رد: الشئ الغير موجود بالمغرب
بصراحة ما شاء الله عليكم .. كفيتوا و وفيتوا
وبصراحة أغلب الأشياء موجودة بالمغرب , إلا ماندر . ولكن المفروض نشيلها معانا أحسن توفيرا للوقت والجهد .. وموظفي السعودية ما يقصرون بالعفش خاصة لما يعرفوا إنك رايح للمغرب ..
الأن ممكن نختصر كل الكلام اللي تفضلتوا فيه ونعددها في نقاط :
المفروض لما نكون مسافرين نمر احد الأسواق الكبيرة زي بنده أو الراية أو التميمي وأول شيء نشتري من عندهم شنطة حجم متوسط حسب أغراضنا اللي نبغى نشتريها ..
وبعد كذا نبدأ نشتري أغراضنا المكتوبة مسبقا أيام التخطيط .. واللي نتذكر إنو إحنا إحتجناها السفرة السابقة وما جبناها معانا .. والأن نبدأ بسرد أغلبها وأهمها وكل واحد له وجهة نظر طبعا ...
أدوات النظافة الشخصية ( صابون . شامبو . مزيل عرق . ديتول أخضر وآخر بني . معجون أسنان وفرشاة )
أدوات الحلاقة الشخصية ( معجون أو رغوة حلاقة . أمواس . وفرشاة حلاقة )
توصيلة كهرباء زي اللي ذكر أخونا فوق .. مهمة جدا لأصحبا اللابتوبات وسماعات DJ ) بالإضافة إلى رؤوس فقط اللي تركب في فيش مكائن الحلاقة .. اللي عندنا رأس الفيش الحديد ما يركب باللي في المغرب لأنه هناك مدور واللي عندنا أغلبها رأسها يأتي حديد مستطيل الشكل .
أدوات الكبسة ( رز حسب الاستخدام .. وترى فيه أبو كاس كيس أبو كيلو فقط ترى أحسن من أبو خمسة كيلو .. بهارات كاملة ,أنتو أبخص .. ولا أحد ينسى الليمون الأسود )
مع أنو موجود وبكثرة في المغرب بس بالنسبة لي أشتريه من هنا وهو المفرش حق السرير .. ضروري أول ما أدخل الفلة أطلعه وأعطيه الشغالة تزبطه في غرفتي , ولو كان الجو بارد مرة أشتري بطانية من المرجان يمكن بــ 150 ريال سعودي تقريبا )
مجموعة من الشموع ذات الرائحة النفاثة .. تعطي جو حلو أثناء السهرة .. وتضيع ريحة الدخان والشيشة ..
العودة والبخور .. وفحم الإشعال السريع . خذ لك لفة على الشركة العربية وخذ اللي يناسبك وتحتاجه .. ولا تنسى تمر على أبو ريالين وتاخذ مبخرة صغنونة فهي تفي بالغرض .
الشيشة .. ما فيه أحلى من الشيش اللي عندنا .. خذ كل أغراضك من المحل حق المعسل وخذ معسلك ومعسل حبايبك .. وخذ 3 أو 4 رؤوس .. وقصدير .. وأعواد الخلال .. مو كل شوي ونت سووا راس وكلام ووجع راس .. تسويها لك الشغالة أو أنت زبطها ولفها وحطها على الطاولة وأحلى سهرة وأحلى نفس .. (( ضبط الرؤوس في المحل وتأكد بأنها مناسبة كلها )) وحبذا يكون عندك لفة ورق تغليف تجهز الراس وتغلفة يبقى طازج وحلو
أغراض القهوة العربية مع أنني لا أحبذها هناك .. لأنو ما دبل كبودنا هنا إلا هي ..
الأدوية نعم موجودة في المغرب .. ولكن بالنسبة لي لا أسافر إلا ومعي كمية منها إن أحتجتها فهي موجودة وإن لم أحتاجها فبتلقى مين يحتاجها طبعا أنتو عارفين .. وأهمها طبعا : البنادول إكسترا الأحمر للصداع .. بالدرجة الأولى .. البنادول الأخضر للرشح والزكام .. حبوب المغص والاسهال .. حبوب الفحم النباتي .. حبوب الحموضة .. شراب للكحة .. مضاد حيوي 500 جرام أموكسيل ..
قلب أبو ريالين وركبه في صدرك من المطار في السعودية .. وخل قلبك في البيت حقكم .. لأنك بتتعذب واجد وبتمووت من القهر ونت جاي من أرض المطر والحضرة والوجه الحسن إلى الغبار والدوام والوجه العبوس .. ولما توصل فكه وارتح من الهموم وركب قلبك الأول بكذا نظمن راحتنا من التفكير في هذا البلد الساحر
آسف على الإطالة يا مزاعيط .. وأتمنى أن أكون قدمت شيء مفيد لحضراتكم ..
وكل عام والجميع بألف صحة وسلامة يا رب