رد: شهادة حق بالمنتدى مع تقرير عليه الكلام
الجزء الرابع
بعد ما رتبت جدولي لليوم الثالث بالمغرب واخذت الشريحة المغربية وجلست اتصل على اصدقائي بالسعودية
اطمنهم اني وصلت تخيلو بعد كم يوم اطمنهم هههههه (هذي المغرب يا بابا مهي لعبه تنسيك اسمك )
اتصلت على خوياني الى ما كانو مصدقين اني راح اسافر المغرب اتصل عليهم واقهرهم واستهبل عليهم
و شوي واسمع اختنا في الله لقد نفذ رصيدكم افا لهدرجة تخلص بسرعة البطاقة وحرمت اتكلم كثير
بالجوال وقلت كلمتين ومع السلامة والله واحطها نومة واصحى اليوم الثاني واخذ دش والبس واتشخص من صباح الله خير
وانزل اللوبي بالفندق وادقها فطور على كيف كيفكم والصراحة شي محترم وعصيرات فرش واجلس باللوبي واكحل بالرايح والجاي
صار هذي مهمتي التكحيل >>> وجه فقر هههه
واتصل على السواق ولقيته نايم واستحيت منه بس قال اشنو خويا فهد انت ناعس قال اشنو بغيتي قلت تعال دابا دابا للفندق طفشان
قال ساعه واكون عندك قلت هذا السواق الشقردي ولا بلاش
وبسرعة مر علي عاد ما صدقت لقيت احد يمشيني وما قصر مر علي الفندق واقولة وديني مقهى اشرب قهوة بعين دياب
وسيبني افرفر عند البحر وفعلا راح وجلست اتمشى بالصباح على البحر وامر على سينما بعين
دياب وما صدقت خبر اقص تذكرة ودخلت السينما والله شي خيالي عن جد حلوة ونظيفة ودخلت
واجلسلكم بالصف الاول والحمد الله لحقت على الفلم ناسي اسمه الصراحة شي خيالي بس العيب
الترجمة فرنسية واخوكم بس يتحمس بالاكشن ووقت المضاربة والنقز واذا جو تكلمو احطها
نومة لمن يخلصو كلام اصحى واجلس اناقز متحمس مع الفلم وعاد الى ورايا بنتين يا حليلهم كل ما اسوي
حركة يصارخو ههههه بعد ما استمتعت بالفلم خرجت وعيوني تتحاول عاد
اخوكم مهو متعود على سينما يالله يالله تلفزيون واحد بوصة المهم طلعت واخذ عصير وجلست اتمشى
بعين دياب ومريت على مسابح صغيرة بشاطي عين دياب وقلت خليني ادخل واتسبح وفعلا دخلت
وكان الدخول بمبلغ رمزي ودخلت وعلى طول غيرت ملابسي وطلعت ونطيت بالمسبح شوي واحصلة
مسبح اطفال والكل يطالع فيني بنظرة حسرة انا انحرجت وطلعت على طول هههههه
واشوف من بعيد مسبح للكبار وعلى طول جري وانط وهاتك سباحة على كيف كيفكم بس كنت بغرق لان واحد دب نط وانا تحت المويه استكشف من تحت وترا حلو
الاستكشافات من تحت المويه تلاقي اشياء احم احم ههههههه
وطلعت وجلست وطلبت غداء وتغديت وعينت من الله خير واخدت قيلولة لمدة نص ساعة واصحى
والقى العالم زادت من بعد الساعة 2 قلت عاد انا هربان من الزحمة وطلعت على طول واخدت
طاكسي وقلت له وديني مقهى الديوان خليني اشوف وش قصتة واروحلكم المقهى والصراحة ما عجبني
ما عجبني المكان وما ارتحت له صح ينفع للصيد بس المقهى كئيب هذي وجهه نظري
طلبت قهوة وقلت عيب ادخل وما اطلب شي وطلبت وكانت القهوة الله لا يوريكم قهوة مخلوطة بزيت فرامل
على طول حاسبت وكان غالي وتندمت اني دخلت وطلعت اتمشى وركبت طاكسي ورجعت
للفندق ارتحت وغيرت ملابسي لمن جت الساعة 8 قلت خليني اطلع اغير جو انا جاي انحبس بالفندق
واخدت طاكسي وقلت وديني على التوين سنتر وفعلا وداني التوين سنتر وطلعت فوق بالمقاهي وكل
واحد يأشرلي تعال الزين عندي عاد انا مسوي ثقل وامشي
لاخر مقهى واسمع صوت موسيقى ودخلت ولقيت زحمة واغلبهم خليجية وانبسطت كثير ودخلت ادور
مكان وكلها فل واروح في الزاوية واحشر نفسي ودايم اطبق المثل الى يقول حشرة مع الناس عيد واجلس
واول ما جلست واحد يطالع فيني بنص عين قال اكيد من السعودية قلت لهدرجة انا مفضوح كل من شافني ما يسئلني انت من وين على طول يعرف
تعرفنا على بعض وجلسنا نضحك وسواليف طلع مدرس انا مدري وش سالفة
المدرسين معي كل ما اتعرف على احد يطلع مدرس هههههههه
استانسنا بالمقهى وطلع الولد شقردي وينحط على الجرح يبرى لان سوا حركه كبر بعيني
ملاحظة بعض ال**** بالمقاهي يتصيدو المشفوحين والى اول مرة يجو عشان تكون صيده سهلة لهم ويقدرو يضحكو عليه باي مبلغ
فالحذر واجب
اكملكم في الجزء الخامس والجاي احلى خصوصا بمراكش يا قلبي على مراكش
__________________
ما ينلام الشاعر اللي مدري وش اسمه يوم قال:
نسيت دائي حين جاء دوائي..........من ذا يقاوم نظرة السمراء!!!!
غسل المحيط جبينها وعيونها.........بسلاسل من فضة بيضاء
الشمس تشرق كي تقبل ثغرها.....وتذوب بالكفين كالحناء
هي مغرب الاحباب او فردوسهم.....جبل على بحر على صحراء