رد: تحذير من شخص متواجد قي Twin Center
تصدقون يا جماعة الخير اني قابلة هالشخص بشهر 10 الماضي لما كنت بكازا شافني لما سحبت فلوس من صراف الوفا اللي بالتوين وطلعت لحقني الاخ لحد ما شافني جلست على الكراسي اللي قبال التوين وجنب زارا سلم علي وقالي انا فلان اللي كنخدم سكيورتي بالتوين راك عاقل عليا يك قلت له وبصوت عالي ما اعرفك ولا عمري شفتك الا دابا ( اطبق بمثل هذي الحالات نظرية اسبقوهم بالصوت لا يغلبوكم ) قالي كيفاش انا كنعرفك انت فلان وديما تهضر معنا وتضحك معنا وبالاماره قبيل كنت بالتوين وسحب فلوس من بنك التجاري وفا قلت له وخير يا طير بس انا ما اعرفك واول مره اشوفك المهم قالي ممكن سجاره قلت له وسيررررررر تلح لما شفته جلس يلح قلت له وسير بحالك دابا والا بخلي البوليس تيجو يشدوك من راسك وسير بحالك والاخ ملزم ياخذ شي المهم واشوف من افراد الشرطه اللي يدورون بالدبابات واصيح على واحد منهم والتفت ولا على الودر ولا اشوفه ولا كأن له اثر المهم جاني الشرطي قالي اشنو واقع ليك قلت له السالفه قال وفينه قلت من لحظات كان جنبي .. المهم طلب مواصفاته مني واعطيته اياها بالكامل وبعدها وبعدها سوى تعميم عنه ومشا ..
خلاصة القول يا شباب اي شخص يجيك يقولك انا فلان وشفتني وهالخرابيط اكرشه ولا تعطيه وجه واكرشه بعين قويه ولا تخاف منه لانه اذا شافك رخو تمادى عليك وتعنتر واخذ منك مراده فا أنتبهو يالربع ..
ومشكور يا صاحب الموضوع على التنبيه ..
المغرب المعشوق
__________________