رد: وصلت اليوم من المغرب 30 -9-2011
اسمح لي بس المفروض يدفع التكاليف عبود التميمي .. هو راس الحيه وهو المخطط لكم خذ حقك منه .. << انواع النذاله
بس تصدق ياحليلك والله أعجبتني شجاعتك بالموضوع واعترافك انك هربت من الباب الخلفي وكأنك عنتر بن شداد هههههههههههههههه
بس بقولك رأيي ..
تصدق سافرت قبل شهر بالضبط للمغرب وتنقلت بين مدنها بشكل غير طبيعي وفي أحد المدن (( لما دخلنا المطار )) ضحك الموظف المختص بالتفتيش والتأكد من الجوازات .. وقال كلمة وحده (( بتصدق أول مرة أمسك جواز سعودي !!)) قلت معقوله قال والله أنت اول سعودي بشوفه هنا ههههههههه
طبعا معانا العزبه وبتعرف جهاز التفتيش أنواع الانذارات (( بحكم اني مانزلت الحزام ولا الجوالات او الدراهم المعدنية )) تصدق ما قال ولا كلمة والله ولا حتى فتشني او قال ايش معاك بل الغريب والأدهى والأمر (( ان كان قدامي أوربي والله انه منزل الحزام تبع البنطلون حقه )) وانا واثنين من اصحابي ما قال لنا ولا كلمة ...
بس تعرف سبحان الله كان بشنطة الابتوب تبعي ثلاث مصاحف ماخذهم معاي احتياط .. فحبيت أكون ارد المعروف وأغير نظرتهم عنا ففكرت كيف ؟؟؟
وأعطيته المصحف .. صدقني ما تتوقع كيف سوى وانه جاء معاي يودعني لحد بوابة الخروج !!
وقصة ثانية بأحد المطارات قبل الفجر لما تأخرت عن الرحلة .. تصدق الموظفة المسؤله عن استلام الشنط وقص ((بطاقة صعود الطائرة )) لما عرفت انا متأخرين قامت من كرسيها تركض مثل الفرس والله تبي تلحق على الطيارة ... والمسكينه رجعت وهي تقول (( ماعلييييييببش )) الحمامه طارت !!!!
قلت لها فدى رجولك والله يكفي ركضتك وذوقك .. نفسي اعطيك هدية بس ما معاي لكن عندي لك حاجه حلوة .. قالت (( شنو )) قلت يارب يرزقك بالزوج الصالح .. قامت تضحك وتقول آآآآآآآآآآآآآآآآآآآآآآآآآ آمين يارب ..
ايضا قصص ما تصدقها بالقطار من ضمنها كان القطار متوقف لمدة 15 دقيقة بأحد المحطات الصباح الساعه 6 رأيت مجوعة تقريبا 12 شخص (( شباب افارقه مقمين بالمغرب واضح الفقر عليهم )) لما اعطاهم صديقي 100 درهم ليفطروا فيها .. كيف فرحوا وأخذوا يصفقون ويرفعوه اصابعهم لنا واحنا بالقطار وهم طبعا خارج القطار .. فسبحان الله تذكرت المصحف بشنطة الاب توب فستشرت صديقي وكان ماسك الزقااره << يتذكر الموقف هههههه
هل أعطيهم مصحف ؟؟؟
فقال أخاف انهم لا يقرؤن العربية أو ليسوا بمسلمين !! لكن سبحان الله ناديت على واحد منهم وجاء بسرعه فسألته من عند الباب هل أنت مسلم قال نعم نعم وقام
(((((( بقراءة سورة الفاتحه وسورة الاخلاص )))))
فسبحان الله قلت تريد مصحف .. فلم يفهم علي وسحبت المصحف من الشنطة ولما رأه قال نعم نعم .. لكن قلت هذا مصحف باللغة العربية ؟؟؟؟؟؟؟؟؟ فقام يتكلم وفهمت من كلامه يوجد معهم شخص اسمه موسى يعرف يقرأ واعطيته (( 100 دولار )) ومصحف وقلت هذا لكم جميعا .. والله ما تتصور كيف تجمعوا على صاحبهم (( موسى )) وجلسوا يمسكون القرآن حتى تحرك القطار وهم ملتفين حول موسى ..
