ضاقت النفس وسافرت ..!!

ملاحظة بسيطة : منيو وليس منيوم

هي جت على المنيوم بس لو مكاني تصدق تسمي الطاوله كرسي وقتها

:yess:روعه واصل سرد جميل

جاء اليوم التالي من قالت لي لا تحرك وعلى فكرة في هاليوم باقي يوم وارجع لبلادي

بعد مرور اليوم من نوم وتسدح واكل انتظرت لين الساعه 5 وماقدرت اتحرك حسب كلامها ادق عليها ماترد ساورتني الشكوك قلت ووين راحت

شوي الا جرس الشقه يدق تفتح الشغاله الا داخلين رجال معهم كراتين وقالوا نبي نعلق هذا الشي في السقف وهو ياشر على السقف انا اطالع السقف قلت له وش بتعلق قالي هذا وطلع لي بالونات وزينه قلت له ليش قالي والله راسلتنا وحده وقالت روحوا الشقه هذي وعلقوا عليها الزينه انا جاء في بالي صاحبتنا قلت له علق

شوي جت البنت ومعه اغراض حلويات وكيك ولاوازمه قلت لها وش صاير قالت ابد اليوم عيد ميلادي بنحتفل عندك بالشقه

قلت لها اوكي بس قالت انا بروح اجهز وبرجع انت انتبه للعمال قلت في بالي ماخلصنا من تشطيب البيت بالدمام ومشاكل العمال اجي هنا واراقبهم

خلصوا العمال من التعليق الصراحه تغيرت شكل الشقه وانا مع شورتي اللي لابسه صاير كانه حفلة نجاحي في اول ابتدائي

جهزت نفسي وانتظرت شوي اللي هي جايه ومعه 3 من صديقاتها بعد نص ساعه جو شله كثيره يعني وصلوا لين 17 شخص مابين شاب وبنت يحتفلون بعيد ميلادها عندي احس نفسي شقتي صارت معروفه في المغرب

عاد انا تارك العالم يرقصون ويضحكون وجالس اضرب البالونات كل شوي عند اذن وحده

المهم احتفلنا احتفال جميل لين الساعه 3 وبدا الحفل ينقضي وفي الصباح جت الشغاله وشافت الشقه معفوسه فوق تحت قالت وش صار امس قلت لها الموضوع تنظفت الشقه وجاني اتصال من القمر وكنت اجهز نفسي للمغادره وودعتها وودعت الشغاله ودعت جيراني العجوز الي كانت تجيب لي اكل وودعت كل شخص اعرفه هناك حتى الطاكسي اللي وصلني المطار ودعته بعد رغم اني اول مره اشوفه

وقبل اركب الطياره كسرت الشريحه المغربيه وركبت ووصلت باالسلامه الى الدمام

واسف اذا تعبتكم معي

انتهت

ان شاء الله احط الرحلة الثانية قريب

ابداع بس تعال قولي ليه كسرت الشريحه ممكن تفسر ع العموم تقرير واعر مثل راعيه:eyee2:

بعض الملاحظات والاشياء اللي اكتسبتها في السفره

1- سافر وانت في بالك تنبسط لا تحاتي شي احترم الناس يحترمونك

2- اضحك وابتسم مع من يقابلك او حتى اللي معصب عليك ابتسم في وجه وخلك هادي انت في غربه

3- كنت ابخشش بمزاجي بدون استغلال مستحيل ادفع درهم واحد حق شخص احسه يضحك علي

4- في بعض الاشياء تعمدت ماذكرها ف التقرير اعتقد ماتهمكم

5- اشكركم كثير واسف اذا كنت تاخرت في بعض الايام

كسرت الشريحه لان مابقا اي اتصال يجيني او اعرف اي رقم مغربي وانا في السعوديه نخاف ننزعط ياخوي ونبتلش في عمرنا

عين العقل
ولا المشافيح حالتهم حاله الله يعينهم

سعدنا بتقريرك كثيرا

__________________

من المحبرة إلى المقبرة





من أنتم
زحف أممي
دغت ساعة العمل دغت ساعة الزحف
إلى الأمام لا رجوع سفرة سفرة

اشكركم جدا بس للاسف مافي صور