال اخي الدوكالي

عمري ما مريتهم ولا فكرت امرهم الله لا يحيجنا لهم

لاتهتم لو عرفت المغرب ماتعبت نفسك وأرسلت الايميل
المغرب فيه أمن وأمان لمن يحترم نفسه والاخرين
وأما السفارات فهذا ديدنهم والله المستعان

من الآخر يأخوان وبكل صراحة وللأسف لم يوضعو لخدمتي وخدمتك ؟؟؟؟؟؟؟؟ بل لخدمة أشخاص ما ؟؟
فو الله أنني أحمل جواز دبلوماسي وكنت يوم ما في مهمة رسميه وكان احد الموظفيين الكبار بالسفارة ممن كان ضمن الوفد المستقبل لنا بالمطار يقول لي كحديث ودي ان لم يكن الشخص من ....... ؟؟ لن نتعب أنفسنا ؟؟؟ ملفات السفارة مليئه بشكوى مواطنيين تعرضو للضرب من قبل الشرطة وشركات تأجير السيارات (مظلومين 100% ) ؟؟ ماذا يعمل الموظف بكل بساطه ينظر للعائلة؟ هل هم من الأسره ؟ويحول الملف للمحامي اللذي لديه عشرات بل مئات القضايا لحين يأتي دورها ؟؟ أقول ان لم تقتنعو ممكن بعد سنه الى سنتين ينظر للشكوى ؟؟ والله ان الدوله اصبحت تعامل المواطن السعودي بالمغرب كشخص ماله حمايه ومهان ؟؟؟؟ وإن لم تقتنعو بكلامي انظرو حواليكم وأسردو قصصكم ؟؟؟

تشكر اخوي على اثارة هالموضوع الهام
وخل المواطن يدري ان ماعنده سفارة تابع اموره وتهتم بمشاكلة علشان ياخذ الحيطة والحذر (ويباري الساس) اذا سافر
ومااقول الا
(الله من الضيم عندكم ياسفارات السعودية)

ههههه طيب اخوي انت بكل صراحه سبق وان راسلت اي سفاره من سفاراتنا او بس حبيت تسويها مع سفارتنا بالمغرب..؟

ارجوا الرد بكل شفافيه..وغير كذا المعروف انه مسألة تسجيل الجواز ترجع لك انت اذا حبيت تسجله تسجله وفيه كذا طريقه عن طريق الفاكس

وفيه بعد خدمة الرسائل عن طريق الجوال اول متفتح جوالك السعودي في اي بلد يجيك رقم السفارات هناك في اي بلد والسؤال منه اللي بيتصل فيهم

او بيقول عطوني رقم فاكس حقكم برسل صوره من جوازي..؟ كلنا نشوف الرساله ونهملها..واعتقد انه اهم شخص يسجل جوازه هو المبتعث او اللي عنده

علاج او حضور مؤتمر او شغل وبالنسبه للسائح شي يرجع له وفي كل الاحوال اللي سويته انت شي حلو ومثالي ومافيه شي ولا اعتراض عليه وبصراحه

لو انت لك اهتمام وفيه شي بخاطرك وانا هنا اتكلم بكل صراحه راح اوصل الموضوع للسفير شخصيا وتراه من النوع اللطيف جدا ويتقبل مثل هالشي..

تقبل مروري وتحياتي