احزروا من التعامل مع مدام نادية بالرفر بالم بجنة النخيل

طلال الخبر · 2011-09-17T19:30:19+00:00

السلام عليكم ... اعزائي اعضاء المنتدى احب اني انقلكم تجربتي والاحداث التي حصلت معي بجنة النخيل واترك الحكم لكم ... هذي رابع مرة ازور فيها مراكش بهالسنة وسكنت بجنة النخيل مرتين من قبل وهذي الثالثة وطبعا بالمرتين اللي قبل لم تواجهني اي مشكلة الا المشاكل البسيطة التي لا تستحق الذكر وكانت جدا عادية وتنحل بسرعه .. المهم المرة هذي سكنت عن طريق وحدة اسمها نادية اخذت رقمها من واحد من الشباب وكلمتها واتفقت معها على 8 ليالي وبسعر 3000 درهم بالليلة وكنت شارط عليها اني اسكن بفيلا 67 بالايدم بالم لاني مجرب المنتجع من قبل ومجرب نفس الفيلا وكنت مرتاح فيها .. وصلت كازا ولقيت السيارة بأستقبالي مع السواق طبعا السيارة عن طريق الاخت نادية . ركبنا السيارة ووصلنا لمراكش ودخلنا الفيلا والاوضاع ممتازة وتفاجئت انه الشغالة مو نفسها الشغاله اللي كنا متعودين عليها ,, المهم مو هذي المشكلة بس ذكرت هالشي من باب التفصيل لا اكثر . كلمتني الاخت نادية وقالتلي بيجيك واحد اسمه مروان وعطه الفلوس واتفق معه على كل شي وهو بيكون بخدمتكم اذا احتجتوا اي شي . جانا الاخ مروان ومعه واحد اسمه ياسين ويصيرون اخوان نادية المهم عاينت الفيلا وعطيتهم الفلوس وسألته عن موضوع الزوار والضيوف وقالي انه اي ضيف يجيك لازم يمر من عند البوابه (الريسبشن ) وناخذ بياناته بس لازم تكلمني قبلها فأسغربت من الموضوع بس قلت يلا مو مشكله بيفكونا من حنة البوابة والبخاشيش . فصار كل مايجينا ضيف نكلم مروان وطبعا مرات يرد ومرات مايرد واذا رد يلطع امنا بالقليل ربع ساعه وفوق هذا كله مايفكك الا وهو ماخذ بالقليل 100 درهم يعني ما استفدنا شي مع اني كنت متفق مع نادية من قبل وقالتلي لا تعطي بخشيش للبوابه وانها هي واخوانها راح يفكونا من سالفة البخاشيش وفجأة تغير الاتفاق مع العلم ياشباب ان حنا ماعندنا مشكلة بالبخاشيش لكن القصد من الاتفاق انه 3000 درهم شاملة كل شي وغير كذا ماكان لنا خلق قروشة البوابه وتعرفون الواحد يرجع من السهر وماله خلق يتفاهم مع احد . المهم كان الاخ مروان جدا استغلالي ونفسه في خشمه وكنا اذا كلمناه ولا قابلناه يالله يتكلم معنا كأننا نشحت منه وغير كذا انواع التحرش بالضيوف .وفي مرة اخوه ياسين طاح من الدباب وانجرحت رجله وكلمنا الاخ مروان وقالنا لازم تعوضونه وتعطونه فلوس لأنه طاح من الدباب وهو رايح للبوابه عشان يخلصلكم الامور ويدخل الضيوف !!!!!!!!! سلامااااااااااااااااااااااااااات !!! طبعا هذي المرة الوحيدة اللي وقفنا بوجهه وماعطينا شي وقلناله وش دخلنا حنا ؟؟ حنا كلمناك انت ماكلمنا اخوك وانت اللي ارسلت اخوك بالدباب فعلى اي اساس اعوضه ؟؟؟ المهم المعاملة من بعدها صارت من اسوأ الى اسوأ وكان الاخ مروان اذا جانا الفيلا ليته يدق الباب وينتظر ,, كان الاخ اذا انفتحله باب الفيلا يدخل وياخذ فره على المطبخ وعلى الصاله ويتصرف كأن الفيلا له وهو مسكنا فيها ببلاش طبعا شفت الموضوع زاد عن حده كلمت الشغاله وقلتلها اي واحد يدق الباب ماتفتحيله الا اذا انا اذنتلك وحتى اذا فتحتيله الباب مايدخل اي احد الا لمن انا اجي وادخله ولا ترى بكلم الاخت نادية . بالفعل بعدها ماعاد شفناه يدخل الفيلا . المهم الى هنا وكل هذا اشوفه مشاكل عادية وتافهه وممكن انها تنبلع لين ماجات الليله الاخيرة يعني اليوم السابع والباب يدق وفتحت الباب ولقيت الاخت نادية قدامي وسلمت عليها وكانت جدا راقية بالتعامل وقالتلي ياطلال ابي اطلب منك خدمة ومنحرجة منك قلتلها ابد آمري واذا قدرت ابشري قالتلي انا مفكره انكم جالسين سبع ايام بس فعشان كذا انا ارتبطت مع زباين ثانيين بيوصلون اليوم ودافعينلي عربون ويبغون نفس الفيلا اللي انتم فيها ونسيت انكم لسه موجودين وباقيلكم يوم فقلتها وش المطلوب ؟؟ قالتلي بنقلكم فيلا ثانية قريبه وبخلي الشغالات يرتبون عفشكم ويرتبون كل شي لكم لنت خلك مرتاح بالصاله وحنا نسوي كل شي والشغاله بتجي معكم للفيلا الثانية وبتجيب معها اغراض المطبخ كلها . وبصراحة كان اسلوبها جدا راقي بالكلام وقلت ياولد كلها يوم وبنمشي وانا منيب خسران شي ويمكن اذا خدمتها الحين بالمستقبل بحتاجها وبتخدمني فوافقت على طلبها . المهم هنا بدت المشكلة انتظرنا اكثر من ساعه ولا احد رتب اغراضنا وكل ما كلمنا الشغاله تقولنا شوي انا مشغولة فقلت للشباب اللي معي يلا ياشباب كل واحد يرتب اغراضه بدل ما حنا قاعدين فاضيين ويضيع علينا الوقت على الفاضي فقمنا ورتبنا كل شي وانتظرنا بالصاله لين ماجانا الاخ مروان وقالنا يلا مشينا فطلعنا ومعنا ضيوفنا وتفاجئنا بسيارة كبيرة تنتظرنا قلت لمروان سلامات بتوصلونا المطار من بدري ؟؟!! قالي لا بس الفيلا بعيده شوي ومانبي نتعبكم !! وانا اقول في نفسي غريبه وش هالطيبة اللي نزلت عليه فجأة !المهم ركبنا السيارة معه الا الاخ متوجه خارج المنتجع وطبعا حنا متفاجئين لأن على بالنا الفيلا بعيده بس مو بره المنتجع المهم طلعنا ووصلنا للريفر بالم ودخلنا حنا وضيوفنا للفيلا طبعا انا ساكت وماقلت شي لان معنا ضيوفنا فخفت نتهاوش معه ولا نتجادل اقلها يحقد علينا ويجيب فينا العيد مع الدرك فبلعت لساني وسكت وقلت ياولد باقي ليله وخلنا نعديها على خير فدخلنا الفيلا وكانت 3 غرف نوم فقط مع انه اللي كنا ساكنين فيها كانت 4 غرف نوم ولا فيها شغاله وحتى شغالتنا ماجت معنا... بعدها مشا مروان وجانا الامن حق المنتجع وقالنا ترى ممنوع التكاسي تدخل وممنوع الضيوف يدخلون وممنوع وممنوع طبعا كل هذا عشان يبغون بخاشيش وكان لهم ما ارادوا ...وسلامتكم هذي كل السالفة طبعا بعدها حرمت اتعامل معها وارسلتلها مسج اعاتبها فيه ودقت علي بعدها ومارديت .... فهذا اللي حصل معي بالظبط والله على ما اقول شهيد واترك الحكم لكم .. تحياتي للجميع

