|
رد: معا لمغرب خالي من الحوالا (الخرفان)
كلام جميل اخوي بدر ولا ازيد على ردود الاخوان الا بان الخرفان ذولي او الحوالا ليسو برجال هم اشباه رجال
واذا كان من الي ينضحك عليه بكم كلمه مصيبه والله واذا كانه عارف انها ضحكه ومستمر في ذا الشغله فالمصيبه اعظم ولكن انا اعتبره مرض ومنتشر في كل مكان وليس في المغرب حتى هنا في السعوديه اعرف شخص مخرفن عالم لليل الي محول5000ريال كاش والى كاميرا كانون وهدايا والله يشفي كل مريض ولكم تحياتي |
رد: معا لمغرب خالي من الحوالا (الخرفان)
ادا بغيتي تطهر الخرفان بالمغرب
ابدا من السعودية واعتقد بالسعودية واجهو هالمشكلة وحتى جابو لها حلقة اعتقد في طاش ماطاش انه في ناس سهل ينضحك عليها وهالشي لسذاجتهم واحيانا متل ماسبق احد الاخوان وقال للجفاف العاطفي والنقص العاطفي الى يعانون منه والله المستعان صراحه الخرفان في كل مكان ماشي غير في المغرب وفي نضري البنت الى تقبل تاخد شي من شخص ليست مرتبطه به شرعا هدي سوف تحاسب على كل ريال يوم القيامة ولله يهدي ماخلق وخلاص |
رد: معا لمغرب خالي من الحوالا (الخرفان)
:smi:مموضوع مميز وواعر وجريئ وكنت مستنيه من زمان ياليت الاداره ما تحذفه ونرجو من جميع الاعضاء التفاعل في الموضوع من تجربه خاضها او سمع فيها او صارت لصديق له كل الشكر يابدر كازا ع هذا الطرح الجميل والشكر موصول للاداره ع السماح لهذي المواضيع ان تطرح في المنتدئ لكي تعم الفائده خصوصا للمزاعيط الجدد:smi:
|
رد: معا لمغرب خالي من الحوالا (الخرفان)
للإسف الواقع مرير وأكثر من الي ذكر ولكن مانقول الله يعافينا مما ابتليتهم به.. عز الله إنا تعلمنا من الدنيا *** درس صعيب على التلميذ نسيانه وعلى العموم موجود في غير المغرب وبكثرة وليست السذاجة من قبل أفراد من دولة معينة أنا أسافر كثير ورأيت غيرنا أشد.بس خلها مستورة.. |
رد: معا لمغرب خالي من الحوالا (الخرفان)
انا لي راي ثاني في الموضوع
انا من الناس اللي حولت ويشهدالله علي والوسترن يونيون اني حولت حتى لناس ما بعد شفتهم ولاكن والله اني اتعمد فعل الخير ويلين قلبي اذا احد يبي مساعدة وانا اقدر عليها . مثال واحد عندي صديقة وانا اعرف انها ليس استقلاليه وبنت ناس وطيبه ولاكن الضروف لها احكام دخل ابو المستشفى في الرباط وهم من منطقة اخرى المهم ابوها عنده فتح قلب وكان عندهم مبلغ ولاكن تطور الامر واحتاجو بعض المال وكلمتني من باب المساعدة الموقف الثاني وحده ضاع جوالها بلك بيري وكلمتني تبكي وناا عرف انها صادق ليش ما حولها اخليها تفرح وياما وياما حولنا وهم والله يستاهلون كل خير والي يقدر يشباب لا يكون بخيل والطيب مع الناس اكيد طيب مع اهله هذا طبعي واذا تعبروني حولي ان اكبر حولي ولاكن بمزاجي وسلامتكم |
رد: معا لمغرب خالي من الحوالا (الخرفان)
اقتباس:
الله يهديك و اذا نيتك تساعد المحتاج ترى في المغرب من يعاني من سوء المعيشه و حتى في السعوديه تستطيع ان تمد لهم يد العون مو وحده ضاع جوالها البلاك بيري !!! و الملاحظه الثانيه وش معنى كل اللي تساعدهم بنات ما عمرك ساعدت شاب مغربي على سبيل المثال |
رد: معا لمغرب خالي من الحوالا (الخرفان)
سلام عليكم موضوع مهم جداً التحويل انا الحمدلله اني طالب يعني طفران اللي يكلمني يبي هديه اطلع بطاقة الكلية يقلو كيف جيت المغرب اقلهم اجمع سنه عشان اجي المغرب وانا اصلاً اجمع المكافئات و عندي شويت شغل اطلع منه فلوس دايم ال**** يقولو سعر اطلع البطاقه وشويت كلام منه ومنه ويراعوني في السعر وحده قالت لي ابغى عوده قلتلها انا ما استخدم العوده يعني حدها عطر ب10 ريال من خبرا العطور و اصلاً اللي تعدي عليه لا ترجع تعدي عليه وهذا عن خبره عشان لا تقول اتعلق وياليت محد يحول عشان لا يطفشونا ويقواو فلان من السعودية جاب لي جوال وفلان جاب لي ذهب وفلان جاب لي اي فون ترا الهداية لاهلك زينه واتقبلو تحياتي ولا احد يزعل
