نكمل احبتي
صعدنا الى الطائرة وكلا اخذ مقعده,, وجلست بجانب شخص لاول مرة يروح المغرب ورايح على الرباط ,,وسوالفنا شوي بعدين سألني انت شبابي قلت لا والله نصراوي حتى النخاع,, وضحك قال لا اقصد انت رايح تستانس والارسمي,, قلت لا والله قلبي خضر واحب الزين والمزيون,, قالي وش الاماكن الزينة ديال السهر,, قلت والله خطير اول مرة تروح المغرب وتعرف ديال ودياله قال افا عليك من تعلم لغة قوم امن مكرهم,,
قلت له
بزاف انا احبك وبزاف انا اغليك ..............ياليت تبقى طول العمر ديالي
الشاهد اني علمته ان الرباط اماكن السهر قليله جدآ,, وعندك الياسمين كلوب مرقص حليو ,, وبعد مضي ساعة ونص من اقلاعنا قمت الله يكرمكم لدورة المياه,, وانا راجع صارلي موقف رهيب عند ممر الباب حك الطايرة,,
اناظر واناظر زين اثر هذا زميلي في العمل معي في الطايرة ويشوفني قال افا افا وش جابك بهالطايرة وان رايح كازا,, انا تعثرت في الكلام مادري وش اقول وهو تفاجأ بي,, المهم قعدنا انسولف قال لي انا طالع لفرنسا عن طريق كازا خخخخخخ وقلت له انا طالع لشبونة عن طريق مراكش ,,جلسنا نحكي قليلا وجانا المضيف وقال لوسمحتو اجلسوا ضايقتوا المارة,, وخوي هذا كان نكته لابس طاقية وبلوزة وبنطلون كنه الاخوه حكين مصر,, ودعته وقالي استر على ماوجهت ورديت اني ماواجهت الا الخير وكل علم غانم,, ورحت جلست في مقعدي ونمت لي 12 دقيقة مهب العادة اني انام بالطايرة,, وصلنا الحمدلله كازا الساعة 4 ونص نزلنا وكالعادة الجوازات زحمة ومسكنا سرا,, وطلعنا من الجوازات والامور ممتازة,, ثم رحنا الجمارك نبي نطلع من الصالة واول مرة تصادفني في مطار كازا كان الجمارك زحمة مرة كنا ماسكين طابورين,, طلعت ويوم ناظرت جوالي وجدت ان البطارية فاضية ومسكر,, وانا مواعد واحد من الشباب برا,, ولا عرف شكله اول مرة اشوفةوش اسوي ياربي .
تكملة وش عملت في الحلقة القادمة مع تحيات المخرج جون ماكين
يتبع