اقلاع

مزعوط مميز

المشاركات: 452

تاريخ التسجيل: Oct 2010

الدولة: كـــازا بلانكـــا

2011-10-31, 10:04 PM

المشاركه #1

رد: احزروا من التعامل مع مدام نادية بالرفر بالم بجنة النخيل

https://www.mza3et.com/morocco2347.html (تقرير عن منتجع جنة النخيل (دار العجزة) وقصة السمسار السعودي النصاب !!)

__________________

lonely99

مزعوط جديد

المشاركات: 4

تاريخ التسجيل: Feb 2011

2011-11-06, 11:08 AM

المشاركه #2

رد: احزروا من التعامل مع مدام نادية بالرفر بالم بجنة النخيل

اشكرك اخي طلال ع الموضوع وانا بصراحه خشيت بكتب عن نفس الموضوع بس شفت موضوعك وقلت خليني اكتب تعليقي
اولا كلام اخوي طلال 100% وازيد اني اتفقت مع ناديه المخنزه بوجود زوجها الفرنسي المزعوم علي مبلغ 3200 شامله الخدامه وعند اخر يوم من سفرنا تفاجأنا بدخول زعيم الحراميه مروان يقول حساب الشغاله قلنا شلون دافعين الحساب وخالصين ومتفقين مع ناديه المهم مالكم في الطويله ماحبينا ندخل في مشاكل وعندنا رحله حاسبناه حق الشغاله لكن للأمانه اكبر عصابة نصب هناك وعلي رأسهم ناديه الحية من تحت تبن كأنها لاتعرف شي وهي الي تدير العمليه بالخفا اخوتها مروان كبيرهم الذي علمهم السحر . عثمان السواق وبائع ال.....! ياسين مسؤل عن دخول الضيوف واول مايجيك ضيف تبدا الافلام والي ماعندها بطاقه انس تدخل لين مايمصون دمك انا لسي راجع قبل يومين ووالله اني مقهور وكرهت مراكش لاني اول مره اروح بعد توصيات الكثير انصدمت صدمه ماتوقعت انه هذي مراكش حتي ال**** من جفره لدحديره كأنك في موزمبيق ولا الحبشه قسم بالله ماقد شفت **** زي كذا ماقول الا يازين الي دبي بعد يالله الحياة دروس
ياليت الموضوع هذا يوضع في الصفحه الرئيسيه حتي لايقع احد ضيحه لهم ويقوم الجميع بنسخ الموضوع وتعميمه مع ارقام التلفونات على جميع المنتديات والمواقع

