موقف قهرني في كازا :(

المبرمج · 2012-01-14T20:34:04+00:00

مرحبا بكم مزعوط مزعوط و مزعوطه مزعوطه منذ شهرين كنت في كازا وكنت سهران في البلاك هاوس الي في الريجينسي وكان معاي صديقه لي اعرفها من زمان وليست من كازا اساسا ً بعد السهره قلت لصديقتي ان تخرج قبلي وتأخذ تاكسي خرجت وبالفعل ركبت التاكسي ولكن كانت فاتحه شباك السياره التاكسي وتقولي مع السلامه وفيه شرطي يشوفنا وعلى طول راح يركض على رجوله ويضرب دبة التاكسي وهو يمشي شويه شويه وقف وووووووووووقف وووووووووقف وانا الحين اشوفهم ويفتح الباب على البنت بكل همجيه وانزلي يالله اخلصي قدام الناس اقسم بالله هذا الي حصل ويركبها في باص الشرطه وهو عينه علي ويجيني قال شوف خويا خلصني عشان انخلصها والله العظيم ابتزاز ووقاحه ماشفت مثلها قلت خلاص هذي ميتين درهم وخل البنت تروح في حال سبيلها وانا اساسا ما اعرفها بس رأفتا فيها قال خلاص اتسهل خويا انت شكلك ماتبغيها تروح لبيتها .. قلت شوف اعطيك خمس مية قال لا انت شكلك ماتبغي خلاص خلاص خويا سير سير ويعطيني ظهره واعطيه ظهري ابغيه يناديني والحقه عند سيارة الشرطه قلت تعال كم تبغي انت؟ قال 3 الاف درهم ..صدمني قلت شوف بعطيك 1000 درهم قال انت شكلك جاي تلعب علي اقول 3 الاف او روح ولا تعطلنا عن شغلنا قلت امشي معاي قال معاك بطاقه ؟ ادلك على مكان مزيان تسحب منه هههههههه شر البليه مايضحك قلت لا معي كاش في الفندق الي انا ساكن فيه وينادي صاحب التاكسي ويركب معاي الشرطي ونروح للفندق واعطيه الفلوس قلت اخذها والله لايوفقكم ويقلب كلام امازيغي ويضحك مع صاحب التاكسي وينزلون البنت وتروح وكانت تبكي وتقولي كم اخذ منك الكلب قلت روحي خلاص انا كان بإمكاني اخلي الامور تاخذ مجراها بس موقف كان لازم اسوي شي فيه وهذا وانا مو معاها وقدام ديسكو فما بالك في الي يمكن يطيحون عليهم في شقه او خلافه والله اسودت في عيني كازا لدرجه اني ماتهنيت في باقي السفره وارجعت وسلامتكم اترك لكم التعليق

المبرمج

مزعوط مبتدء

المشاركات: 33

تاريخ التسجيل: Feb 2011

2012-01-16, 11:44 AM

المشاركه #9

رد: موقف قهرني في كازا :(

اقتباس:

المشاركة الأصلية كتبت بواسطة مصطي

انت انخرشت اصلن المفروض تركب سيارتك و تروح الفندق و ترقد

تستاهل كان تمشي و تحلي العسكري وهم بيفكونها غصب عنهم لان ما فيه شئ الامر عادي

اسحب نفسك و امشي ولا كانك شفت شئ كانك ما انتبهت و صاحبك بيخارج نفسه بيدفع 100 درهم و تمشي

مدري الى متى بيبقى حالكم كذا عرضه الابتزاز و النصب

واذا مره قلبك حن على صاحبك قول للعسكري خذ هذي 200 درهم بغيتها ولا خذها معاك ومع السلامه بروح انام

اهلا بك اخ مصطي وشكرا على مرورك

اولا ً بالعكس كنت جدا طبيعي واعطيهم ظهري في البدايه ومشيت ومانخرشت ولا هم يحزنون ولكن كانو معزمين ياخذونها وخصوصا ان الصديق هذا اعرفه عدل وجاي من مدينة بعيده ومهما كان انا اعرف انه في النهايه رح يخلصون منه بس بعد شنو؟ بعد بهذله وجلسه في السياره للصبح ولما يجي ينتهي دوامهم مسكوها الشارع بس انا بالنسبه لي بغض النظر عن انه انثى او ذكر انا امام موقف ولازم اتصرف وسلامتك

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: موقف قهرني في كازا :(
الموضوع	آخر مشاركة
موقف بالديوان	2015-06-06 03:40 AM
موقف محرج جدا	2012-08-16 06:54 AM
موقف لن انساه	2012-07-07 05:40 PM
موقف محرج !!!!!!!	2012-05-21 02:46 PM
موقف قد صار معاي	2012-03-27 03:43 PM

الساعة الآن 04:01 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

موقف قهرني في كازا :(

روابط سريعه