غلطه صغيره غيرت حياة اسره......(قصه مؤثره)

النادر · 2012-03-06T11:05:15+00:00

بسم الله الرحمن الرحيم كان هناك طالب جامعي من عائله ليست غنيه ولا فقيره بل وضعهم الاجتماعي تحت المتوسط هذا الطالب في سن 20 عاما في يوم من الايام راح هوا و امه للسوق وشاف امه تشتري اشياء عاديه بقيمه ضعيفه الولد يتمنى انه امه تكون احسن ام في العالم ومين ما يتمنى هذا الشي المهم اخر الشهر نزلتله مكافئه جامعيه وقرر انه يشتري لامه هديه فيها هديه بسيطه راح للاسواق يدور و يدور و يدور شي ينال اعجاب امه لكن كل شي غالي فووق قدرته دخل اخر محل وكان هذا المحل يبع الفضه شبيها للاماس وحاول مع البائع حاول و حاول و نزل بالسعر و اشتراها بقيمه المكافئه كلها 800 ريال الفضه الي اشتراها مثيله الاماس وراح محل الماس و اخذ من عندهم كيس يعنني حركات مشتريها من محل الماس وحطها بالكيس وفي نفس الوقت كن فيه حرمه غنييه بالسوق و معاها الماس حقيقي طبعا هذي الحرمه اكيد معها السواق حقها و كيس الاماس الحقيقي مع السواق السواق استئذن من هذي الحرمه و قالها بروح للحمام وقالته طيب بس لا تتائخر نا هنا استناك في المحل الفلاني و انتبه على الكيس الي معاك قالها طيب وراح للحمام لمن دخل الحمام خاف انه يدخل الكيس جوه الحمام وشاف ما فيه احد قام و حطه على التعليقات الي عند المغاسل قال ماني متائخر و دخل الحمام و هوا بالحمام جااء الولد الي اشترا لامه هديه الفضه ودخل للحمام و حط الكيس حقه جنب الكيس حق الغنيه الي فيله الماس ودخل لحمام طلع السواق من الحمام و شاف كيسين و هوا مستعجل اخذ الكيس الي فيله فضه وخلى الاماس الحقيقي الولد طلع من الحمام و غسل يده واخذ الكيس الي فيله الماس حقيقي طبعا وا مو داري عنه انه اتغيرت الاكياس وهوا طالع من السوق الحرمه الغنيه موقفه سيارتها جنب سيارت الولد المتوسط الحال و شاف معها اكياس كثيرها قالها اساعدك ياخاله طالعت فيه بنظره متكبره و قالتله شييييل هيا وشالها و حطها بسيارتهم جات تبغاء تعطيه فلووس الولد رفض قالها انا ساعدتك لانك حرمه وانا صحفقير بس ما اخذ شي من غير تعب استغربت الحرمه من عزه النفس الي عنده راحو عن بعض وراح الولد للبيت في اليل طلع لامه الهديه هوا يحسبها فضه حتى امه المسكينه و ابوه يحسبونها فضه و قالها مني هديه يا امي و حب على راسها و فتح العلبه الا و العقد و الطقم كله يلمع لامعان مو طبيعي لانه الماس خااام وليس صناعي الام لبسته على اساس انه فضه وقالت لاولدها حلوو ماشالله ليكون غالي قالها هديه بسيطه مني بس مرره روعه قالت امه ايوه بس الحلق فيله مشكله قالها ايش فيه قالتله طويل نبغى نقصره وديني المحل الي اشتريت من عنده قالها لالا العبي غيرها لجل تعرفين كم قيمته قاها نروح و نقصره في محل ذهب قالت طيب جاء اليوم الثاني وراح الام و الاب و الولد كانو بغون شي من السوق و مرو على محل ذهب حطو الطقم عند الرجال وقالت الام للرجال خذ قصرلي الحلق هذا طالع فيهم و قالهم طيب راح اقصره قالو احنا بروح مشوار نشتري و راجعين الا و صاحب المحل يصررررخ لالالا وين انتو رامين فلوسكم بالشارع قالوله ايشبك نشتري و نرجعلك قالهم هذا الماس طبيعي سكتو كلهم الولد يطالع و يقوله لا مو الماس فضه فحصه بالجهاز لجل يصدقون قالهم لو تبغون تبيعونه انا اشتريه منكم( ب مليون و ميه الف ) طالعو ببعض وقالو لا تقصره ولا تسوي فيه شي جيبه بس و اخذوه وراحو البيت الاب يسئل الولد يقوه انتا اكييييد ساارقه اكييد الولد يحلف لابوه يقول والله ما سرقته ولا ادري حق مين فين نفس الوقت الحرمه الغنيه فتحت العلبه في بيتها و حصلتها فالصو (فضه) وصررررررررررررررخت و تناادي السوااق تسئله عن الطقم يحلف ما يدري و قالته فكر فكرر و يفكر و تذكر الحمامات الي في السوق انه وهوا طالع شاف كيسين وراحو للسوق في نفس اليوم و وخلت الاداره تفتح الكميرات و تشوف مين طلع من السوق بهذا لكيس و شافت الولد الي ساعدها على شيل الاكياس و ما اخذ فلوس منها وشافو الكيس معاه الولد راح للسوق وحب انه يسئل اول ما دخل السوق مسكوه الامن الي في السوق و نادو الحرمه الغنيه قالها الولد والله والله والله اني ما سرقت و عمري ما اخذت شي لاحد الحرمه ساكته ما تكلمت هزت راسها و قالت صدقتك قالته انتا مشتري الفضه لمين قال دفعت المكافئه كلها لجل اشتريها لامي قالتله وينهي امك قالها بالبيت قالت الحرمه ابغى اشوفها و قالت اامن خلاص احنا نحل الموضوع بيننا وراحت بيتهم وكان بيتهم شعبي وحياتهم بسيطه قالت الام للحرمه احنا ناس على قدنا والله سبحانه هوا العالم بضروفنا ولا نعرف نفرق بين الاماس و الفضه الحرمه الغنيه سئلتها طيب دام ما تعرفيون تفرقون ايش عرفكم انه الماس و رجعتو للسوق الام جاوبتها والله يا بنتي انا اخذته محل ذهب لان الحلق ماجاء على مقاسي و حبيت اقصره و الي يبع عرف انه الماس حتى قالنا انه جاهز يدفع مليون و ميه لجل يشتري الحرمه ضحكت ههههههههههه معقوله قالت والله الحرمه قالتها يا خاله هذا قيمته 3 ملاين وهذي شهادت الاماس خذيه ليكي هديه الله رزقكم فيله ولا تبيعينه ابدا ابدا ابغاكم تتذكروني فيه فررحت ام الولد و اخذته الحررمه الغنيه طالعت في الولد و قالتله تدرري لو اخذت مني المبلغ لانك ساعدتني مكان عطيتكم هوا هديه وما احلى ان الانسان تكون عنده عزت نفس اخذو الاماس و الحرمه الغنيه اخذت الفضه و طالعت في الولد قالته انا كل ما اشوف طقم الفضه راح اتذكر هذي القصه و صدقني انه احلى من طقوم الاماس كلها لانه هديه من قلب صادق انتا حبيت و كان ودك تعطي امك اغلى شي بس ما عندكم فلووس و حالكم عادي بس ربي ما ضيع الامنيه حقتك و استجاب لدعواك و نيتك الصافيه و هذي امك معاها طقم الماس قيمته 3 ملاين ريال . انتهت القصه