التعديل الأخير تم بواسطة lonely99 ; 2011-11-06 الساعة 11:11 AM

saad13

مزعوط نشيط

المشاركات: 118

تاريخ التسجيل: Oct 2011

الدولة: جده

2011-11-07, 09:13 AM

المشاركه #3

رد: احزروا من التعامل مع مدام نادية بالرفر بالم بجنة النخيل

مع الاسف الوحد منا يروح يبى ينبسط ويواجه كل هل مشاكل علشان نوعيه سيئه من البشر

خالد ال سعد

مزعوط مبتدء

المشاركات: 32

تاريخ التسجيل: Nov 2011

2011-11-20, 04:14 AM

المشاركه #4

رد: احزروا من التعامل مع مدام نادية بالرفر بالم بجنة النخيل

مشكور على التنبيه اخوي

القحطاني

مزعوط مبتدء

المشاركات: 43

تاريخ التسجيل: Sep 2010

2011-11-21, 12:50 AM

المشاركه #5

رد: احزروا من التعامل مع مدام نادية بالرفر بالم بجنة النخيل

اخوي طلال الخبر اسمحلي انت الغلطان اول شي المفروض إنك تعوض ياسين مأدري ياسمين الي طاح من الدباب وانجرح مالك حق ماتعوضه ,,,, سلامات يبيني اعوضه (شركة تأمين ) والله شخص مايحشم

ياشباب خلو تعاملكم مع السماسرة و سواقين التكاسين و الي يشتغلون في المطاعم والمقاهي والشغالات بشكل محترم وثقل يعني كلمه ورد غطاها بعض الشباب يجلس يسولف مع سواق التكسي وكنه يعرفه من 10 سنوات و يتكلم مع السمسار وهو خايف ويقول مانبي مشاكل ويبين لسمسار أنه خايف ,, وإذا شافك السمسار بهذي الطريقه يبدأ مسلسل الاستغلال

هاشم99

مزعوط نشيط

المشاركات: 50

تاريخ التسجيل: Jan 2012

2012-01-17, 03:53 PM

المشاركه #6

رد: احزروا من التعامل مع مدام نادية بالرفر بالم بجنة النخيل

اقتباس:

المشاركة الأصلية كتبت بواسطة القحطاني

والله كلامك مزبوط شبابنا يعطون الناس وجه زيادة ويسوون فيها معرفه قديمه اضافه لاظهارهم الخوف والتردد امام السماسرة

الصقر الذهبي

مزعوط نشيط

المشاركات: 52

تاريخ التسجيل: Nov 2011

2011-11-24, 02:31 PM

المشاركه #7

رد: احزروا من التعامل مع مدام نادية بالرفر بالم بجنة النخيل

ومشكور علي التنبيه

آفيرا

مزعوط مبتدء

المشاركات: 38

تاريخ التسجيل: Nov 2011

2011-11-28, 03:06 AM

المشاركه #8

رد: احزروا من التعامل مع مدام نادية بالرفر بالم بجنة النخيل

حسبي الله عليه

آفيرا

مزعوط مبتدء

المشاركات: 38

تاريخ التسجيل: Nov 2011

2011-11-28, 03:12 AM

المشاركه #9

رد: احزروا من التعامل مع مدام نادية بالرفر بالم بجنة النخيل

صحيح بشوف كثير بيحذروا منه

saif7200

مزعوط مبتدء

المشاركات: 30

تاريخ التسجيل: Nov 2011

2011-11-30, 08:34 PM

المشاركه #10

رد: احزروا من التعامل مع مدام نادية بالرفر بالم بجنة النخيل

مشكور على التنبية

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه للموضوع: احزروا من التعامل مع مدام نادية بالرفر بالم بجنة النخيل
الموضوع	آخر مشاركة
تجربتي مع التعامل مع جولف النخيل	2021-01-30 02:44 PM
تحذير من التعامل مع كريم شريك اعتماد (أم ريان) صاحبة الغازي للاستثمار يكري شقق في النخيل 2	2016-03-23 07:12 PM
هل تغير شي فالاوضاع بجنة النخيل افضل ام اسواء	2014-08-14 07:50 AM
انتبهوا من ( عصابة برادا ) بجنة النخيل الايدن بالم	2013-05-09 01:01 AM
مدام مسافرة	2011-10-11 04:10 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

احزروا من التعامل مع مدام نادية بالرفر بالم بجنة النخيل

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)