شيء ما عن " اغادير "

ياخلف حالك وحالي فيه بالزعطه شبه= الحنايا العوج ضمت ياخلف ما لاتطيق
ايه هيضت الخفوق الي نبيه ومنتبه=فز للطاري وهم الحزن في قلبي يفيق
ياخلف لاتكتب الي بالخفا لاتكتبه=خلها تقعد بعيده عن نسيب وعن رفيق
رجلي ورجلك من اشواك البلد متقطّبه=لكن ان كثرت فيها ياخلف شكلي بضيق
فقط المغرب يسرك ماقذت عيناك به=تحلف انك ماتعود وترجع اتعود الطريق
كيف والدنيا بها شكلين مره وعنبه= والحلا بعد المراره سلم فالماضي العتيق
والذيابه ماتعيش الا مع المستذيبه= ابنعيش العمر مرفوعين راس ولانويق
وماعلينا من كلام اهل الفعول الخايبه= والله ان الكره سوى في قلوب اهله حريق
دام حنا اصل الطناخه والسيوف المذهبه= الردي فينا في اهل الفوت يسواله فريق
من رضي يرضا ومن يزعل فلا بعاتبه= الحقيقه واضحه والحر في جوه طليق
ومن يقول المغرب احذر منه لا لا تقربه= ماسمع عنا في الصمان والا في طويق
ابنسافر وبنطيب بطيبنا ونطيّبه= الكرم لهل الجزيره حسبة الاخ الشقيق