واخيـرا سافرنا المغـرب

بلوتوث

مزعوط مبتدء

المشاركات: 36

تاريخ التسجيل: May 2011

2011-06-04, 02:53 AM

المشاركه #1

واخيـرا سافرنا المغـرب

الســـــلام عليكم ورحمه الله وبركاتــه

اول احيي هذا المنتدى الرائــع الي يعتبر موسوعه رائعه ومعلومات قيمه للمغــرب والي انا شخصيا استـفدت منه كثيــر لدرجه انه تحمست للمغــرب وسـافرت

مانطول عليــكم وصلت المغــرب برحــله موفقـه وكانت مريحـه جدااا نزلت المطــار تقريبا الســاعه العاشره صبـاحا بتوقيت المغـرب المهم اول ماوصلت وانا اقول الحين هذا هو مطار محمد الخامس النشبه يالله ياولد شـد على نفسك بيقولون لك اكراميـه قلهم مافيه وشو يلعبــون عليـنا:Abu Ahmed (181): وشوي افكر واقول ياولد الشنطه يالله بالحيل صكيتها لو قالو نفتش بجلس اليوم كله وماراح اعرف ارتبها واصكها :Abu Ahmed (438):

طيب وش الحل بالبلشه ومعي جوال ثاني وعطور وماعندي غير عمله صعبــه يورو فئه ميتين وميـه اما عاد ابخششهم بميه يورو ليه المهم مره اقول بطنشهم ومره اقول سلك امورك ياولد لايلعبون بعفشك هالنشبه المهم قبل ذا كله قريت الورقه حق الطياره وكانت تقول يحق لك تطلع من المغرب بعمله مايعادل ميه الف درهم مغربي كعمله صعبه وعمله مغربيه الف درهم بس اكثر من كذا عمله صعبه لازم تحدد من وين ومصدرها قلنا ماعليه شي انا يمكن ماطول على حسب الوضع
المهم وصلت الجوازات وانا ماعرفت اوزن بين التكشيـره والابتسامه
المهم وصلت عند الجوازات خذ الجواز ناظر لي قلت انا اهلا الرجال يبي اكراميه لاتعطيه شي خله يذلف الرجال هي نظره وبعدها ختم الجواز وقال مرحبا بيك تفضل ولاعاد ناظر قلت ايه حلو عرف انك شديد :smi:
مشينا شوي فيه بعد درك تصف سرا يتاكدو من التذكره وتنزل تحت للشناط نزلنا انتظرت شنطتي شوي ووصلت عاد انا صاكها بقفل وش كبره ههههههه ووصلت الشنطه والقفل سليــم الحين عاد جا دور الجمارك والقلق الي اسمعه هنا بالمنتدى انهم يفتشون ويستفزونك ومن هالكـلام المهم ناديت حق العربيه يدف الشنطه وامشي معه وامر الي اثنين جمارك واقفين السلام عليكم ويردو وعليكم السلام ونمشي:Abu Ahmed (113):

عاد انا رجعت لهم وشو له نمشي كذا اكيد ذولي ناويين علي بالرجعه بالعمله الصعبه خل اسجلها من هنا يلعبون على مين قلت له خويا معي عمله صعبه ندير نسجلها علشان لما اسافر ماتعملو لي مشاكل ضحك قال كم معاك قلت له حوالي 2000 يورو وهي اقل

قال روح عند الظابط المفتش روحت عنده قالي كم قلت له المبلغ 1500 قالي لا عادي بدون ورقه قلت له ترا وقت السفر تسوون مشاكل قال مافي احد يسوي ليك شي بدون ورقه عادي هذا حقك ومشيت وقلت للي يدف العربه خلاص ولا باقي احد قدام قال لا وين تريد قلت القطار قال يالله ونزلنا تحت قلت والله ياولد انك حظك حلو من وصلت والعالم تبتسم وفعلا استغربت كلام الاعضاء والتهويل عن مطار كازا وصلنا عند الحجز قلت له درجه اولى الى الرباط المدينه وطلعت 115درهم والله بلاش قلت يازين هالديره

ياشباب انا تعبت كتابه والحين بطلع افتر على ديسكوات حي الرياض مدري السوسي واحد منهم شفتهم البارحه عموما ابي واحد يقولي كيف انزل الصور علشان اكمل لكم صور الفنادق الي سكنت فيها وصور التذكره وكل يوم بصور لكم وبنزل لاني الحين في المغرب واعذروني على السرد الي مو مرتب اول مره اكتب

المواضيع المتشابهه للموضوع: واخيـرا سافرنا المغـرب
الموضوع	آخر مشاركة
سافرنا للمغرب قروب ، ورجعت وحيدا	2021-12-24 07:12 PM
أجــــمــــــل ما قــيــــل عـن المغـرب	2017-11-29 02:50 PM
حـصـرياً في المغـرب؛	2012-04-24 09:07 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

واخيـرا سافرنا المغـرب

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)