استخراج تصريح الزواج من امارة جدة هل من معين ؟

سمحلي بزاف اخويا انا طريقة باش هضرتي كلتي تولي ممرضة والطمع خايب هما اللي عصبوني ياريتني ما تعصبت
خويا حنا راه بنات الناس والله اللي شاهد علينا وبنات لحلال وكنقلبو على السترة وهد انسان علاش بغيتو حينث ملتزم وعارف بينو وبين الله وعمرو ستة وخمسين سنة ونا حتى انا راني تجاوزت ثلاثين ماشي صغيرة وربي شاهد علية ما بغيتو لا على طمع ولا على والو بغينا زواج د لحلال حينث عارفين كلام الله اللي كيقول "ان يعلم الله في قلوبكم خيرا يوتكم خيراّ"
ثانيا اخويا هو اللي بغاني اولا وشاريني الله يدكرو بخير ف هد ليلة ولقيت فيه لخير اللي ما لقيتوش ف اقرب الناس لية وشنو فيها نكون ليه ممرضة وزوجة وام واخت وكلشي فيه غير اجر مع سيدي ربي الزوج راه هو جنة لمرا او نارها حنا مكنفكروش غير ف طمع الدنيا الفاني الله ينجينا تكون عندنا هد عقلية ولكن راه ميمنعش نقلبو على كرامة العيش ونتميزو شوية على لكلاب ولمشاش لانو هنا بالمغرب حتى حد ادنى من العيش مكيتوفر ليك

ثالثا اخويا انا مغاديش نعيش كثر من هدشي اللي عشت كنعيش غير نهاري ومستقبل ف يد الله هو اللي ضامنو كتب لية الله نعيش معاه مزيان اهلا وسهلا مكتبش لية ارض الله واسعة

والله يجازيك بخير على النصيحة

غير اخويا كلمة كتصايب خاطر وكلمة كتخسرو

فرق كبير بين الطريقة باش هضرتي ف لول وطريقة باش هضرتي ف الثاني

وزيادة اخويا انا راني جامعية وعندي باك بلوس سيس ميمكنش منميزش بين الصح والخطأ

واش يكون عندك هد مستوى وتخدم بسميك واش ميضركش مخك

كون لقينا الخير ف ولاد بلادنا منلجاوش لبراني

خليت ليك لهنا وراحة البال وسمحلي مرة ثانية ممالفاش نهضر بديك طريقة ولكن لسان ما فيه عظم كيجلب الهم