معا لمغرب خالي من الحوالا (الخرفان)

انا عندي وجهه نظر خاصه فيني الى يبي يتقبلها اهلا وسهلا والى ما يبي بسلامته
وزي ما قالو الاخوان هذي حريه شخصيه انتو وش عليكم منه


انا اذا تعرفت على انسان بغض النظر واحد او وحدة في مكان محترم وحسيت انه فعلا يستاهل المحبه والتقدير ولقيت منه مواقف حلوة تثبت
معدنه الاصيل واذا اختبرته وطلع الانسان يستاهل ثقتي ليه ما احوله وش المانع مدام انسان محترم معي وانسان امين وينحطى على الجرح يبرى

اما اتعرف على ناس في مكان وسخ وفي اليوم الثاني يقولي حبيبي ممكن تحولي او تساعدني سلامااااااااااات ؟؟؟

فانا نظريتي اذا الانسان الى صادفته يستاهل المحبه والتقدير وكان فعلا محترم وصاحب قلب نظيف وطاهر ومن عائلة محترمه
وماله في اللف والدوران والله احولة ونص واساعده بالي اقدر عليه لان ما راح ينسى المعروف وانه تربى تربيه حسنه

اما بنات الليل وعيال الليل واسوي معاهم الحبيب والكريم وحاتم الطائي لا والف لا
هذي فتره صداقه والكل يروح بحاله اما اسوي معاه الكريم والشهم ومن هذي التصرفات فانا ارفضها وامقتها كمان

مرة اتذكر تعرفت على وحده في مكان احم احم ما يحتاج اقول ههههههههه
المهم طيحت الميانه وانا ما هضمتها لا شكل ولا اي من مقومات الانوثه ههههه
سواليف وعشى ويلا مع السلامه طبعا انا بطبعي ما احب اكسر مجاديف احد يعني ما احب احتقر احد او اعطيه بوجهه

فبعد كم يوم اتصل علي ذا الى مسوي يمون وقال يا الحب ديالي الحقني انا طحت في ورطه ابيك تساعدني وتحولي مبلغ
قلت من متى المعرفه !!!
وانهيت المكالمه ولا عاد دق ابدا ابدا مرت الايام واقابله في نفس المكان مع مجموعه شباب من دوله خليجية بدون ذكر الاسامي
اول ما شافني صد عني ولا كانه يعرفني فجلست اضحك ههههههههه

الخلاصه يا شباب
اذا تعرفت على انسان ينحط على يمناك وابن ناس ومحترم وله مواقف حلوة معاك وخدمك وساعدك هذا تساعدة بدون كلام
انا الى تعرف على ناس منحطة وفي مكان العقول فيها رايحة هذا ما يستاهل تساعدة ولا تعطيه اكبر من حجمه

وسلامتكم

وجهه نظري الخاصه ارجو انها تحترم

__________________

:yess: اشكرك يا بدر كازا بصراحه طرح جريئ

انا فيني طبع وما راح اغيره .. يمكن اكون اناني بس انا راضي عن نفسي

احب آخذ قد ما اعطي .. ونهائيا ما احب الاستقلال .. ولا احب شي اسمه سلف او دين ..

وما احب اللي يصرف ويدفع كل فلوسه على بنت .. وما احب الاكراميات .. والحوالات

واللي معاي عارفين نظامي .. اللي يبي يخسرني بس يقولي كلمة ( أبي )

__________________
i am a very private person, yet i am an open book
if you dont ask... i won't tell

انا استغرب من اللي يقول معدنه اصيل ولا محترم وغيره..

يا شباب الموضوع ماله علاقه من معدنه اصيل ومن عائله محترمه ولا بنت ناس

طالما هذا الشخص يحاول يستغلني ماديا لا و الف لا


واللي يقول حب اقولك هذا مو حب هذا استغلال و مصلحه وحده اذا كانت معجبه فعلا و تحبك ما تستغلك ماديه نهائيا ولا تبحث عن شئ من وراك


الواحد يكذب كذبه و يصدقها يحاول يقنع نفسه ان اللي يسويه هو الصح وهو بعيد كل البعد عن الصوااب



وحده ما تربطك بها اي علاقه شرعيه تعطيها فلوس و تحولها على اي اساس ؟ وش الهدف من فعلك هذا

بعضهم تلاقيه متزوج و يحرم اولاده و زوجته و اخر شئ يعطي وحده تحت شعار حب وما حب !!