الولهان

مزعوط خبير

المشاركات: 1,682

تاريخ التسجيل: Jul 2011

2012-03-06, 11:22 PM

المشاركه #1

رد: غلطه صغيره غيرت حياة اسره......(قصه مؤثره)

سبحان الله يرزق من يشاء بغير حساب تسلم يالغالي قصه معبره

النادر

مزعوط ذهبي

المشاركات: 1,257

تاريخ التسجيل: Jan 2012

2012-03-07, 12:26 AM

المشاركه #2

رد: غلطه صغيره غيرت حياة اسره......(قصه مؤثره)

اقتباس:

المشاركة الأصلية كتبت بواسطة الولهان

سبحان الله يرزق من يشاء بغير حساب تسلم يالغالي قصه معبره

اسعدني مرورك اخوي الولهان

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

الانتقال السريع

المواضيع المتشابهه للموضوع: غلطه صغيره غيرت حياة اسره......(قصه مؤثره)
الموضوع	آخر مشاركة
المغرب غيرت حياتي	2019-02-22 02:48 AM
شيـــــله ........ حلوه بس مؤثره	2012-04-13 05:02 PM
غلطه وندمان عليها	2011-09-29 01:27 PM
غيرت جوالك	2011-08-24 12:55 PM

الساعة الآن 09:01 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

غلطه صغيره غيرت حياة اسره......(قصه مؤثره)

روابط سريعه