|
رد: معا لمغرب خالي من الحوالا (الخرفان)
إنا لله وإنا إليه راجعون..تصدقون ياشباب اليوم تلقيت خبر من واحد من العيال إن قريبه فصل من الدوام وضربله ذاك القرض الي يحبه قلبك وعلى موروكو وللحين مادق ولا طمنهم..الي يشوف الحولي بالمطار يخبره إنه لك أهل..فالله يرحم والديك دق على أمك تراها تبكي اليل والنهار.. |
رد: معا لمغرب خالي من الحوالا (الخرفان)
لله دركـ يا بــدر
بدايه اعلق على الاخت اللي تقول ابداء بسعوديه بس من دووون زعل ابي اضحكـ :) اختي الغاليه السعوديه ودول الخليحي والعرب بشكل عااام يعانون وانا اعرف الشي هذا زين زين بحكم الايام الغبرى اللي ما خليت فيها قاع بدنيا ... سبيل المثال الشاب المغربي كم وكم وكم سمعتي بقضاياهم مع المراه وانا كانت من زوار الحي المحمدي و هو معروف ببساطة سكانه وشفت بعيني ايش يصير للبنت نرجع للب الموضوع اخوي بدر الفئه اللي قلت عنهم هم قله وانا لا احامي بل ابين ان هناك ناس لما تفكر في السفر بس تفكير اللي هم الفئه هذي اول ما يطري عليهم وش وين اسهر وين افلها وين ارثع بدينا بلمكان اللي يبي يروح له لما يروح هناك وعقله وتفكيره الرئيسي بللي ذكرت يجي من يطب طب على راسه ويدخله جو اصحاب السمو واخينا مغفل ولا له غير هذا الدرب ينتفش ويصير عنتر زمانه ويسوي المستحيل ويصير مثل الخاتم بيديهم وايضا زد على ذلك الناس اللي معاه بسفر واللي حواليه بنفس المود لأن محد راح يجي من الباب والطاقه ويصير باع باع اللي من المجتمع اللي حواليه وركز بعد على ثقافتهم وش اسمحلي (( صيع اولاد شارع )) تفكيره بلبقره الحلوب اللي تدر عليه الكذب والافلام والرمنسيه الكاذبه اللي اسميهم (( حب ابو الف )) .... اعرف واحد من الزملاء ولد شاب رزين فجأه زار دوله خليجيه ما هي البحرين عشان محد يفلم وعقبها تغير 180 درجه جاوني الشباب اكثر من مره واسأل وين فلان الكل متردد يقول مشغول اوكيه بلغوه السلام بعد كم مره دقيت عليه هلا كيفك تعال سير جاء الرجال وجلس كل خمس دقايق جواله يدق تطفلت يا بو وش السالفه عسى ما اخرت عن شي ولا اخلفت جدولكـ قال بس حبايب اوكيه سوالف سوالف ومازال الجوااال يدق ياولد وش السالفه يبتسم الحب طيب كيف شلون سرد القصه و في النهايه طلع باع بااع رصيت عليه و اخذ المقسوم وبعدها ادق لا حياه لمن تنادي محد حولك بعدها سألت الشباب وين الحبيب قالو كل يومين مسافر وراجع وحوالات وغيابات بدوام اوكيه نصحتوه ايه لكن ما يفيد توجهت لأكبر اخوانه وعطيته السالفه كلها بعد اسبوعين يدق علي واحد من اخوانه اللي غير اللي كلمته وينك بدوام متى تجي عسى ماشرر ابيك تمرني ابشر خلصت الدوام جيته وش السالفه افلان من وكيف قال اللي كان يكلمهم ساحرينه والحمد الله بعد معاناه انفك وحلف يمين ما يجي الدرب ذا الحصيله اصحابه عارفين بلوضع ولا احد كلمه ولا اتمنن ولا ابرز نفسي و طريق نهايته معروفه اخذ الثمر وثم انساه .... احب انصح نفسي وانصحكم فلها استانس انت رايح ليش لتغيير جو استجماام لا تخلي الامور الثانيه توهقكـ ولا تجرك الى مهاك وانت في غنى عنهاااا اعرف كيف تمسك العصا واعرف رفيقكـ زين هذا ما حبيت اوصله والاخت تعذرني لكن هذا اللي انا عشته وشفته ودي محبكـ تش تش |
رد: معا لمغرب خالي من الحوالا (الخرفان)
الله يهدي الجميع
العقل نعمة ولكن للأسف البعض لا يستخدمه عندما يسمع كلام معسول بس لا تلومونهم يشوف قمر يمشي على الارض وتدلعه يا شيخ احمد ربك انه رجع لبلاده واهله اساسا هههههه تحياتي للجميعا |
| الساعة الآن 06:22 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط