رد: من البداية وحتى النهاية رحلتي لاغادير
لبى قلوبكم كلكم وبالنسبه للحديدان عضو عزيز على قلبي والحق مايزعل منه الا الظالم
والحمدلله مهما انحرفنا نجد من الجميع النقد والتصحيح الذي يجعل الشخص يعود لجادة الحق....
حلقه جديدة:
بالصباح الباكر يوم الاثنين السعاه 9صباحا استيقظنا وفللنا فطور واخذنا تمشية عالشاطي وهناك وجدنا هنود اثنين استغربت
بصراحه اشوفهم بالمغرب الشباب اصولهم من الهند وجنسياتهم بريطانيه .....
دردشنا معاهم وعزمونا على جوله بحرية بس خويكم مايفقع قلبه الا البحر رفضة لاني اغرق بشبر ميويه وخويي الح بس قلته
الفلوس علي بس خلوني تكفون اعتذرنا منهم واخذنا ارقام عواتفهم لنتقابل مساء....
رجعنا للشقه واخذنا السيارة وعلى اغادير القلعه القديمه(اوفيلا)اعتقد اسمها كذا تمشينا على اغنية منى امارشا (انا اللي لاي هي سيدي حبيبي )وصلنا واول ماشاوف (الجمال)(البعارين)بلغتنا الدارجه قلت هلا خيال الريشا وانا سلطان هههههه ردوها علي
عرض علي الجمال جوله بالبعير قلت اعذرني والله ماجاب لي البواسير والدوالي الا هذي الحيوانات ضاعت طفولنتا وحنا طردي وراها
والحمدلله اللي مالحقها مستقبلنا اعتذرة منه بلباقه دخلنا القلعه
بصراحه اجمل مافيها المناظر الخلابه لاغادير والبحر وتشوف كيف المارينا قابعه على الشاطي وجدنا مصلى مبني بالحجر وصلينا الظهر
وكان الهواء بارد وشديد بس بصراحه روعه تقريبا مكثنا نحو الساعتين الواحد تفكيره شطح لبعيد وطرت علي افكار مدري وش سالفتها
وتذكرة السعودية يالربع اشوي وابكي تعوذت من ابليس وقلت انت باغادير لاحق على النكد فلها وربك يحلها...
بعدها مشينا على طريق أورير وشفت قصر المغفور له باذن الله الامير سلطان ومبني جديد قبل قصر الامير اعتقد انه للضيوف
دخلنا اورير بلده حلوه لفت نظري وجود اصحاب اغنام بخيم وشاحنات مياه للغنم قلت واحللاه يالحليب (الصخين)بهدرتنا هع هع اكيد ماعرفتوها.... المهم اخذنا لفه رايقه ورجعنا مرينا قهوة(الفلسطيني) كذا قالو اسمها وجلسنا فيها طلبنا اتاي ودردشه مع الشغيله وقالوا انو زمان كانت عامره وفيها (شيشه معسل)وبعدين منعتها السلطات لان صار تجاوزات بعض الاحيان وبعدها قلو روادها
ترا كذا سمعت مادري هل صحيح ام لا.....
رجعنا قبل الغروب وطلعنا على سوق ماك او مكدو امدري نسيت اسمه واخذنا اغراض للشقه ميزة السوق انه مخصص للمبيعات بالجملة صاحبنا (رشيد)المغربي عنده محل قهوة واعطاهم البطاقه المخصص لهم ودخلونا اشترينا اغراضنا وعلى طول للشقه نزلنا الاغراض وريحنا اتصلنا باصدقائنا الهنود اللي قابلناهم الصباح وتقابنا في (روتانا كافيه) وع بعض الاصدقاء الاخرين وخليناها سوالف عن حياتهم ببريطانيا وكيف المغرب معاهم وعن رحلتهم البحرية....
بعدها رجعنا للشقه ريحنا و(معسل واتاي )لين وقت العشاء رحت للمطعم النهضه وجبت (طاجن)....
كملنا باقي الوقت بالشقه لين الساعه12 وحطيت راسي ونمت نومت المرهق
بتوقف هنا لان بصراحه الانذار فقع قلبي ونساني بعض ذكريات الرحله
اكرر اعتذاري واعجابي بالاعضاء جميعا