ضاقت النفس وسافرت ..!!

تقرير زوين بزاااااااااااااااف وكمل انا من متابعة معاك

يااخي خلصنا ...انت تكتب بيدك ...والا بركبتك اللي سويت فيها العمليه

__________________

يااخي خلصنا ...انت تكتب بيدك ...والا بركبتك اللي سويت فيها العمليه

صدقني لو اكتب بركبتي كان اسرع
بس وشاسوي بالعمل اللي مايخليك تتنفس


ولا يهمك نكمل ولا تدف مره ثانيه : (163):

ههههههههههههههههههههههههه ه وجه معرفط وربي انت تحفه

نكمل معكم


رجعت شقتي بعد حضور حفل الخطوبه اللي ماكلت منه الا كيك وبالغصب غصبت علي عمتهم اني اكل

ياخي احس نفسي اني واحد من العايله بس بجد ناس محترمه وكرم اصيل تخجل منه الصراحه

رجعت ادور اكل في شقتي اكلت اشياءخفيفه وجلست على التلفزيون ونمت وفي الظهر تغديت غدا سوته لي الشغاله تعويضا عن العشاء الخفيف وريحت شوي بالشقه بين ترتيب الاغراض واجراء بعض المكالمات

نزلت كالعاده الى حارتي وتمشيت ورحت جهة الماكدو كان اشوف اللي كبت علي الكولا من خلف الزجاجه انتبهت لها بس مانتبهت لي قلت ادخل بس وقفت لحظة اقول حق نفسي الحين انت توك متغدي لين طلع الاكل من خشمك وش تسوي تدخل قلت بدخل وبروح طاولتها واجلس معها <<<< ياخي انت مطيح الميانه

جيت عندها وشافتني ووقفت ترحب وقالت اهلا عبدالكريم كيفك انا التفت وراي ادور عبدالكريم قلت لها اسمي عبدالعزيز قالت ااه وحطت ايدها على جبهتها وقالت ااااه صح عبدالعزيز

ياخي عليها جبهه مو مثل جبهتي تقول جبل جاي عليه مطر


المهم جلست اسولف وياها وقالت وينك ليش مادقيت الحقيقه كنت بدق عليها بس ماعرفت رقمها لاني مخزن عندي بالشريحه المغربي تسعمية مليون رقم ولا ادري وين رقمها قلت لها وانا اصرف الموضوع الصر احه انا سجلت رقمك صحيح بس ماخزنته بالخطا قالت اوكي سجل عندك يامصطي قلت لها وش فيك ماتجمعين اسمي عبدالعزيز مو مصطفى قالت ياخي ماقلت مصطفى قلت لك مصطي قلت ايه هذي هي قالت لي مصطي يعني مجنون قلت لها لااا يعني تمدحيني انتي الحين

سويت روحي زعلان وماد برطمي لين الارض شوي واكنس فيها المطعم
امسكت وجهي ولفته يدها وشفت وجهها قريب يالله وجهها صافي ولا في خدش ولا شي ابد وبشرتها شفافه مو مثل بشرتي كانها بر

المهم عدلت نفسي وحطيت رجل على رجل وقلت لها مصدقه اني زعلت بس مسوي روحي قدامك قامت تضحك اقولك انت مصطي

يابعد عمري اول مره ا نبسط اذا احد سبني

المهم دخلنا سوالف تعارف طويله الا شوي واحد من ربعنا جاي يكلمها وانا جا لس وياها تقوله عيب انا جالسه مع شخص اتكلم معه كيف تدخل بينا وانا ساكت واطالع ومادري وش اقوله

المهم التفت لي وقالي تسمح اتكلم وياها رديت عليه تتكلم معها ليش قالي ابي اتعرف قلت لها والله عادي تعرف عليها بس بقولك شي ماتشوفها عيب بحقي وبحقك وش يقولون علينا الحين مطفقوين ولا ايش يعني ماحلت لك الا هي في الف بنت حولك وش معنى هي بالذات قال ياخي دخلت مزاجي ياخي

وربي حسيت ودي اذبحه على اسلوبه المهم البنت اعتذرت منه وقالت اسمح لي انا مع صديق قديم وجايه علشانه هنا

يرحم والديكم يالي تقرون الموضوع شفت الفرق بين رد البنت وبين اسلوب صاحبنا ؟

الحقيقه اكبرت البنت بعيني وقلت لها علي الطلاق رغم اني مو متزوج انك معزومه على احلى عشاء في احلى مطعم ف المغرب


شوي ونكمل

مايحتاج اكمل عن عودتي ونومتي والقومه اليوم الثاني لانه كلام متكرر

المهم انا جالس في المطبخ مع الشغاله وهي تسوي الغدا الصراحه مادري وش لقفني وجالس وياها في المطبخ بس كنت اطالع شلون تطبخ وتسوي طاجن باللحم كل ماقامت تقص شي اكلت جزءمنه لين قالت لي سير برى المطبخ وهي شايله الملاس

