عاجل يا مزاعيط
 

السلام عليكم
مساء الخير يا مزاعيط انا مسافر يوم الاربعاء والوجهه مراكش بأذن الله كان عددنا ثلاث اشخاص وحاجزين فله اربع غرف وسياره من المطار وكل شي جاهز واليوم واحد من الشباب كنسل سفره بسبب مرض والدته الله يشفيها ويقومها بالسلامه واتمنى منكم الدعاء لها قبل كل شي والان احنا اثنين مسافرين اذا فيه شخص او شخصين حابين يسافرو معانا خاصه ان كل شي جاهز هاذا ما اتمناه لانه فله اربع غرف كبيره على شخصين مدة اقامتنا في مراكش اسبوع بأذن الله

الله يشفيها ويقومها بالسلامه

شف اذا تقدر تكنسل حجز الفله اربع غرف حتى لو يخصمون قيمة اول ليله

تروح وترجع بالسلامة والله يشفي صاحبك

الله يشفيها ويخفف عنها ويقومها بسلامة يارب

الله يشفيها ويعافيها يارب

ماتقدر تكنسل خاصه ان الوقت متأخر جداً وانا حاجز من فتره اذا لم اجد احد يخاوينا نجلس اليومين في الفله واستغل الوقت بالبحث عن شقه على راحتي

الله يشافيها ويقومها بالسلامه

اسمعها مني وتوكل على الله
روح للمطار قبلها بساعه
واجلس قدام البوابه وراح تلتقي شباب هناك
الي جاي وحدة اكيد يبي اخوياء
وهناك بيصير تعارف مع شباب واعرض عليهم لغكرة يمكن يوافقو وبدل اتنين يصيرو اربع
اعمل هلحركة ادا كان عندي وزن مثير
هههههههه
اروح بدري ولي اشوفه عنده بس شنطه اطلبه يمشيلي وزن معه
ههههههههه

بأذن الله احصل اخويا مطانيخ وتكون رحله لا تنسى

ياليت وانا اخوك اني عرفت بدري كنت خاويتكم ولكن ارتبطت مع شباب شرواك وموجودين في قروب تجمع شباب الخليج لكن ان شالله تلاقي من يسد مكان خويكم الله يشفي له امه ولو تكلم الاخوان يضيفوك معنا بالقروب نجتمع عالخير والمحبه


تم الإرسال بواسطة iPad بإستخدام مزاعيط المغرب

ماعليك زود طال عمرك وخوتك شرف
حاولت ارسل لك خاص يقول المساحه عندك فل حاول تمسح من الرسائل او ترسل رقمك لي بالخاص

للان مافيه احد طالع بالوقت هاذا

الشفاء العاجل لها انشاء الله

صباح الخير ممكن انضم للقروب

الله يشفي والدة خويك ومرضانا ومرضى المسلمين

الله يشفي والدة خويك ومرضانا ومرضى المسلمين

شكلي بغير الوجهه ل معشوقتي اغادير واخر يومين اقضيها بالفله لاني دافع مبلغ الحجز مقدماً :)

ان طعت شوري كنسل الفله ودور لك شقه انا مستغرب من بعض الشباب اللي يدورون اخويا مايعرفونهم .. مثلاً لو طحت لك في عله وراعي مشاكل او اخلاقه مش ولابد ويخرب عليك جوكم وخصوصيتكم وذاك الوقت ماتقدر تطرده

تابط ارسلي خاص


تم الإرسال بواسطة iPad بإستخدام مزاعيط المغرب

الله يشافي والدت خويك ان شاء الله عسى ما شر و خيرها في غيرها الوالدين لا يعوضون

تروح وتجي بالسلاامه انـا بعدك 1 ابريل اذا فيه احد طالع بنفس التاريخ

انا دافع حق يومين وبيني وبينك اذا لقيت خوي محترم او ماني مجبور اجلس يومين بالفله بروحي وبعدها اطلع اغادير سيارتي معي والديره اعرفها

اوافقك بشده فعلا شي غريب انه احد يبحث عن خوي سفر عن طريق المنتدي ما يعرفه ولا يعرف اطباعه وقد يتسبب بالمشاكل ويعكر جوك هذا اذا لم يكن مدمن للمخدرات او لم يسرقكم اكيد لو خليت خربت وانه هناك ناس تعرفهم بالصدفه يكونون اكثر من اخوان لكن ليش تحت نفسك تحت رحمة الحظ يا يطلع طيب يا يطلع ردي

انا طالع لوحدى يوم الخميس 27 مارس وراجع 11 ابريل نفسي الاقي خوى دليلة يضبط لنا السهر

انا طالع ان شاء يوم ١ ابريل وابي خوي على الدين والمله ومايلقى الله سعة الصدر والفله .

نصيحة لا تسافر لحالك ابحث عن خوي لو ماتعرفه اهم شي انه خليجي ويد وحدة ماتصفق وانا اخوك

بلعكس افضل يسافر وحدة
يطلع وقت ما يبي يرجع وقت ما يبي يعمل لي يعجبه
ما يكون متقيد بشخص
وهو جاي يستانس يتمشى ويغير جو
عادي يكون وحده

كلامك عين العقل