مــوقـــع صــرف الــعــمــلات..وسعر صرف الدرهم المغربي..تحديث مستمر

__________________

راح تزيد الاسعار في المغرب
تكلفة الاستيراد محسوبه من قبل التجار

__________________

انت اتشوف الأرتفاع هذا شكل عادي ؟؟

سؤال وجاوبني عليه بصراحه لو قال لك منتجع بالمغرب تعال وخذ السكن مجاناً مدت 10 ايام ؟؟ هل انت ربحان او خسران وهل تفرق او لا سكن 10 ايام مجاناً ؟؟

تعرف كيف ؟ السنه اللي فاتت سافر المغرب عام 2014 شهر فبراير كان المبلغ اللي معاي 20 ألف ريال وكان سعر صرف العمله بالمطار 2.2 واعطاني 44 ألف درهم وكان سعر السكن ب 800 درهم لليوم الواحد

الأن سعر الصرف 2.6 وانت معاك 20 ألف ريال راح يجيني 52 ألف درهم يعني الفرق عن السنه الماضيه 8000 درهم وتوي حاجز سكن ب 8000 درهم حق 10 أيام ورحلتي بعد اسبوعين ان شاء الله

كيف ماتفرق ع قولتك

8000 درهم اتسوي شي كبيييييير بالمغرب سواءً سكن او مواصلات او سهر

ياليت اتعيد احساباتك زين وتركز شوي

ولا احد يقدر ينكر الكلام اللي قلته

حسب المحللين اذا لم يوجد حل جذي للمشكلة فسقف التضخم مفتوح الى قبل مايو او يحصل انهيار للعملة

اليوم بمطار كازا سعر الصرف
١ ريال يقابل ٢.٦٣

عموما لو ارتفعت و تضخمت الاسعار نسحب على المغرب و على ابو ابوها
وين المشكلة ؟؟ ههههه

اخي الحبيب YQ217 هذا مغربينا الحبيب لو ايش ماحصل لازم نروح واذا ماجانا بالاخضر يجي بالازرق :)

ههههه ..لي احد الاصدقاء وهو شايب تقاعد الان .من الرعيل الاول للمغرب كان يقول لي كلام عن المغرب بالسبعينات والثمانينات شي يخليك تتحسر على ذيك الايام..الرجال الان زعل وله5سنوات موجه شرق اسيا
وطاب محيفره بمانيلا وبوراكاي ..قلت له بعد ماخاويته ايه يابو صالح استبدلت الادنى باللذي هو خير قعد يضحك اللين اختفت عيونه

__________________

من ذاق لحم الريم عاف البعارين