استفسار للاخوه الخبراء

ياخوان كيفكم ان شاء الله بخير


انا ملاحظ من كذا منتدى وبلاخص منتدانا الشامخ للمزاعيط ..

ان الواحد لمن ينزل وبلاخص سعودي او اي خليجي يرمون كلام ويسبون ويتهمونه في اهله وكلام قذف طيب ليش ياجماعه كذا انا والله مستغرب !!!


مع اننا نعاملهم في بلدنا احسن والطف المعاملة يعني هم طايحين فينا شتم ليش وهواش ومشاكل معانا ليش طيب !!

طيب فرضاً لو تكلم علي برد عليه انا اقول مثلاً بيسب بسبه طيب نهايتي انا وهو في الشرطة يعني بلبله على ايش ...

المشكلة اني نازل وحداني والله اخاف اطيح بالعالم هذي ممكن اتحكم بالاعصاب بس ماعاد اقدر امسكها والله ياخوان هذا االي مخوفني ... الي يقول قوي قلبك والي يقول خلك شجاع !!! طيب انا رايح رحلة استمتاع استجمام يعني مانيب رايح لإسرائيل انا رايح دولة عربية زي اي دولة ...

والله كلام كثير سمعته انتبه واحرص ولاتقرب حسيت اني داخل معركة او جبهة حرب على ايش كله ياخي ...
لا ويقولون السب والشتم يبدأ من المطار الى الجوازات مروراً في التكاسي لاحول ولا قوة الا بالله على ايش طيب ...

انا و شخصين من جوازات مطار الملك خالد بنسوي حملة شرسة بس خلوني اروح اجرب هناك مابغا اظلم اي شخص يعني مابغا اسوي شي لين اشوف بعيني واسمع ..
فيه ناس بتايد كلامي عن الحملة وفيه شباب حلوين امورين بيتمسخرون لكن والله العظيم اني اتكلم بجد اقسم لكم بالله العظيم ...

وفيه حركة اقوى واجمل من كل شي طلع طيرك لاي دولة ثانية مسموح فيها للطير بدون فيزا عندك تركيا اندونيسيا ...

بس خلوني اجرب واشوف كيف التعامل اذا كان كذا جحا اولى بلحم ثورة المقصد من كلامي حركات ضغط من جميه الجهات الامنية ومن كل العالم الي اعرفها او زملاء عمل او اصدقاء الين كل واحد يعرف ان الله حق والله ماودي بس خلونا نتأكد ...

محبكم صالح

هلا عزيزي,,,

المشاكل هذي تحصلها دايم في كل بلد عربي,,,وخصوصا المغرب وسوريا,,,لكن مادمك رايح للمغرب اذن من طين والثانية من عجين,,,ولايهمك ذا اللي يقول لك خل قلبك جامد وتهاوش مع العالم هذا واحد يبي يجيب لك العيد وتخش مشاكل وطقاق وشرطة انت في غنى عنها,,,,لذلك عزيزي انت طنش واسحب عليهم ولا كانك سمعت شي,,,والاسباب طبعا معروفة ولا يحتاج اقولك ليش هم حاقدين!!!

لكن السب والشتم من المطار والجمارك هذا غير صحيح!!! في المطار والجمارك بتحصل شحاذة وطرارة علشان الاكرامية بس,,,بس انت لاتعطيهم وجه وقلهم مامعي الا كريدت كارد مامعي كاش,,,وبالعكس ماراح يسوون لك شي,,, انت وسع صدرك وخلك هادي ولاتلتفت لأحد وامورك بتمشي تمام ان شاء الله,,,

واي إستفسار انا حاظر,,,

تحياتي وأشواقي,,,

__________________
تابعونا:Abu Ahmed (456):...


تقرير سفرتنا الى المغرب 2011 (( اللمّبي & العربي باطمة & مصطي & بوقوس ))...3000 صورة !!!

تم انزال الحلقة الثالثة : الصفحة 22

أخوي صالح المشاكل هذي لابد منها ... تعرف ليش تحصل هذي المشاكل أعتقد كلام النجم الأول مفهوم .... هم حاقدين ولابد من الغيرة :Abu Ahmed (233): .. أفهم

__________________

ياحبايب قلبي والله العظيم استفيدمن ردودكم وارائكم والف شكر على المشاركة حبايب قلبي ...
طيب ياخوان هم يغارون من ليش !!! كلنا عرب وبالعكس والله العظيم حنا نكرمهم اذا جونا ونعطيهم الي بون من خدمات او عمل او غيره بالعكس بس هم ليش يعاملونا كذا ..


ياخوان اتوقع سوريا مو مثلهم على الكلام الي سمعته هم بطشو واستفحلو في الغلط ولابد من رادع لهم ولابد من تدخلات وقوانين تصدر منهم هم من حكومتهم وين وزير السياحة منهم وين الشرطة السياحية اذا استمر الوضع على ماهو عليه صدقوني المغرب بتصير زي ومثل سوريا العالم بتهجرها وينظرب عندهم الاقتصاد السياحي لان الي اعرفه من الخليج على مدار السنة ينزلون افواج الى المغرب وبالطريقة هذي سيتظرر البلد من الهجر السياحي من قبل الخليجيين ، مع العلم على الكلام الي اسمعه انهم يقدسون الاوروبي وهذا الاوروبي مايعرف اكراميات ولا دهن سير يعني هم الخسرانين ، والخليجي المسكين الي جاي يوسع صدره وماخذ له اجازة ومجمع رواتب شهور ينزل ويكرم ويدهن سير وفوق هذا كله ينهان وينوطي على راسه ...

صدقوني في تغيرات وتدخلات سياسيه جديدة بس نقول يارب والسفارة تصير زي الناس وفالكم طيب

والله يا الغالي هذا حااااال السياحه في الدول العربيه بصفه عامه

طالما انك خليجي راح يستغلونك و فووق كذا يعااااملونك معامله سيئه من قبل البعض

لكن بصفه عامه عن المغرب فيه الكثير كويسين و الاستغلال و المضايقات هذي

تحصلها من قبل الدرك اما بالنسبه للمواطنين محد يعترضك او يضايقك

والحذر مطلوب وواجب عليك في اي دوله تزورها

هلا وسهلا اخوي صالح ..

الشباب ماقصروا وعطوك المفيد .. لكن صدقني نظرتك تشاؤميه بشكل كبير ..

في كل مكان تلقى الصالح والطالح .. وتلقى الي اخلاقه زينه والي اخلاقه تحت الصفر ..

بالمغرب مع التعامل الرسمي صدقني ماراح تلاقي الا كل احترام ..

ومقولة ياغريب كن أديب طبقها بكل تصرفاتك هناك .. وان شاء الله ماراح تشوف شيء يكدر سفرتك ..

أما تبي ترد وتدخل بناقاشات وحالتك حاله ما انصحك لا بالمغرب ولا بأي مكان بالعالم ..

انت رايح تغيّر جو وتنبسط وش تبي بالنقاشات والمهاترات الي مالها فايده ..

أبد زي ما قلت لك طبق مقولة ياغريب كن أديب وصدقني بتسلك كل أمورك ..

__________________
نلتقي .. لنرتقي ..