ذكرتني في الوالده وهي تطردني من المطبخ في رمضان العصر تعرف صايم تحوس جنب السمبوسه


ماعلينا

<<<< الحين جالس تجيب سوالف المغرب وش جاب طاري الوالده ياخي استح

طيب

كمل

طيب بكمل


يلا وش فيك ساكت كمل



الماكدوو .. الماكدوو .. الماكدوو .. الماكدو و.. الماكدوو ... الماكدو

الشغاله : مالك الماكدو تحت

انا: ادري انه تحت انا ادور بجوالي رقم البنت اللي واعدتها على العشاء خزنت رقمها باسم الماكدو

تصدقون حتى نسيت اسال البنت عن اسمها

بعدين عرفت ومن النحاسه ماراح اقولكم باسمها

الشغاله : انت مصطي

انا :ادري قالت لي امس هذي اللي ماعرف اسمها


جوالي : ترن ترن ترن

الماكدو اقصد البنت اللي خزنت اسمها بالماكدو : مين

انا عبدالعزيز

هي :اهلا كيفك لاباس


انا :ايه والله توني لابس

انا : على الوعد جيتكم شلون على العشاء

هي : اعذرني ماقدر اليوم امي تعبانه شويه ولازم اجلس وياها

انا : ياليل . . الليل

حسيت كذا بكتمه ودي اسكر شنطتي واخذ ملاس الشغاله وارجع الدمام

الشغاله : مالك

انا : لا مالك معاذ ولا سعد الحارثي اتركني الحين

رجعت تمددت على الكنب وغفت عيني ولا الشغاله تصحيني للغداء تغديت واطالع الشغاله بنص عين جيبي شاي

شربت شاي وناديت الشغاله وطالعتها بنص عين مره ثانيه بس مابقا شي مادري ليش ناديتها اصلا


بعد فتره ترن ترن

اطالع الشاشه الماكدوو
رقم الماكدو طبعا البنت

انا :هلا وغلا

هي : اوكي انا بجي عل العشاء خلاص بنت خالتي واختها بيجلسون مع امي

انا لبا بنت خالتك واختها وامك بعد

شوي ونكمل

__________________

من المحبرة إلى المقبرة





من أنتم
زحف أممي
دغت ساعة العمل دغت ساعة الزحف
إلى الأمام لا رجوع سفرة سفرة

بعد فتره وانا اجهز للخروج وانتظار الموعد اتصلت هي مره ثانيه

هي : حددت المطعم اللي بنروح له

انا : لا والله اختاري انتي اللي تبيه

هي : خلاص شرايك بمطعم ايطالي

انا : لو بقيتي مطعم بخاري مافي مشكله

هي : اوكي خلاص انت خذ تاكسي وروح المطعم

نسيت اسم المطعم لانه صعب

المهم رحت المطعم ودخلت وجلست في طاوله بعيده شوي

جاني الجرسون اي خدمه قلت له عندي ضيف جاي انتظر شوي

رغم اني جلست معها مرتين في الماكدوو الا ان قلبي كان يضرب بقوه هالمره ليش لماذا لاعلم

بعد مرور 20 دقيقه اتصلت علي قالت وني جالس وصفت لها مكان الطاوله

كان المحها من بعيد وهي جالسه يالله وش اشوف وربي بغيت اترك الطاوله وانحاش من قوة الجمال والحلاوه والكشخه اللي شفتها (( من عقب هالموقف حبيت الكولا والبيبسي وكل المشروبات الغازيه لان تعرفت عليها بسببهم )

وقفت كذا مثل الافلام المصريه ورحبت فيها وسحبت الكرسي وجلستها (ياخي انا بعض الاحيان اكون اتاكيت << بالموت كتبتها

المهم جاء الجرسون وجلست اطالع المونيوم وربي ولا كلمه فاهم وش مكتوب قالت وش تبي تاكل قلت لها نفس اللي تطلبينه لاني توهقت الصراحه مادري وش مكتوب بس اشوف السعر جنبه

جلسنا نسولف لين جاءالطلب اشياء غريبه بس اذكر معهم بيتزا هي الوحيده اللي عرفتها بس ماكنت جوعان كيف تكون جوعان وقدامك قمر يكفيك

وهي تاكل ماسكه شوكه تاكل بطريقه ناعمه وهاديه مو مثلي مسوي ازعاج في المطعم المنديل حق الطاوله في جهه والشوكه طاحت مرتين على الارض والشمعه اللي على الطاولة طفيتها وانا مادري وجاء الجرسون وولعها مره ثانيه وعناد فيه طفيتها

حسيت اني في حلم نسيت العمل ومشاكله نسيت حتى نفسي

قالت تصدق

قلت لها اصدق حتى لو قلتي اسمي عبدالكريم

قالت لي : وهي تضحك لا لا مصطي بجد اكلمك

انا : اقول ايه ايه دايخ لو احد جاء يبي 5000 الاف وقتها بقوله خذ لاني فهيت

قلت لها اصدق وشو بس قولي

قالت لي تصدق اول مره اطلع مع احد على العشاء وانت انسان جميل باخلاقك وماشفت منك العيبه