بعضهم زي ما قالوا الاخوان يحاول يعوض الحرمان اللي فيه او يحاول يجذب وحده له اكثر بالمال عشان تبقى معاه و عشان تقوله كلام معسول

وكله حرام في حرام و تصرف فلوسك في الحرام و تحرم منها اقرب الناس لك

هذا التصرف سوف تدفع ثمنه عاجلا ام اجلا

و في النهايه تسحب عليه و تقوله طز هذي هي النهايه


الانسان يصحى لنفسه و يعرف وين يعطي ثقته و على اي اساس و يحدد اهدافه مو شغل الخرفاان

اشهد انك ذيب: (444):

انا اول مره رحت للمغرب رحت مع خرفان .. بعدين خرفان ماهم اي خرفان على مستوى
المهم في بداية الامر تخرفنت زيهم مع الخيل ياشقراء المهم في النهاية انتبهت لنفسي وقلت ياولد لو طلبك ولدك او بنت الف ريال والله ماتعطيه وهذي اللي اليوم معاك وبكره مع واحد ثاني تعطيها فوق البيعه
فكرت كثير وكثير واكتشفت اني خروف كبير .. ولكن الحمد لله بعد صحبتي لرجال يعرفون هذي الطريق زين نصحوني كثير حتى رجعت عن الخرفنه بعععععع
اعرف واحد وهذا من اللي سافرت معهم اول مره ..
الرجال يسهر في البحرين وتعرف على على واحده ( رقاصه ) كل يوم يروح لها ينقط عليها اكثر من 10000 ريال ويدفع اكراميات بالهبل المهم الرجال تخرفن لها وطلب منها تسافر المغرب سافرت المغرب وفتح لها شقه وراح لشيخ نصاب وسوى عقد زواج كذاب ماعرف كيف سواه المهم عشان ياخذها معه الى اي مدينه مايكلموه الدرك ..
الرجال نصحته وحاولت فيه مافي فايده الان يرسل لها حواله شهرية بمبلغ خمسة الاف ريال ومعطيها شقه في كازا وحالته حاله ..
بعععععععععععععععععععععععع عع لالالالا خلاص تبنا

لله درك اخوي بدر كلام كبير من شخص كبير

مدري متى راح ينقرضوا !!!!!!؟؟

__________________

موضوع رائع جدا صراحة
والاعضاء كل واحد ابدى وجهة نظره والغالبيه الساحقه ترفض
الموضوع بجميع تفاصيله ورأي الاغلبيه غالبا هو السليم...ولكن
هل فعلا جميعنا "الرافضين والمنكرين الفكره" نطبقها على ارض الواقع؟؟
فهنا اعضاء كثر ونجب ان نطبق الفكره بصدق .
فالموضوع حقيقه استغلال واراه يحمل بين طياته كثير من الاهانه فعندما
يضحك عليك شخص ما فحتما هو ينظر اليك باستحقار كبير وللأسف ان ذلك
الشخص ممن لايستحق حتى النظر اليه .... فالشكل الخارجي والاهتمام به
لايعني ان المحول اليه يستاهل وكذلك البكائيات والافلام الهنديه التي تحاك
عند الوداع فليست سوا مقدمات لمكالمات قادمه تطلبك لتكون شخص .....
بالنسبه لها.. والظروف لاتجبر الحره على ...؟
اعتذر فقد اكون قسيت على تلك الفئه ولكن يعلم الله من حرصي على سمعة ابناء بلدي
وعندي ملاحظه اخيره فقط
اعتقد مصطلح "الحولي" قاسي وغير لائق مهما كانت المسببات فمن الانسب البعد عنه
فهي قناعات ويجب علينا احترامها عموما .
تحياتي وودي

اخوني .. ان خليت خربت
والناس مش مثل بعضه .. والله في اشخاص بالمغرب اخلاق وطيبة ومعاملة طيب ويساعدونك لوجه الله ..
ولكن للاسف بعض الشباب يضع نفسه مكان الاستغال
ويجعل نفسه فريسة سهله جدا

هالفئه يا بدر ليست حكراً في المغرب ..

بأغلب الدول يتواجدون .. والأسباب لكونهم كذلك تطرقوا لها الأخوان ..

النقص العاطفي وفقدان الثقه بالنفس من أهم الاسباب التي تؤدي لتلك التصرفات ..

واللوم لا يقع على الطرف الآخر فطبيعة الانسان استغلاليه لكل ماهو في صالحه .. والظروف تُجبر أحياناً أن تكون استغلالياً ..

نحن هنا ليس لسرد القصص أو التجارب سواء لنا أو للآخرين ( كما لاحظت في بعض الردود ) ..

وبنفس الوقت لسنا مسؤولين عن أحد أو وصيين عليه لكي نأمره بأن يكف عن ذلك ..

نحن هنا في مقام الناصحين فإن قبل النصيحه أهلاً وسهلاً .. وإن لم يقبلها فهو حر بماله وتصرفاته ..

أرجوا أن نبتعد عن ذكر التجارب الشخصيه سواءاً لنا أم لأناس نعرفهم .. ونكتفي بتقديم النصحيه الاخويه ..

وأيضاً يجب أن لا نكوّن فكره بأن هذه التصرفات موجوده فقط في المغرب .. بل هي موجوده بكل مكان وبشكل أكبر من تواجدها بالمغرب ..

ولكن لأن المنتدى يختص بالسفر إلى المغرب لم نتحدث عن الدول الاخرى .. وهذا لا يعني نهائياً أننا نقصد أن هذه التصرفات حكراً على المغرب كما يخيل للبعض ..

شاكراً ومقدراً لكم تفاعلكم ..

__________________
نلتقي .. لنرتقي ..

كلام كبير من شخص كبير لكن ترا هذي الفئه ليست مقصوره علي المغرب فقط انا شخصيا شفتهم في سوريا ومصر واندونيسيا وتايلند وما أقول الله يخارجنا بس