قصص كثيرة لي غريبه عجيبه بالقطار وبالطائرات وبالباص حتى استديوات (( ورزازات )) حاولت يكون لي فيها بصمة ولو بابتسامه او دعوة صادقه .. حتى ان شايب تايواني طلب يصور معاي عشان ساعدته لما كان نازل من أحد المسارح (( وزلقت رجله ))
حتى الي يشحذون بساحة مدينة مراكش القديمة (((( مع ان جوالي سرق هناك بساحة السحرة هههه )).. حاولت اكسب قلب بنت تقرا الفنجال .. تصدق طلبت مني تقرا فنجالي بدون مقابل .. وهي تضحك .. قلت لها ماراح تقدري لأني مصلي الفجر في جماعة وقاري أذكار الصباح فقامت تضحك وتحلف وتقول والله ما بدي منك شيء بس هات يدك ياسعوديييي.. قلت لها (( والله نفسي لكن ما أقدر أعطي يدي بنت تلمسها )) قالت طيب هاك يدي أنت أقراها هههههههههههههههههههههه
((( ما اكذب عليك أن أسوء مدينة واجهتنا هي كازا من حيث التكاسي وانعدام الابتسامه ولكن السبب هو كثرة اختلاط الجنسيات وووو كحال باقي العواصم الاقتصادية كالرياض وجده وووو )))
وقصة بكازا مرت علي وهو بوقت العصر بمكان دوار اسمه (( دوار الترنس او البرنس )) بجنب مديرية الاوقاف وقدام مكتب شركة النقل السريع (( TNT )) لما تغدينا بمطعم أخذت معاي الأكل الزايد واشتريت معاه كولا ولما طلعنا من المطعم دورت مسكين أعطيه وسبحان الله طاح بوجهي واحد خبل وأعطيته الأكل ومشيت وخليته .. تفاجأت بعد 15 دقيقة تقريبا انه جاي عندي (( بجلست كافيه )) الكراسي بالشارع فوقف يسولف معاي وانا بصراحة خايف منه حاولت أقوله اني مو عربي وسويت نفسي أتكلم (( انجليزي )) وسبحان الله قام وشبك معاي وقام يتكلم انجليزي .. شوي وقلت له تعرف تتكلم فرنسي .. قام يتكلم فرنسي وقالي بالمغربي انت وجهك مو وجه يهودي ههههههههههههه
ضحكت انا وسكت .. الا وبنفس اللحظة يجي واحد ويجلس بالطاولة الي وراي .. تعرف ايش قال هذا المجنون ؟؟؟
قرب من اذني وهو يرفع صوته ويقول قوووووووووم ترى الي جلس وراك جاسوس .. وقام يشمت فيهم وطلع بسرعه خااايف منه !!
يعني سافرنا ورجعنا مبسوطين بطريقه ما تتوقعها والله قد تكون أجمل سفره سافرتها .. مع انه مافينا واحد ملتزم .. ولكن كان معنا واحد عمره 58 سنة كل ما اقوله شوف يابو سعود الغزال مر من جنبك يا ليت من يصيده .. يقولي أفااااااااااااااااا ترى بكره يجي عندك غزال (( يقصد كما تدين تدان ))
==============================
صدقني وانا اخوك السعاده الحقيقية ليست في معصية الله .. (( ربنا اتنا في الدنيا حسنة وفي الاخرة حسنة )) .. وسع صدرك وفلها بيدينك ورجلينك لكن لابد يكون فيه حدود وخطوط حمراء ما تتجاوزها .. أو والله ماراح تعرف طعم السعادة الحقيقية .. واذا انت مجبور ومبلي ببللوا .. سوها بس لا يدي عنها أحد أبد . لأن لو الله غفر للناس كلها ما غفر للي مجاهر بمعصيته ..
تحياتي لك واعذرني على الاطالة ولكن حبيت اوضح وجهة نظر ..
التعديل الأخير تم بواسطة آفيرا ; 2011-12-02 الساعة 10:24 AM
2011-12-02, 10:14 AM
المواضيع المتشابهه للموضوع: وصلت اليوم من المغرب 30 -9-2011
العرض الشجري
الدرهم المغربي مقابل عملات الخليج