انا : اول مره احد يحرجني بحياتي كلها قلت لها والله يابنت الناس انتي اعجبتيني وكان الموقف في المطعم محرج لك فكان لابد اني اطير هالاحراج وانا اكلمها ضرب فخذي مكان شد العضل في ركن الطاوله حسيت الم بس استحيت ابين لها بس كشرت في وجهي كم ثانيه

دق جوالها وردت وهي تكلم منزله جزء من راسها وخصلت شعرها على عيونها وتبتسم

يوووووووووووووووووه


نكمل بعدين تعبت

التفتت لي وقالت اقولك

انا اسفه مضطره اروح علشان بنات خالتي بيروحو ولازم ارجع اجلس جنب امي

انا اكيد اكيد امك اولى تبيني اوصلك

هي : لا لا اعرف كيف اروح

هي مشت خطوتين ورجعت وانا جالس انتظر الحساب

قالت لي : ماقلت لي وين عنوان شقتك

انا : من قالت كذا بغيت اوصف لها بيتنا بالدمام

عطيتها العنوان سحبت نفسي ورحت الشقه ورميت نفسي على الكنب بملابسي ونمت ماصحيت الا على ازعاج صحون في المطبخ
قمت اخذت دش وجلست انتظر الفطور طلعت من جيبي 300 درهم وعطبتها الشغاله قالت لي هذا حق ايش قلت لها لك انت وجه خير وملاسك احسن ملاس

قامت تضحك وراحت المطبخ انا ريحت الحقيقه بالشقه احس نفسي بذلت مجهود من كثر المشي قلت انتظر الغداء وبعدين اطلع

وفي الساعه اربعه ونص بالدقيقه باب الشقه يدق تفتح الشغاله الباب وتناديني في وحده تبغاك برى قلت في بالي اوهوووو مو و قته صراحه ومالي خلق لاحد قمت متثيقل اسحب رجل ورجل الا اشوفها قدامي بغيت ابيع الشقه واسافر وياها وقتها رحبت فيها ترحيب كبير ودب الحماس فيني لدرجة لو اني لعبت مباراة استراليا كان سجلت هاترك

قالت لي اصبر شوي وطلعت برى الشقه وانا اطل براسي اشوفها ووين بتروح لاتنحاش <<< والله انك ماتنعطى وجه

جت ومعها صحون كثيره وقالت هذا الغداء سويته في البيت تصدقون وهي تحط الصحون اخذت صحن منهم وضميته وقلت للشغاله مانبي غدا جانا غدا سفري حطينا الاكل وجلسنا ناكل وتعرفون الاكل المغربي من البيت كيف طعمه يالله يالله يالله

بعد ماتغدينا وشربنا شاي جلسنا نسولف واستاذنت الشغاله وراحت وهي قامت تنظف الشقه وانا امنعها وهي تحلف علي انها لازم تقوم بالواجب

ياخي وش اسوي قولوا لي وش اسوي الحين مادري اضمها هي ولا اضم الشغاله ولا اضمكم كلكم انتم احساس غريب عجيب راحه نفسيه امتاع كل شي حلو في الدنيا حسيت فيه

هاليوم يكون باقي يومين وارجع وكل ماشفتها تمنيت الايام ترجع للخلف عاتبت نفسي كثير لاني ضيعت كم يوم من سالفة البيبسي ولا كلمتها

مر هاليوم وهي معي بالشقه ويعلم الله ان ماصار اي شي غير سوالف وضحك وشوية رقص بس طبعا منها هي ولا انا وين ارقص مع هالشد العضل اللي يروح ويجي

يكفي تشوفها وهي تضحك يكفي تشوفها وهي ترفع شعرها يكفي تشوفها وهي تكلمك

(شفت ياوجه معرفط انت السبب من شفت هالصورة اللي حاطها وانا جاني احباط شديد)

جت الساعه 9 مساء وقالت انا لازم اروح الحين ماقدر اتاخر شكرتها كثير على الغداء وعلى جلستها معي قالت انت تستاهل وقربت مني وعطتني بوسسسه على خدي حسيت ان خدي صار لونه وردي لاول مره في حياته واعتقد اخر مره

قالت اشوفك بعدين

وهي طالعه قلت لها باقي يومين وارجع سكتت يمكن نص دقيقه وقالت ادري اعرف انك في يوم بتروح كان بعد يومين او سنه هي قالت كذا حسيت بعبره وخنقه وررجعت وقالت اشوفك بكره انتظرني بالشقه لا تتحرك

.
.
.

ههههههههههههههههههههههههه ههههه ياخي مصطي من جد .............. واصل واصل

__________________
الله يااغلى عمري في عيوني مالك مثيل
تسواي الروح وتغلى وتقول عنها بديل

: (51):